Memleket basshysy búgingi Joldaýynda Prezident Ákimshiligine aýyldarda azamattyq bastamalardy qoldaýdyń tiimdi tetigin ázirleýdi tapsyrdy, dep habarlaidy QazAqparat.
«Jergilikti ózin-ózi basqarýdy ári qarai jańǵyrtýdyń basty faktory – azamattyq mádenietti damytý. Prezident Ákimshiliginiń aldynda aýyldarda azamattyq bastamalardy qoldaýdyń tiimdi tetigin ázirleý mindeti tur. Granttyq qarjylandyrý júiesin aýyldaǵy úkimettik emes uiymdardyń ótinimine beiimdep, ol granttardy alý joldaryn jeńildetý mańyzdy. Bul aýyldaǵy áleýmettik belsendilikke serpin beredi», dedi Memleket basshysy Prezident Parlament palatalarynyń birlesken otyrysynda.
Sondai-aq, Prezident Joldaýynda Ulttyq qordyń aktivterin qalpyna keltirý úshin biýdjettik erejege kóshýdi jedeldetýdi tapsyrdy.
«Sońǵy kezde memlekettik shyǵys mindettemelerin jabý úshin biýdjet tapshylyǵy men Ulttyq qordan alynatyn transferttiń artý tendentsiiasy baiqalýda. Únemi mundai jeńil jolmen júrý múmkin emes. Qarjylyq turaqtylyq qory sheksiz emes. Biýdjettiń kirisin arttyrý boiynsha sharalar qajet ekeni anyq. Biraq birinshi kezekte memlekettik shyǵyndardyń kólemi men tiimdiligine baqylaý kerek. Ulttyq qor aktivterin qalpyna keltirý úshin biýdjettik erejeni engizýdi jedeldetý kerek. Tiisti zańnamalyq túzetýler jyldyń sońyna deiin qabyldanýy qajet», - dedi Prezident.
