اقتٶبە وبلىسىنىڭ پوليتسييا دەپارتامەنتٸ ازاماتتارعا 200 مىڭ تەڭگە اقشالاي سىياقى ٷشٸن جٷرگٸزۋشٸ كۋەلٸگٸن الىپ بەرۋمەن اينالىسقان ۇيىمداسقان قىلمىستىق توپتى ۇستادى. توپ مٷشەلەرٸ مامانداندىرىلعان حقكو-نىڭ قىزمەتكەرلەرٸ بولىپ تابىلادى, - دەپ حابارلايدى "ۇلت اقپارات" Polisia.kz سايتىنا سٸلتەمە جاساپ.
جٷرگٸزٸلگەن جەدەل-ٸزدەستٸرۋ ٸس-شارالارى بارىسىندا ەكزامەن تاپسىرۋعا ارنالعان سىنىپقا كٸرەبەرٸستە مٸندەتتٸ تەورييالىق ەمتيحاننان ٶتۋ كەزٸندە حقو قىزمەتكەرلەرٸ ٶزدەرٸنٸڭ قىلمىستىق رولٸنە سەيكەس بەلگٸلٸ بٸر كانديداتتاردى مەتالل ٸزدەگٸشپەن تەكسەرمەي, تٸزٸم بويىنشا كەدەرگٸسٸز ٶتكٸزگەنٸ انىقتالدى.
سونىمەن قاتار الدىن الا اقشا بەرگەن كانديداتتاردىڭ تٸزٸمٸن ازاماتتىق تۇلعالار, ياعني توپ مٷشەلەرٸنٸڭ سىبايلاستارى جاساپ وتىرعان. ەمتيحان تاپسىرۋشى قۇلاپقاپتارمەن, ميكروفونمەن جەنە كامەرامەن جابدىقتالىپ, كومپيۋتەر سىنىبىنا ٶتٸپ, مونيتوردا شىققان سۇراقتاردى قىلمىستىق توپتىڭ مٷشەسٸنە كٶرسەتٸپ وتىرعان.
ال ول ٶز كەزەگٸندە جالدامالى پەتەردە وتىرىپ, وعان دۇرىس جاۋاپتاردى نۇسقاعان. سونداي-اق توپتىڭ تاعى بٸر مٷشەسٸ ەمتيحان كەزٸندە كٶرشٸ كابينەتتە وتىرىپ, ولاردى روۋتەردٸڭ كٶمەگٸمەن ينتەرنەتپەن قامتاماسىز ەتكەن. وسىلايشا ازاماتتار تەستتٸ زاڭسىز تاپسىرىپ, جٷرگٸزۋشٸ كۋەلٸكتەرٸنە قول جەتكٸزگەن.
جالدامالى پەتەردٸ تٸنتۋ كەزٸندە پوليتسييا قىزمەتكەرلەرٸ 6 690 000 تەڭگە, 1800 اقش دوللارىن تەركٸلەدٸ. سونداي-اق ميني-قۇلاققاپتار, كٸشكەنتاي بەينەكامەرالار, كامەرالارى بار ەمتيحان تاپسىرۋعا ارنالعان جيلەتتەر, قۋاتتاۋ قۇرىلعىسى جەنە تاعى دا باسقا زاتتار تەركٸلەندٸ. سونىمەن قاتار جەكە تەكسەرۋ كەزٸندە بٸر ەكزامەن تاپسىرۋشىدان ماريحۋاناعا ۇقساس ٶسٸمدٸك تەكتەس زات تابىلدى.
ارنايى وپەراتسييا بارىسىندا مامانداندىرىلعان حقكو-نىڭ اۋلاسىندا ٶز كەزەگٸن كٷتٸپ تۇرعان, ٶزٸنە قاجەتتٸ تەحنيكامەن جابدىقتالعان تاعى بٸر ازامات ۇستالدى.
قازٸرگٸ ۋاقىتتا قىلمىستىق سحەماعا تارتىلعان ادامداردىڭ ەرەكەتتەرٸ قۇجاتتالدى جەنە تەرگەۋ امالدارى جٷرگٸزٸلٸپ جاتىر.
