Nur Otan پارتيياسى تٶراعاسىنىڭ بٸرٸنشٸ ورىنباسارى باۋىرجان بايبەكتٸڭ ارىزى بويىنشا جارييا تٷردە ٶتكەن سوتتا جەڭٸلگەن جانبولات ماماي مەن ينگا يمانباەۆاعا قاتىستى شەشٸم بويىنشا اتقارۋشىلىق ٸس جٷرگٸزۋ جالعاسىپ جاتىر.
بٷگٸن بەلگٸلٸ بولعانداي, جانبولات ماماي مەن ينگا يمانباەۆا 27 تامىزدا, ياعني شوتتارىنا تىيىم سالىنعاننان كەيٸنگٸ ەكٸنشٸ كٷنٸ 876 402 تەڭگە كٶلەمٸندەگٸ سوت شىعىندارىن دەرەۋ ٶتەگەن. بۇل تۋرالى بايبەكتٸڭ زاڭدى ٶكٸلٸ ايجان تەشەنوۆا Facebook-تەگٸ پاراقشاسىندا مەلٸمدەدٸ, دەپ حابارلايدى "ۇلت اقپارات".
«سوت شەشٸمٸن ورىندامايتىنى تۋرالى مەلٸمدەمەلەرٸ مەن قيتۇرقى ەرەكەتتەرٸنە قاراماستان, ماماي مەن يمانباەۆا شەشٸمدٸ مەجبٷرلٸ تٷردە اسىعىس ورىندادى. سونىمەن, دەمالىس كٷندەرٸ ولاردىڭ شوتتارىنان الىنعان قاراجات سوت ورىنداۋشىسىنىڭ دەپوزيتٸندە بولدى. ال بٷگٸن, بٸرٸنشٸ جۇمىس كٷنٸ ب.بايبەكتٸڭ ٶتٸنٸشٸ بويىنشا قاراجات اۋتيزمٸ بار بالالارعا جەردەم ٷشٸن «بولاشاق» كورپوراتيۆتٸك قورىنا اۋدارىلدى», - دەپ جازدى زاڭگەر.
تەشەنوۆانىڭ ايتۋىنشا, ماماي مەن يمانباەۆا ٶز ەركٸمەن ەمەس, مەجبٷرلەۋ ارقىلى قوعامعا قانداي دا بٸر پايدالى نەرسە جاساعان.
سونداي-اق بٷگٸن بايبەكتٸڭ زاڭگەرٸ عالىم بايتوق, ايدوس جۇقانۇلى, اسحات سادىربايمەن بٸرگە تٸكەلەي ەفيردە تالاپكەردٸڭ تالاپ-ارىزى بويىنشا سوتقا ۇسىنىلعان مامايدىڭ دەلەل دەپ اتاعان ماتەريالدارىن كٶپشٸلٸك الدىندا اشىق تالقىلادى. شاراعا ماماي مەن ونىڭ جاقتاستارى شاقىرىلعانىمەن, زاڭگەر ولاردىڭ بٸرٸ دە تٶبە كٶرسەتپەگەنٸن حابارلادى.
ەستەرٸڭٸزگە سالساق, الماتى قالالىق اپەللياتسييالىق سوتى باۋىرجان بايبەكتٸڭ ار-نامىسىن, ٸسكەرلٸك بەدەلٸن قورعاۋ ماقساتىندا مامايعا قارسى بەرگەن تالاپ-ارىزىنا قاتىستى شەشٸمٸن سول كٷيٸندە قالدىرعان بولاتىن. وسىلايشا ماماي مەن ونىڭ ەيەلٸ يمانباەۆا بايبەك تۋرالى «YouTube» ارناسىندا ورنالاستىرعان ۆيدەونى ٶشٸرۋگە جەنە 876 مىڭ تەڭگە سوت شىعىنىن ٶتەۋگە مٸندەتتەلگەن ەدٸ. بۇل سومانى تالاپكەر اۋتيزمٸ بار بالالارعا قايىرىمدىلىق كٶمەك رەتٸندە جولدايتىنىن حابارلاعان.
