Nur Otan partiiasy tóraǵasynyń birinshi orynbasary Baýyrjan Baibektiń aryzy boiynsha jariia túrde ótken sotta jeńilgen Janbolat Mamai men Inga Imanbaevaǵa qatysty sheshim boiynsha atqarýshylyq is júrgizý jalǵasyp jatyr.
Búgin belgili bolǵandai, Janbolat Mamai men Inga Imanbaeva 27 tamyzda, iaǵni shottaryna tyiym salynǵannan keiingi ekinshi kúni 876 402 teńge kólemindegi sot shyǵyndaryn dereý ótegen. Bul týraly Baibektiń zańdy ókili Aijan Táshenova Facebook-tegi paraqshasynda málimdedi, dep habarlaidy "Ult aqparat".
«Sot sheshimin oryndamaityny týraly málimdemeleri men qiturqy áreketterine qaramastan, Mamai men Imanbaeva sheshimdi májbúrli túrde asyǵys oryndady. Sonymen, demalys kúnderi olardyń shottarynan alynǵan qarajat sot oryndaýshysynyń depozitinde boldy. Al búgin, birinshi jumys kúni B.Baibektiń ótinishi boiynsha qarajat aýtizmi bar balalarǵa járdem úshin «Bolashaq» korporativtik qoryna aýdaryldy», - dep jazdy zańger.
Táshenovanyń aitýynsha, Mamai men Imanbaeva óz erkimen emes, májbúrleý arqyly qoǵamǵa qandai da bir paidaly nárse jasaǵan.
Sondai-aq búgin Baibektiń zańgeri Ǵalym Baitoq, Aidos Juqanuly, Ashat Sadyrbaimen birge tikelei efirde talapkerdiń talap-aryzy boiynsha sotqa usynylǵan Mamaidyń dálel dep ataǵan materialdaryn kópshilik aldynda ashyq talqylady. Sharaǵa Mamai men onyń jaqtastary shaqyrylǵanymen, zańger olardyń biri de tóbe kórsetpegenin habarlady.
Esterińizge salsaq, Almaty qalalyq apelliatsiialyq soty Baýyrjan Baibektiń ar-namysyn, iskerlik bedelin qorǵaý maqsatynda Mamaiǵa qarsy bergen talap-aryzyna qatysty sheshimin sol kúiinde qaldyrǵan bolatyn. Osylaisha Mamai men onyń áieli Imanbaeva Baibek týraly «YouTube» arnasynda ornalastyrǵan videony óshirýge jáne 876 myń teńge sot shyǵynyn óteýge mindettelgen edi. Bul somany talapker aýtizmi bar balalarǵa qaiyrymdylyq kómek retinde joldaitynyn habarlaǵan.
