فوتو: © مەدەنيەت جەنە سپورت مينيسترلٸگٸ
قازاقستاندىق رەجيسسەر ايسۇلتان سەيٸتوۆ شانحايدىڭ 25-شٸ مەرەيتويلىق حالىقارالىق كينوفەستيۆالٸندە "قاش" دەبيۋتتٸك كارتيناسىمەن "ٷزدٸك رەجيسسەر" نوميناتسيياسىن جەڭٸپ الدى, دەپ حابارلايدى "ۇلت اقپارات" مەدەنيەت جەنە سپورت مينيسترلٸگٸنە سٸلتەمە جاساپ.
"قاش" فيلمٸ قىسقا تٸزٸمگە ەنٸپ, Asian New Talent ساناتىنداعى بٸردەن ٷش نوميناتسييادا جەڭٸسكە جەتتٸ: Best Film — Aisultan Seitov, Best Director — Aisultan Seitov, Best Script Writer —Ablay Nurmanbetov.
فەستيۆال باعدارلاماسىندا تۋىندىنى ايسۇلتان سەيٸتوۆ, Qara Studios باس پروديۋسەرٸ ەركەبۇلان كٷرٸشباەۆ جەنە ستسەناريي اۆتورى ابىلاي نۇرمانبەتوۆ تانىستىردى.
ايتا كەتەيٸك, "قاش" فيلمٸنٸڭ تٷسٸرٸلٸمٸ 2020 جىلى باستالعان. ال 2022 جىلى قازاقستاندا جالپى پروكاتقا شىقتى. فيلمدٸ كٶرەرمەندەر جىلى قارسى الدى, سونداي-اق ول قازاقستاندىق كينوسىنشىلاردىڭ بٸرقاتار ماراپاتىن الدى.
كٶركەم تۋىندى 1931-1933 جىلدارداعى قازاق دالاسىنداعى جاپپاي اشارشىلىق تراگەديياسىن ەكٸ اعايىندىنىڭ جەكە وقيعاسى ارقىلى باياندايدى.
شانحاي كينوفەستيۆالٸ كەڭ حالىقارالىق باعدارلاماسى بار قىتايدىڭ ەڭ ٸرٸ كينوفەستيۆالٸ جەنە بەدەلدٸ حالىقارالىق كينوفەستيۆالدەردٸڭ بٸرٸ بولىپ تابىلادى. بيىل بۇل شارا 9-18 ماۋسىم ارالىعىندا ٶتتٸ.
