بٸلٸم جەنە عىلىم مينيسترلٸگٸ ۋنيۆەرسيتەتتەردەن ەشقانداي قۇجاتتاردى تالاپ ەتپەيدٸ. مينيسترلٸك اپپاراتىنىڭ وتىرىسىندا اسحات ايماعامبەتوۆ وسىلاي ايتتى, دەپ حابارلايدى قازاقپارات.
«ەرتٷرلٸ رەفورمالار جٷزەگە اسىرىلىپ جاتىر. ولار كەرەك. الايدا سونىڭ ٸشٸندە ەڭ باستى مەسەلەنٸڭ بٸرٸ – پەداگوگتارعا كەدەرگٸ جاسايتىن ەسەپ, جالاقى جەنە دەربەستٸك مەسەلەسٸ. بٸز مەكتەپتەر بويىنشا ارنايى بۇيرىقتار قابىلداپ, تولتىراتىن ناقتى تٸزٸمدٸ بەكٸتتٸك. مەكتەپتەگٸ مەسەلە ەدەۋٸر رەتتەلٸپ قالدى. كەزٸندە ەلەكتروندى كٷندەلٸكتٸ ەنگٸزگەن كەزدە دە قانشاما سۇراق تۋىنداعان. بٸراق تسيفرلاندىرۋ باعىتىندا بٸز العا جىلجىدىق», - دەدٸ اسحات ايماعامبەتوۆ مينيسترلٸكتٸڭ اپپاراتتىق وتىرىسىندا.
اسحات ايماعامبەتوۆتىڭ ايتۋىنشا, جوعارى وقۋ ورىندارىنىڭ پەداگوگتارىنا قاتىستى قاعازباستىلىق پروبلەماسىن شەشۋ كەرەك.
«قازٸرگٸ ۋاقىتتا بٸز اكادەمييالىق جەنە باسقارۋشى قۇزىرەتتەردٸڭ بەرٸن ۋنيۆەرسيتەتتەرگە بەرٸپ جاتىرمىز. سونىڭ شەڭبەرٸندە مينيسترلٸك رەتتەپ وتىرعان ەرتٷرلٸ قۇجاتتىڭ بەرٸن الىپ تاستادىق. 2 قىركٷيەك كٷنٸ بۇيرىققا قول قويىپ, ونى ەدٸلەت مينيسترلٸگٸنە تٸركەدٸك. ەندٸ وسى بۇيرىقتىڭ شەڭبەرٸندە جۇمىس ٸستەۋ كەرەك. بٸلٸم جەنە عىلىم مينيسترلٸگٸ ۋنيۆەرسيتەتتەردەن ەشقانداي قۇجاتتاردى تالاپ ەتپەيدٸ», - دەدٸ ول.
مينيستر جوو پەداگوگتارى قاجەتسٸز جۇمىستاردىڭ بەرٸنەن بوساپ, ٶز مٸندەتٸمەن اينالىسۋى كەرەكتٸگٸن مەلٸم ەتتٸ.
«قازٸر ميعا سىيمايتىن ەسەپ تٷرلەرٸ بار. مويىنداۋ كەرەك. كەسٸپتٸ ايقىنداۋ جۋرنالى, جۇمىسقا ورنالاسقانى تۋرالى انىقتاما تالاپ ەتٸلەدٸ. جوو-لاردىڭ بەرٸ دەمەيمٸن, بٸراق بٸرازى ەلٸ كٷنگە دەيٸن وسى انىقتامانى تالاپ ەتٸپ جٷر. ونىڭ نە كەرەگٸ بار? بٸلٸم جەنە عىلىم مينيسترلٸگٸنە ول قۇجات مٷلدە كەرەك ەمەس. جۇمىسقا ورنالاسۋ كٶرسەتكٸشٸن بٸز باسقا مەملەكەتتٸك ورگانداردىڭ ەلەكتروندى بازاسىنان الا سالامىز. مەلٸمەتتەر جەتەدٸ. تٸپتٸ پەداگوگتارعا ويعا سىيمايتىن تالاپتى قوياتىندار بار. ەسٸرەسە جازدا كەيبٸر جوو-لارداعى پەداگوگتاردىڭ جۇمىسى قانشاما ابيتۋريەنتتٸ وقۋ ورنىنا تارتا الاتىنىنا بايلانىستى باعالانادى. بۇل تٸپتٸ نونسەنس. شىن مەنٸندە پەداگوگ ٶز ٸسٸمەن اينالىسۋى كەرەك», - دەدٸ ول.
