بٷگٸن قوستانايدا بٸلٸم بەرۋ سالاسىنداعى ماڭىزدى سالتاناتتى ٸس-شارا ٶتتٸ. مۇعالٸمدەردٸڭ كەسٸبي مەرەكەسٸ قارساڭىندا «ٷزدٸك پەداگوگ – 2021» رەسپۋبليكالىق بايقاۋىنىڭ قورىتىندىسى شىعارىلدى. بۇل تۋرالى قر بٸلٸم جەنە عىلىم مينيسترٸ اسحات ايماعامبەتوۆ Facebook-تە جازدى, دەپ حابارلايدى "ۇلت اقپارات".
«بيىل ونىنشى رەت ٶتٸپ جاتقان مەرەيتويلىق رەسٸم قازاقستان تەۋەلسٸزدٸگٸنٸڭ 30 جىلدىعى قارساڭىندا ۇيىمداستىرىلىپ, اسا كٶرنەكتٸ اعارتۋشى, پەداگوگ ىبىراي التىنساريننٸڭ 180 جىلدىعىمەن تۇسپا-تۇس كەلدٸ. وسىعان بايلانىستى بٸز ٸس-شارانى ۇلى اعارتۋشىنىڭ تۋعان جەرٸندە ٶتكٸزەمٸز دەپ شەشٸم قابىلدادىق.
2020 جىلدىڭ قاڭتارىندا مەملەكەت باسشىسى قاسىم-جومارت كەمەلۇلى توقاەۆ «پەداگوگ مەرتەبەسٸ تۋرالى» زاڭعا قول قويدى. پرەزيدەنتتٸڭ قولداۋىنىڭ ارقاسىندا جەنە وسى زاڭنىڭ قابىلدانۋىنىڭ نەتيجەسٸندە بٸز مۇعالٸمدەردٸڭ جالاقىسىن ارتتىرىپ, پەداگوگتەردٸ ٶزٸنە تەن ەمەس فۋنكتسييالاردان بوساتۋ بويىنشا جۇمىس جٷرگٸزدٸك.
بٷگٸن ەلٸمٸزدٸڭ تٷكپٸر-تٷكپٸرٸنەن كەلگەن 64 مۇعالٸم «ٷزدٸك پەداگوگ-2021» اتاعىنا يە بولدى. پەداگوگتەردٸڭ ەرقايسىسى 1000 اەك كٶلەمٸندە سەرتيفيكاتپەن جەنە «ٷزدٸك پەداگوگ» تٶسبەلگٸسٸمەن ماراپاتتالدى. سونىمەن قاتار اقشالاي سىياقىلار جەرگٸلٸكتٸ اتقارۋشى ورگاندار تاراپىنان دا بەكٸتٸلدٸ. بۇل كٷنٸ 10 پەداگوگ «ەڭبەك ارداگەرٸ» مەدالٸمەن جەنە «ى. التىنسارين», «بٸلٸم بەرۋ ٸسٸنٸڭ قۇرمەتتٸ قىزمەتكەرٸ» تٶسبەلگٸلەرٸمەن ماراپاتتالدى. پەداگوگيكا سالاسىنىڭ ەڭبەك ارداگەرلەرٸنە دە قۇرمەت كٶرسەتٸلدٸ.
بارلىق جەڭٸمپازدى لايىقتى ماراپاتتارىمەن قۇتتىقتايمىن! قاجىرلى ەڭبەكتەرٸڭٸز بەن ماماندىققا دەگەن ادالدىقتارىڭىز ٷشٸن العىس ايتامىن», - دەپ اتاپ ٶتتٸ ايماعامبەتوۆ ٶز جازباسىندا.
