بٸلٸم جەنە عىلىم مينيسترٸ اسحات ايماعامبەتوۆ قازاقستاندىقتاردى جاڭا وقۋ جىلىنىڭ باستالۋىمەن قۇتتىقتادى, دەپ حابارلايدى "ۇلت اقپارات".
«سٸزدەردٸ 1 قىركٷيەك — جاڭا وقۋ جىلىنىڭ باستالۋىمەن قۇتتىقتايمىن! بٸلٸم بەرۋ ۇيىمدارىندا وقۋ جىلى قاتاڭ سانيتارلىق تالاپتاردى ساقتاي وتىرىپ, دەستٷرلٸ فورماتتا باستالادى.
بالالار ٶز مەكتەپتەرٸن, دوستارى مەن سىنىپتاستارىن, ال مۇعالٸمدەرٸمٸز وقۋشىلارىن ساعىندى. بارلىعى مەكتەپتەردٸڭ اشىلۋىن اسىعا كٷتتٸ.
ەلەمدٸك پاندەمييا بٸلٸم بەرۋ ٷردٸسٸندەگٸ مۇعالٸمنٸڭ باعا جەتپەس رٶلٸن ايقىنداي تٷستٸ. اتاپ ايتساق, مۇعالٸمنٸڭ كەسٸبيلٸگٸ, تەجٸريبەسٸ, بالاعا دەگەن سٷيٸسپەنشٸلٸگٸ مەن وقۋشىنىڭ ٶمٸرٸندەگٸ اتقاراتىن رٶلٸ ايقىندالدى. ەلبەتتە, مۇعالٸمدەر گادجەت ەكراندارى ارقىلى ەمەس, بالالارمەن تٸكەلەي بايلانىستا بولا وتىرىپ بەرەتٸن بٸلٸمدٸ زاماناۋي تەحنولوگييالارمەن سالىستىرۋ قيىن», - دەپ جازدى مينيستر جەلٸدەگٸ پاراقشاسىندا.
مينيستر 1 قىركٷيەك — بٸرٸنشٸ سىنىپ وقۋشىلارى ٷشٸن ەرەكشە مەرەكە ەكەندٸگٸن اتاپ ٶتتٸ.
«بيىل 394 مىڭعا جۋىق بالا مەكتەپ تابالدىرىعىن العاش رەت اتتايدى. وسى سالتاناتتى كٷنٸ «ەلٸپپە» مەن «بۋكۆار» وقۋلىقتارىن قولدارىنا الاتىن بٸرٸنشٸ سىنىپ وقۋشىلارىن قۇتتىقتاعىم كەلەدٸ. بٷلدٸرشٸندەرٸمٸزگە مىقتى دەنساۋلىق تٸلەپ, اشىق جەنە بٸلٸمقۇمار بولۋعا شاقىرامىن.
جاڭا وقۋ جىلى ەربٸر وقۋشى, ستۋدەنت, مۇعالٸم جەنە وقىتۋشى, جالپى بٸلٸم بەرۋ سالاسىنا قاتىسى بار ەربٸر ادام ٷشٸن قىزىقتى ەرٸ پايدالى بولۋىن تٸلەيمٸن.
قۇرمەتتٸ ەرٸپتەستەر! كٶپتەن كٷتكەن دەستٷرلٸ فورماتقا ورالىپ, مەكتەپ قابىرعاسىندا بالالاردىڭ جارقىن كٷلكٸلەرٸن ەستۋ سٸزدەردٸ قۋانىشقا بٶلەيتٸنٸن بٸلەمٸن. جوعارى وقۋ ورىندارىنداعى اۋديتورييالار دا قىزىقتى ەڭگٸمەلەر مەن زيياتكەرلٸك پٸكٸرتالاستارعا تولى بولارى سٶزسٸز», - دەپ تٷيٸندەدٸ ايماعامبەتوۆ.
