بٸلٸم جەنە عىلىم مينيسترٸ اسحات ايماعامبەتوۆ Facebook-تەگٸ پاراقشاسىندا مەكتەپ ديرەكتورىن تاعايىنداۋدىڭ جاڭا تەرتٸبٸنە توقتالدى, دەپ حابارلايدى "ۇلت اقپارات".
«الدىڭعى جازبامدى جالعاستىرا وتىرىپ, مەكتەپ ديرەكتورلارىن تاعايىنداۋدىڭ جاڭا تەرتٸبٸنە توقتالىپ ٶتسەم.
شىن مەنٸندە, بۇل — مەكتەپ ديرەكتورلارى, وقۋ مەڭگەرۋشٸلەرٸ, پەداگوگتەر جەنە ساراپشىلارمەن بٸرلەسە بٸر جىلدان استام ۋاقىت اتقارعان تىنىمسىز جۇمىستىڭ نەتيجەسٸ.
بٸرٸنشٸدەن, ەندٸ مەكتەپ ديرەكتورىنىڭ مٸندەتٸن اتقارۋشىسى بولىپ ٷش ايدان اسپايتىن جەنە بٸر رەتتەن ارتىق ەمەس مەرزٸمدە عانا ٸستەۋگە بولادى. وسى كەزەڭدە كونكۋرس ٶتكٸزٸلٸپ, جاڭا باسشى تاعايىندالۋى كەرەك», دەپ جازدى اسحات ايماعامبەتوۆ.
ونىڭ ايتۋىنشا, ەرەجەدە بەلگٸلەنگەندەي, مەكتەپ ديرەكتورىنىڭ بوس نەمەسە ۋاقىتشا بوس لاۋازىمىنا كونكۋرس تۋرالى حابارلاندىرۋ بوس ورىن پايدا بولعاننان كەيٸن 7 جۇمىس كٷنٸ ٸشٸندە بٸلٸم باسقارماسىنىڭ رەسمي سايتىندا جەنە اككاۋنتىندا ورنالاستىرىلۋى كەرەك.
«وسىلايشا, بوس نەمەسە ۋاقىتشا بوس ديرەكتور لاۋازىمىنا كونكۋرس جارييالاماي اق, جىلدار بويى ديرەكتوردىڭ مٸندەتٸن اتقارۋشىسى بولىپ جۇمىس ٸستەپ جٷرە بەرۋگە ەندٸ جول بەرٸلمەيدٸ.
ايتپاقشى, بٷگٸنگٸ تاڭدا ەلٸمٸزدە مەكتەپ باسشىسى لاۋازىمىنا 700-دەن استام بوس جۇمىس ورنى بار جەنە سەيكەسٸنشە ول جەرلەردە ديرەكتوردىڭ مٸندەتٸن اتقارۋشى ادامدار جۇمىس ٸستەپ جٷر», - دەدٸ مينيستر.
ونىڭ ايتۋىنشا, ەكٸنشٸدەن, ەرەجەدە ديرەكتوردىڭ ۋاقىتشا بوس لاۋازىمىنا (بالا كٷتٸمٸنە بايلانىستى دەمالىس, وقۋ جەنە ت.ب.) تاعايىنداۋ رەگلامەنتتەلەدٸ. مۇنداي جاعدايلاردا دا ۇيىم باسشىسى تٸكەلەي تاعايىنداۋ ەمەس, كونكۋرس ارقىلى انىقتالادى.
ٷشٸنشٸدەن, ەندٸ ديرەكتور لاۋازىمىنا كونكۋرستى اۋداندىق بٸلٸم بٶلٸمدەرٸ ەمەس, وبلىستىق بٸلٸم باسقارمالارى ٶتكٸزەتٸن بولادى. ياعني, كونكۋرستىق رەسٸمدەردٸ ۇيىمداستىرادى جەنە ديرەكتورلاردى انىقتايدى. سودان كەيٸن ديرەكتوردىڭ كانديداتۋراسى بويىنشا قۇجاتتار ەڭبەك شارتىن جاساسۋ ٷشٸن بٸلٸم بٶلٸمٸنە جٸبەرٸلەدٸ. 5 جىلعا تاعايىندالادى.
«بايقاۋدىڭ ٶزٸ بٸرنەشە كەزەڭنەن تۇرادى:
- كانديداتتاردىڭ ديرەكتور لاۋازىمىنا قۇجاتتاردى تاپسىرۋى;
- بٸلٸم باسقارماسىنداعى كادر قىزمەتٸنٸڭ كانديداتتىڭ بٸلٸكتٸلٸك تالاپتارىنا سەيكەستٸگٸن باعالاۋى, كونكۋرسقا قاتىسۋعا رۇقسات بەرۋٸ;
- ٷمٸتكەرلەرگە ارنالعان ەلەكتروندىق تەستٸلەۋ (باسقارۋشىلىق قۇزىرەتتەر, پەداگوگيكا, پسيحولوگييا, قر زاڭناماسى بويىنشا تەستٸلەۋ);
- وقۋ ورنىنىڭ قامقورشىلىق كەڭەسٸنٸڭ الدىندا مەكتەپتٸڭ دامۋ جوسپارىن قورعاۋ (تەستٸلەۋدٸ سەتتٸ تاپسىرعان جاعدايدا);
- بٸلٸم باسقارماسىنداعى ەڭگٸمەلەسۋ (قامقورشىلىق كەڭەسٸنٸڭ الدىندا مەكتەپتٸڭ دامۋ جوسپارىن سەتتٸ قورعاپ شىققان ٷمٸتكەرلەر جٸبەرٸلەدٸ)», دەپ جازدى اسحات ايماعامبەتوۆ.
قامقورشىلىق كەڭەستەرٸنٸڭ قۇرامىنا اتا-انالار, پەداگوگيكا سالاسىنىڭ ەڭبەك ارداگەرلەرٸ, قوعام قايراتكەرلەرٸ, ٷكٸمەتتٸك ەمەس ۇيىمداردىڭ ٶكٸلدەرٸ كٸرەدٸ.
بارلىق كەزەڭنەن ٶتكەن ٷمٸتكەرمەن بٸلٸم بٶلٸمٸ تيٸستٸ ەڭبەك شارتىن جاساپ, ونى ديرەكتور ەتٸپ تاعايىنداۋ تۋرالى بۇيرىق شىعارادى.
«كانديداتتاردى قامقورشىلىق كەڭەسٸمەن كەلٸسۋ بويىنشا كٶپتەگەن پٸكٸرتالاس بولدى.
بٸز مۇنى دا ەسكەردٸك. ەندٸ قامقورشىلىق كەڭەسٸ ديرەكتور لاۋازىمىنا كەمٸندە ەكٸ كانديدات بويىنشا كەلٸسٸم بەرۋٸ تيٸس. ەگەر كانديداتتاردىڭ سانى بۇدان از بولسا, وندا كونكۋرس ٶتكٸزٸلمەگەن بولىپ ەسەپتەلەدٸ جەنە قايتا جارييالانادى.
ەگەر قامقورشىلىق كەڭەسٸ ەكٸ مەرتە ەكٸ كانديداتتان از ادام تاڭداعان جاعدايدا جەنە سەيكەسٸنشە كونكۋرس ەكٸ رەت ٶتكٸزٸلمەگەن بولسا, وندا كونكۋرسقا قاتىسىپ جاتقان بارلىق كانديدات كەلەسٸ كەزەڭگە ٶتەدٸ. قامقورشىلىق كەڭەستٸڭ جۇمىسى مەن قۇرۋ ەرەجەسٸن دە قايتا قاراۋدامىز», - دەدٸ ول.
ونىڭ ايتۋىنشا, قاعيدادا بولاشاق ديرەكتورلارعا قويىلاتىن بٸلٸكتٸلٸك تالاپتارىنا كٶپ كٶڭٸل بٶلٸنەدٸ. مۇندا بٸرنەشە ەرەكشەلٸك بار.
بٸرٸنشٸدەن, بولاشاق ديرەكتورلار مٸندەتتٸ تٷردە مەنەدجمەنت كۋرستارىنان ٶتٸپ, تيٸستٸ سەرتيفيكاتتارى بولۋى كەرەك.
ەكٸنشٸدەن, ديرەكتور لاۋازىمىنا باسشى رەتٸندە جۇمىس ٶتٸلٸ بار كەسٸبي مۇعالٸمدەر تاعايىندالۋى مٷمكٸن, ال جالپى پەداگوگيكالىق جۇمىس ٶتٸلٸ كەمٸندە 5 جىل بولۋى قاجەت.
ٷشٸنشٸدەن, ٷمٸتكەر تاعايىندالعانعا دەيٸن سوڭعى ەكٸ جىل بٸلٸم بەرۋ سالاسىندا جۇمىس ٸستەۋٸ تيٸس.
بۇل تارماق بۇرىن-سوڭدى قاجەتتٸ جۇمىس تەجٸريبەسٸ مەن پەداگوگيكالىق ەڭبەك ٶتٸلٸ بار, بٸراق سوڭعى جىلدارى بٸلٸم بەرۋ سالاسىندا جۇمىس ٸستەمەگەن ادامدار مەكتەپ ديرەكتورى لاۋازىمىنا تاعايىندالعان تەجٸريبەنٸڭ بولۋىنا بايلانىستى ەنگٸزٸلٸپ وتىر. 20 جىل بۇرىن مۇعالٸم بولىپ جۇمىس ٸستەگەن نەمەسە تٸپتٸ مەكتەپ ديرەكتورى بولعان, دەگەنمەن بٸلٸم بەرۋ سالاسىنداعى جاڭاشىلدىقتار مەن ورىن العان ٶزگەرٸستەر تۋرالى حابارى جوق, اۋىل ەكٸمدٸكتەرٸنٸڭ نەمەسە ٶزگە دە مەملەكەتتٸك ورگانداردىڭ قىزمەتكەرلەرٸ مەكتەپ ديرەكتورى بولىپ تاعايىندالاتىن.
تٶرتٸنشٸدەن, تاعى بٸر جاڭاشىلدىق — كادر رەزەرۆٸن قۇرۋ. العاشقى ەكٸ كەزەڭنەن (تەستٸلەۋ جەنە قامقورشىلىق كەڭەسپەن كەلٸسۋ) سەتتٸ ٶتكەن, بٸراق بٸلٸم باسقارماسىندا ەڭگٸمەلەسۋدەن ٶتپەگەن كانديداتتار ەندٸ بٸر جىلعا رەزەرۆكە الىنۋى مٷمكٸن. بۇل كانديداتتارعا مەكتەپتٸڭ قامقورشىلىق كەڭەسٸمەن كەلٸسە وتىرىپ, بٸر جىل ٸشٸندە ديرەكتور لاۋازىمىنا تاعايىندالۋ قۇقىعىن بەرەدٸ.
بەسٸنشٸدەن, بيىلدان باستاپ ديرەكتورلاردى روتاتسييالاۋ ينستيتۋتى ەنگٸزٸلەدٸ.
«سوڭعى بٸرنەشە ايدا بٸز ەرەجەلەردٸ ەزٸرلەپ, ساراپشىلارمەن تالقىلاپ جاتىرمىز. ديرەكتورلاردى تاعايىنداۋ رەسٸمدەرٸ مەن ولاردى ماتەريالدىق قولداۋ جٶنٸندەگٸ وسى ٶزگەرٸستٸڭ بارلىعى ديرەكتور لاۋازىمىنا لايىقتى, بارىنشا دايارلانعان كانديداتتاردى تاڭداۋعا جەنە بٸلٸم بەرۋ ۇيىمدارى باسشىلارىنىڭ بەسەكەگە قابٸلەتتٸلٸگٸن ارتتىرۋعا باعىتتالعان.
سايىپ كەلگەندە بۇل بٸلٸم بەرۋ ساپاسىنا ەسەر ەتەدٸ», - دەدٸ اسحات ايماعامبەتوۆ.
