بٸلٸم جەنە عىلىم مينيسترٸ اسحات ايماعامبەتوۆ عىلىم سالاسىنداعى نورماتيۆتٸك-قۇقىقتىق اكتٸلەرگە ەنگٸزٸلگەن ٶزگەرٸستەر تۋرالى مەلٸمدەدٸ, دەپ حابارلايدى Sputnik قازاقستان.
مينيستردٸڭ ايتۋىنشا, قازاننىڭ سوڭىندا ٷكٸمەت قاۋلىسىمەن ٷش نەگٸزگٸ نورماتيۆتٸك-قۇقىقتىق اكتٸگە ٶزگەرٸستەر ەنگٸزٸلدٸ. ولاردىڭ قاتارىندا ۇلتتىق عىلىمي كەڭەستەر تۋرالى ەرەجە, مەملەكەتتٸك عىلىمي-تەحنيكالىق ساراپتامانى ۇيىمداستىرۋ جەنە جٷرگٸزۋ قاعيدالارى جەنە بازالىق, گرانتتىق, باعدارلامالىق-نىسانالى قارجىلاندىرۋ قاعيدالارى بار.
"ەندٸ 12 ايدان استام مەرزٸمگە گرانتتىق قارجىلاندىرۋ الاتىن جوبالار بويىنشا ارالىق ەسەپتەر تاپسىرۋدىڭ قاجەتٸ جوق. مەملەكەتتٸك ستاندارتتىڭ بيۋروكراتييالىق نورمالارى بويىنشا بٸرنەشە رەت ەنگٸزٸلەتٸن تٷزەتۋلەردٸ ەسكەرٸپ, بۇرىن-سوڭدى جوبا جەتەكشٸلەرٸنە جىل سايىن قازان-قاراشا ايلارىندا گرانتتىق قارجىلاندىرۋ بويىنشا ارالىق ەسەپتەردٸ تاپسىرۋ ٷشٸن تٶرت اپتا قاجەت بولاتىن. ەندٸگٸ كەزەكتە 40 بەتتەن تۇراتىن ەسەپ جازىپ, تاپسىرماي-اق جوبا تۋرالى قىسقاشا مەلٸمەتٸ بار ساۋالنامانى تولتىرۋعا جارتى ساعات جەتكٸلٸكتٸ", - دەپ جازدى ايماعامبەتوۆ Facebook پاراقشاسىندا.
سونداي-اق كونكۋرستىق رەسٸمدەردٸ ٶتكٸزۋ مەرزٸمٸ 145 جۇمىس كٷنٸنەن 92-گە دەيٸن قىسقارتىلدى.
حابارلاندىرۋ شىققاننان باستاپ شەشٸم قابىلداۋعا دەيٸنگٸ ارالىق قوسا ەسەپتەلەدٸ.
كونكۋرستىق ٶتٸنٸمدەرگە قوسىمشالاردىڭ سانى 12-دەن 5-كە دەيٸن ازايتىلدى. ەندٸگٸ كەزەكتە قوسىمشالاردىڭ سانىن بٸرگە دەيٸن قىسقارتۋ جوسپارلانعان.
ەگەر ٶتٸنٸم بەرگەن كەزدە فورس-ماجور بولسا, وندا ٷش كٷننٸڭ ٸشٸندە بارلىعىن دەرلٸك ٶزگەرتۋگە بولادى.
ۇلتتىق عىلىمي كەڭەس قۇرىلادى
مينيستردٸڭ سٶزٸنشە, عىلىمي جەنە عىلىمي-تەحنيكالىق قىزمەت نەتيجەلەرٸن كوممەرتسييالاندىرۋ بويىنشا جەكە ۇلتتىق عىلىمي كەڭەس قۇرىلادى. ونىڭ قۇرامىنا نەگٸزٸنەن ەكونوميكانىڭ ناقتى سەكتورى مەن ۆەنچۋرلٸك بيزنەستٸڭ ٶكٸلدەرٸ, ماركەتولوگتار, تەۋەكەل-مەنەدجەرلەر, ٸرٸ ينۆەستيتسييالىق جوبالاردىڭ قاتىسۋشىلارى, قارجى ساراپشىلارى كٸرەدٸ.
"ۇلتتىق عىلىمي كەڭەس مٷشەلەرٸنٸڭ ەدەپ كودەكسٸ بەكٸتٸلدٸ. ونى بۇزۋ كەڭەستەن شىعارىپ جٸبەرۋگە نەگٸز بولادى", - دەدٸ مينيستر.
ۇلتتىق عىلىمي كەڭەس قۇرامىنداعى عالىمداردىڭ سانى كٶپ بولادى, ياعني 50%-تەن استامى عالىمداردان قۇرالادى. بۇرىن ەرەجە بويىنشا ۇلتتىق عىلىمي كەڭەس قۇرامىندا مەملەكەتتٸك ورگاندار مەن قوعامدىق بٸرلەستٸكتەردٸڭ ٶكٸلدەرٸ كٶپ بولعان.
"عالىمدارعا ەلەۋلٸ قارجىلىق ەركٸندٸك بەرٸلٸپ وتىر. وسىلايشا, جوباعا بٶلٸنگەن قاراجات ٷنەمدەلگەن جەنە (نەمەسە) پايدالانىلماي قالعان جاعدايدا عىلىمي جەتەكشٸ ونى جالاقىعا, ٶزگە دە قىزمەتتەر مەن جۇمىستارعا, ماتەريالدار مەن جابدىق ساتىپ الۋعا, جالعا الۋعا, تەحنيكانى پايدالانۋ شىعىستارىنا دەربەس قايتا بٶلۋگە قۇقىلى. بۇعان دەيٸن عالىمدار ەربٸر ۇساق-تٷيەك ٷشٸن ۇلتتىق عىلىمي كەڭەسكە جٷگٸنۋگە مەجبٷر بولاتىن", - دەدٸ ول.
اتالعان ماڭىزدى تٷزەتۋلەر توپتاماسى قابىلدانىپ, كٷشٸنە ەنە باستادى.
"عىلىم كوميتەتٸنە پروتسەستەردٸڭ باسىم بٶلٸگٸن ەلەكتروندىق فورماتقا كٶشٸرۋ جەنە بارلىق پروتسەسس پەن مەملەكەتتٸك قىزمەتتەردٸڭ تولىق رەينجينيرينگٸن جٷرگٸزۋ تاپسىرىلدى. سونداي-اق رەسٸمدەر مەرزٸمٸن ازايتۋعا باعىتتالعان تاعى بٸر ٶزگەرٸس توپتاماسىن ەزٸرلەنٸپ, ەنگٸزٸلەدٸ", - دەدٸ بٸلٸم جەنە عىلىم مينيسترٸ.
ايتا كەتەرٸ, مەملەكەت باسشىسى جىلدىڭ سوڭىنا دەيٸن "عىلىم تۋرالى" زاڭناماعا ٶزگەرٸستەر ەنگٸزۋدٸ تاپسىرعان. ونىڭ ٸشٸندە عالىمداردىڭ جالاقىسىن بازالىق قارجىلاندىرۋعا قوسۋ, ٸرگەلٸ زەرتتەۋلەرمەن اينالىساتىن عىلىمي ينستيتۋتتاردى تٸكەلەي قارجىلاندىرۋ تەتٸگٸن ەنگٸزۋ, عىلىمي زەرتتەۋلەردٸ قارجىلاندىرۋ مەرزٸمٸن بەس جىلعا دەيٸن ۇزارتۋ, ۇلتتىق عىلىمي كەڭەستەر شەشٸمدەرٸ بويىنشا اپەللياتسييا ينستيتۋتىن قۇرۋ تاپسىرىلدى.
