تٷركٸستانداعى 5-سىنىپ وقۋشىسىنىڭ ٶلٸمٸنە قاتىستى تەرگەۋ شارالارى اياقتالعان جوق. بٸراق قازٸردٸڭ ٶزٸندە مەكتەپتە ٶرەسكەل تەرتٸپبۇزۋشىلىقتار انىقتالىپ وتىر. بۇل تۋرالى بٸلٸم جەنە عىلىم مينيسترٸ اسحات ايماعامبەتوۆ ايتتى, دەپ حابارلايدى Sputnik قازاقستان تٸلشٸسٸ.
"اتالعان وقيعا تۋرالى ەستي سالا بالالار قۇقىعىن قورعاۋ كوميتەتٸنٸڭ تٶراعاسى, مەنٸڭ ورىنباسارىم باسقا ەرٸپتەستەرٸمٸزبەن تٷركٸستان وبلىسىنا اتتاندى. ولار بارلىق مەن-جايدى بٸلٸپ, تالداۋ جاساپ شىقتى. قازٸر تەرگەۋ شارالارى جٷرگٸزٸلٸپ جاتىر. سونىڭ ٸشٸندە سوت-مەديتسينالىق ساراپتاما دا بار. ەرينە, بۇل - ٷلكەن تراگەدييا. تەرگەۋ نەتيجەسٸ بويىنشا تيٸستٸ شەشٸم قابىلدانادى.
جالپى اتالعان ٶڭٸردە وسى سەكٸلدٸ فاكتٸلەر بارىن جاسىرماۋ كەرەك. تەرگەۋ ٸسٸ اياقتالماي جاتىپ بولجام جاساۋعا ەرتە ەرٸ دۇرىس ەمەس. ٶيتكەنٸ بولعان ٸستٸ تەرگەۋ قۇقىق قورعاۋ ورگاندارىنا تيەسٸلٸ.
بٸزدٸڭ ماماندار ٶتكٸزگەن تەكسەرٸس كەزٸندە مەكتەپتە وقۋ جۇمىسىن ۇيىمداستىرۋ جاعىنان ٶتە ٶرەسكەل تەرتٸپبۇزۋشىلىقتار انىقتالدى", - دەدٸ ايماعامبەتوۆ ورتالىق كوممۋنيكاتسييالار قىزمەتٸندە ٶتكەن ونلاين بريفينگتە.
مينيستر مەكتەپتە ناقتى قانداي تەرتٸپبۇزۋشىلىقتاردىڭ انىقتالعانىن دا ايتتى.
"ول جەردە بالالاردى تاماقتاندىرۋ جۇمىسىنان باستاپ تەربيە جوسپارى, مەكتەپ پسيحولوگتارى مەن ەلەۋمەتتٸك پەداگوگتار جۇمىسى, تەربيە جەنە تاعى باسقا جۇمىسقا جاۋاپتى مەڭگەرۋشٸلەردٸڭ قىزمەتٸنە قاتىستى ٷلكەن قاتەلٸكتەر انىقتالدى. تەرگەۋدٸڭ نەتيجەسٸنە قاراماستان, وسى تەرتٸپبۇزۋشىلىقتار بويىنشا تيٸستٸ شارالار قولدانىلادى", - دەپ اتاپ كٶرسەتتٸ ايماعامبەتوۆ.
قازٸرگٸ كەزدە مەكتەپ ديرەكتورى جۇمىسىنان ۋاقىتشا شەتتەتٸلدٸ. مينيستردٸڭ ايتۋىنشا, تٷركٸستان وبلىسىنداعى بٸرقاتار بٸلٸم بەرۋ مەكەمەدە دەل سونداي تەرتٸپبۇزۋشىلىقتار انىقتالعان.
وقۋشىنىڭ ٶلٸمٸ
ٶتكەن اپتادا تٷركٸستاندا 5-سىنىپ وقۋشىسى كٶز جۇمدى. ەجەسٸنٸڭ ايتۋىنشا, ونى اقشا تاۋىپ بەرە الماعانى ٷشٸن سوتقار سىنىپتاسى مەكتەپ دەرەتحاناسىندا سوققىعا جىققان. جاراقات العان بالا بٸرنەشە كٷن اۋىرىپ, اقىرى اۋرۋحانادا كٶز جۇمعان.
بالانىڭ جاقىندارى وقۋشىلارعا باس-كٶز بولماعان مەكتەپ ۇجىمى مەن دەر كەزٸندە كٶمەك بەرمەگەن دەرٸگەرلەرگە نارازى.
ەجەسٸ بالالار ونى دەرەتحانا ٸشٸندە ۇرعانىن ايتتى. باسىنان قاتتى سوققى الىپ, قان ۇيىپ قالعان. ودان كەيٸن تامىرى قىسىلىپ, بٷيرەگٸ ٸسٸپ كەتكەن.
رامازان وقىعان №18 مەكتەپ-گيمنازييادا ەلٸمجەتتٸك كٶپ بولادى دەگەن ەڭگٸمە اتا-انالار اراسىندا كٶپ ايتىلادى ەكەن.
بٸراق مەكتەپ ديرەكتورى ونى جوققا شىعاردى. تٸپتٸ اتا-انالارمەن جينالىس تا ٶتكٸزٸپتٸ. بٸراق ول وتىرىستا سىنىپتاعى سوتقارلىق تۋرالى سٶز بولعان جوق, دەدٸ ديرەكتور.
