«اشىق ديالوگ 2» سۇحباتىنىڭ كەزەكتٸ سانىندا قر پرەزيدەنت ەكٸمشٸلٸگٸ باسشىسىنىڭ بٸرٸنشٸ ورىنباسارى دەۋرەن اباەۆ ازاماتتىق ماماندىق يەلەرٸنٸڭ ايلىعىن ارتتىرۋ مەسەلەسٸ تۋرالى پٸكٸر بٸلدٸردٸ, دەپ حابارلايدى قازاقپارات.
«مۇعالٸمدەردٸڭ ايلىعىن كٶتەرگەندە دە دەل وسىلاي سىناعاندار بولعان. 2020 جىلى مۇعالٸمدەردٸڭ ايلىعى ٶستٸ دە, پەداگوگيكا ماماندىعىنا تٷسۋ بالى كٶتەرٸلدٸ. ياعني ەلەۋەتٸ جوعارى ماماندار پەداگوگيكاعا بارىپ جاتىر دەگەن سٶز. سونىڭ ارقاسىندا بٸلٸم ساپاسى دا ارتادى. اۋىلعا قالادان كٶشٸپ بارىپ جاتقان جاس پەداگوگتەردٸڭ سانى قازٸردٸڭ ٶزٸندە ٶسٸپ جاتىر. بۇعان دەيٸن ولاردى اۋىلعا شاقىرۋدىڭ تٷرلٸ جولىن پايدالانعان ەدٸك. «ديپلوممەن اۋىلعا» دەگەن باعدارلاما بويىنشا دا ٷندەدٸك. بٸراق مۇعالٸمدەردٸڭ ايلىعىن كٶتەرٸپ ەدٸك, ٷدەرٸس تابيعي سيپاتتا جٷرە باستادى. بٸر جىلدىڭ ٸشٸندە عانا ەر پەداگوگتەردٸڭ ٷلەسٸ ارتقانىن تٸركەدٸك. بۇل - ٶتە ماڭىزدى مەسەلە. بٸزدٸڭ پەداگوگيكادا گەندەرلٸك تەڭگەرٸمسٸزدٸك ٶتە جوعارى. تٸپتٸ مۇعالٸمدٸك ەيەل ادامداردىڭ ماماندىعى دەگەن تٷسٸنٸك قالىپتاسىپ كەتكەن», - دەگەن دەۋرەن اباەۆ كەز كەلگەن سالادا مامانداردىڭ ساپاسىن ايلىقتىڭ مٶلشەرٸ ايقىندايتىنىن اتادى.
«ايلىق تٶمەن بولعاندىقتان, ەر ادامدار پەداگوگيكا ماماندىقتارىنا ٶتە سيرەك باراتىن. ال بالالار پسيحولوگتارى پەداگوگتەردٸڭ اراسىندا گەندەرلٸك بالانستىڭ بولۋى ماڭىزدى ەكەنٸن ايتىپ وتىر. ەسٸرەسە ۇل بالالاردىڭ پسيحولوگيياسى ٷشٸن ماڭىزدى كٶرٸنەدٸ. پەداگوگ ەر ادام ولار ٷشٸن ەلٸكتەۋگە تۇرارلىق ٷلگٸ بولا الادى. سوندىقتان مۇعالٸمدەردٸڭ ايلىعىن كٶبەيتۋ ەميياننىڭ عانا شارۋاسى ەمەس, جٷيەلٸك شارا بولاتىن. سٸز ايتىپ وتىرعان 600-دەي ازاماتتىق قىزمەت ماماندىقتارىنىڭ بەدەلٸ دە وسى مەسەلەگە بايلانىستى. ايلىق نەعۇرلىم جوعارى بولسا, وعان باراتىن ناعىز مامانداردىڭ سانى دا سوعۇرلىم ارتادى» - دەدٸ پرەزيدەنت ەكٸمشٸلٸگٸ باسشىسىنىڭ بٸرٸنشٸ ورىنباسارى.
