ەيگٸلٸ كانن كينوفەستيۆالٸنٸڭ ساراپشىلارىن تەنتٸ ەتٸپ, جيۋري تٶرايىمى كەيت بلانشەتتٸڭ اكتريسا سامال ەسلياموۆانى ٷلكەن تەبٸرەنٸسپەن كەلٸپ, قۇشاعىنا قىسۋى "ايكانىڭ" سالماعىن سول كەزدە سەزدٸرگەن. بٸراق فيلم ەلەمدٸك پروكاتقا شىققانعا دەيٸن بٸز ونى وسى ەلەمدٸ مويىنداتقان داقپىرتىمەن عانا بٸلدٸك, قۇرمەتتەدٸك, اكتريسانىڭ شىنايىلىعى مەن ٸشكٸ ەركٸندٸگٸنە تەنتٸ بولدىق. ال, بٷگٸن... سامال-ايكانىڭ ەربٸر قيمىلىن اڭدىپ وتىرمىز. كٶرەرمەنٸن اكتريساعا قوساقتاپ قويىپ, مەسكەۋدٸڭ قارلى بورانىندا بٷرسەڭ قاقتىراتىن رەجيسەردٸكٸ نە قۇدٸرەت?
"تالايبەكوۆا! بالا جىلاپ جاتىر.تۇر ەمٸز!" وسى سەتتەن باستالاتىن جانتالاس كٶرەرمەندٸ كٶركەم فيلمنەن جۇلىپ الىپ, بٷگٸنگٸ قاتال قوعامنىڭ ناقتى ٶزٸنە لاقتىرادى. قۇددى بٸر دەرەكتٸ كادرلار كٶز الدىڭنان ٶتٸپ جاتقان سيياقتى. مۇندا سٸز كٷتەتٸن ايانىش, جۇبانىش جوق. بٸراق بەرٸبٸر بٸزگە پەرزەنتحانادان قاشىپ شىعىپ, ٶلەرمەن كەۋدەسٸن سٷيرەپ بارىپ, تاۋىق تازالايتىن قىرعىز قىزىنىڭ باسىنان قازٸر بٸرەۋ سيپايتىنداي كٶرٸنەدٸ.
اق قاردى ومبىلاپ جٷرٸپ, كٶك مۇزدى جيناپ اپارىپ, ٸسٸگەن ٸشٸنە باسىپ, تار تٶسەگٸنە جاتا قالعاندا دا جانىنداعىلار شاي بەرٸپ, جاۋراعان كٶڭٸلٸن جۇباتاتىنداي كٶرٸنەدٸ.
"جۇمىس ٸزدەپ جٷرسٸڭ بە? بٸزگە ورىس تٸلٸن جاقسى بٸلەتٸن ادامدار كەرەك!" دەپ ۆيزيتكاسىن ۇسىنعان بيكەشتٸ كٶرگەندە جٷرەگٸڭ جارىلارداي قۋانىپ "قازٸر كٶلٸگٸنە سالىپ ەكەتەتٸن بولدى" دەي بەرگەنٸڭدە ول "ەكٸ ساعاتتىڭ ٸشٸندە سوندا كەلەتٸن بول!" دەپ قۇيعىتا جٶنەلەدٸ.
قار تازالاي الماي قالشىلداپ تۇرعان قىزعا باستىق كەلٸنشەكتٸڭ "اۋىرساڭ ٷيٸڭدە جاتۋ كەرەك?" دەۋٸ دە مۇندا زاڭدى.
قارىزىن داۋلايتىن بانديتتەر دە سەنٸڭ "بايقۇس قىزعا بٸرەۋ مٸرەۋ قازٸر كٶمەكتەسەر" دەۋمەن كەلە جاتقان قىپىلىق ٷمٸتٸڭنٸڭ كٷل پارشاسىن شىعارادى. تٸپتٸ ول ايكاعا كٷشٸكتەرٸ جابىسا ەمٸپ جاتقان ەنە يتتٸڭ دە ەمٸرەنۋ لەززاتىن ادام سيياقتى بۇيىرتپايدى. بايقاساڭىز, قانشا ازاپ, قانداي تاۋقىمەتتٸ باستان كەشٸپ جٷرسە دە جىلاماعان, تاعدىرىنا شاعىنباعان ايكانىڭ كٶزٸنەن وسى جەردە عانا العاش رەت جاس شىعىپ, ٶكسي جىلايدى. قانداي اۋىر كادر ەدٸ...
سەرگەي دۆورتسەۆوي سٸزدٸ الدامايدى. ٶيتكەنٸ بۇل گاستاربايتەر بوپ جٷرگەن جالعىز قىرعىز قىزىنىڭ تاعدىرى ەمەس جەنە مەسكەۋ ەلەمدەگٸ جالعىز تاسباۋىر, قاتتى قالا ەمەس. بۇل سٸز بەن بٸز بٸرگە دەۋٸر كەشٸپ جاتقان مىڭدار مەن ميلليونداردىڭ تاعدىرى. رەجيسسەردا وسى سەبەپتٸ توسىننان كەلەتٸن مەيٸرٸم, وقىستان پايدا بولاتىن كەڭپەيٸل كەيٸپكەر جوق. ول فيلمنٸڭ سوڭىن كٶرەرمەنٸنە قالدىرادى. بالانى الىپ كەتەسٸڭ بە, جوق, ەندٸ عانا ەمٸرەنٸپ, انالىق ماحابباتى ويانعان ايكامەن قالدىراسىڭ با, ول دا سەنٸڭ ٶز ەركٸڭ. تاعى قاتال رەاليزمگە توپ ەتەسٸڭ.
"ٷزدٸك ەيەل رٶلٸنٸڭ" سامالعا "ٶز اياعىمەن" كەلۋٸ زاڭدى. سامال ايكانى ٶزٸنٸڭ تاباندىلىعىنىڭ, ٶنەرگە دەگەن ادالدىعىنىڭ ارقاسىندا الىپ شىقتى. كەيٸپكەر بولىپ ٶمٸر سٷرۋدٸڭ ەڭ ٷزدٸك, ەڭ وزىق ٷلگٸسٸن سامال كٶرسەتتٸ. ٷزٸلۋگە شاق تۇرعان ٷمٸتتٸ اياعىنا دەيٸن وسىنداي جانكەشتٸلٸكپەن الىپ شىعۋ بٸزدٸڭ گلامۋر اكتريسالاردىڭ قولىنان قانشالىقتى كەلەتٸنٸ مەن ٷشٸن كٷمەندٸ...
بٸز بۇعان دەيٸن دۆورتسەۆويدىڭ "تيۋلپانىن" قابىلداي المادىق. "قازاقتى سورلى قىپ كٶرسەتۋدٸ قويۋ كەرەك. مالشىعا دا تسيۆيليزاتسييا كەلدٸ, جىرتىق ٷيدە ەشكٸم تۇرمايدى" دەدٸك. ونداعى قۇلاعىن قاعازبەن ارتقا جەلٸمدەپ وتىراتىن شەرلٸ جٸگٸتتٸڭ جانىنان, كيٸز ٷيدٸڭ جاقتاۋىندا تٸزەسٸن قۇشاقتاپ الىپ زارلانا ەن ايتىپ وتىراتىن كٸشكەنتايدىڭ قىزدىڭ ارمانىنان ٶزٸمٸزدٸڭ "نامىسىمىزدى" ارتىق كٶردٸك. بەلكٸم, كانن تٶرٸنەن ەڭ ٷزدٸك ەيەل رٶلٸ بۇيىرماعاندا ايكانى دا بٸراز جەرگە اپارىپ ەكەلەر مە ەدٸك, كٸم بٸلەدٸ...
شولپان راقىمقىزى
