«ايكا» فيلمٸ «وسكار» ٷمٸتكەرلەرٸنٸڭ اقىرعى تٸزٸمٸنە ەنبەي قالدى, دەپ حابارلايدى "ۇلت اقپارات" كينوجٷلدەنٸڭ رەسمي سايتىنا سٸلتەمە جاساپ.
«ٷزدٸك شەتەلدٸك فيلم» نوميناتسيياسىنداعى اقىرعى تٸزٸمگە بەس فيلم ەندٸ. ولار: «روما» (مەكسيكا, رەجيسسەرٸ - الفونسو كۋارون),«قىرعي-قاباق سوعىس» (پولشا, پاۆەل پاۆليكوۆسكيي), «ۇرىلار» (جاپونييا, حيروكادزۋ كورەەدا), «كاپەرناۋم» (ليۆان, نادين لاباكي) جەنە گەرمانييالىق فلوريان حەنكەل فون دوننەرسمارك تٷسٸرگەن «اينالاڭا جالتاقتاما» فيلمٸ.
جەڭٸمپازدار 24 اقپانىندا «وسكار» سىيلىعىن تابىستاۋدىڭ 91-شٸ رەسٸمٸندە انىقتالادى. ٷزدٸكتەردٸ ماراپاتتاۋ لوس-اندجەلەس قالاسىنىڭ Dolby تەاترىندا ٶتەدٸ.
بۇعان دەيٸن «ايكا» فيلمٸنٸڭ «وسكار» كينوسىيلىعىنىڭ «شەتەل تٸلٸندەگٸ ٷزدٸك فيلم» كاتەگوريياسىنداعى توعىز كارتينادان تۇراتىن قىسقا تٸزٸمگە ەنگەنٸن حابارلاعان ەدٸك.
«ايكا» فيلمٸنٸڭ سيۋجەتٸ - قىرعىزستاننان مەسكەۋگە كەلٸپ, وندا زاڭسىز جۇمىس ٸستەپ جٷرگەن جاس ەميگرانت ەيەلدٸڭ وقيعاسى, ونىڭ ٸشكٸ ادامي ٶسۋٸ, انالىق سەزٸمٸ جايلى. باستى رٶلدٸ قازاقستاندىق اكتريسا سامال ەسلياموۆا سومداعان. بۇعان دەيٸن ول 71-شٸ كانن كينوفەستيۆالٸنٸڭ ٷزدٸك اكتريساسى دەپ تانىلعان ەدٸ.
