«مانچەستەر يۋنايتەد» فۋتبول كلۋبىنىڭ شابۋىلشىلارى – ۋەين رۋني مەن زلاتان يبراگيموۆيچ قازاقستاندىق بوكسشى گەنناديي گولوۆكيننٸڭ جەكپە-جەگٸنە قاتىسىپ, GGG-گە قولداۋ كٶرسەتۋدٸ كٶزدەيدٸ. الداعى اپتادا قىركٷيەكتٸڭ 10-ى جەرلەسٸمٸز بريتاندىق كەلل برۋكپەن كەزدەسەدٸ, دەپ حابارلايدى Baq.kz تٸلشٸسٸ Vesti.kz سايتىنا سٸلتەمە جاساپ.
«ٶتكەن سەنبٸ كٷنٸ «حاللمەن» بولعان ويىننان كەيٸن ماعان ۋەين رۋني حابارلاستى. ونىڭ ايتۋىنشا, زلاتان – قازاقستاندىق بوكسشى گولوۆكيننٸڭ ٷلكەن جانكٷيەرٸ. ونىڭ جەكپە-جەكتٸ ٶز كٶزٸمەن كٶرگٸسٸ كەلٸپ وتىرعانىن جەتكٸزدٸ. ەلبەتتە, مەن «سٶز جوق, كەلسٸن» دەدٸم. سول كٷنٸ ولاردا مانچەستەرلٸك دەربي بولادى. سوعان قاراماستان, ولار ٷلگەرۋٸ كەرەك. شىنىمەن دە, بۇل جەكپە-جەك – ٷلكەن وقيعا. وعان كٶپتەگەن اكتەرلار مەن سپورت جۇلدىزدارى قاتىسادى», - دەيدٸ بريتاندىق بوكسشىنىڭ پروموۋتەرٸ ەددي حيرن.
ايتا كەتەيٸك, قىركٷيەكتٸڭ 10-ى كٷنٸ «مانچەستەر يۋنايتەد» فۋتبول كلۋبى ٶز جەرٸندە «مانچەستەر سيتيمەن» كەزدەسەدٸ. اتالعان ماتچ استانا ۋاقىتى بويىنشا ساعات 17:30-دا باستالادى. وسى ويىننان كەيٸن رۋني مەن يبراگيموۆيچ كٶلٸكپەن 335 شاقىرىم جولدى ەڭسەرٸپ, گولوۆكين-برۋك جەكپە-جەگٸن تاماشالاۋدى كٶزدەيدٸ. بۇل جەكپە-جەك استانا ۋاقىتى بويىنشا ساعات 23:00-دەن كەيٸن باستالادى.
