«Manchester Iýnaited» fýtbol klýbynyń shabýylshylary – Ýein Rýni men Zlatan Ibragimovich qazaqstandyq boksshy Gennadii Golovkinniń jekpe-jegine qatysyp, GGG-ge qoldaý kórsetýdi kózdeidi. Aldaǵy aptada qyrkúiektiń 10-y jerlesimiz britandyq Kell Brýkpen kezdesedi, dep habarlaidy Baq.kz tilshisi Vesti.kz saityna silteme jasap.
«Ótken senbi kúni «Hallmen» bolǵan oiynnan keiin maǵan Ýein Rýni habarlasty. Onyń aitýynsha, Zlatan – qazaqstandyq boksshy Golovkinniń úlken jankúieri. Onyń jekpe-jekti óz kózimen kórgisi kelip otyrǵanyn jetkizdi. Álbette, men «Sóz joq, kelsin» dedim. Sol kúni olarda manchesterlik derbi bolady. Soǵan qaramastan, olar úlgerýi kerek. Shynymen de, bul jekpe-jek – úlken oqiǵa. Oǵan kóptegen akterlar men sport juldyzdary qatysady», - deidi britandyq boksshynyń promoýteri Eddi Hirn.
Aita keteiik, qyrkúiektiń 10-y kúni «Manchester Iýnaited» fýtbol klýby óz jerinde «Manchester Sitimen» kezdesedi. Atalǵan match Astana ýaqyty boiynsha saǵat 17:30-da bastalady. Osy oiynnan keiin Rýni men Ibragimovich kólikpen 335 shaqyrym joldy eńserip, Golovkin-Brýk jekpe-jegin tamashalaýdy kózdeidi. Bul jekpe-jek Astana ýaqyty boiynsha saǵat 23:00-den keiin bastalady.
