فوتو: Instagram.com
"ەيەلدەرٸن حيدجاب كيمەگەنٸ ٷشٸن ٶلتٸرٸپ جاتىر" دەگەن ەنشٸ ۇلانعاسىر قاميگە باس بوستاندىعىنان ايىرىلۋ قاۋپٸ تٶندٸ.
31-ارنانىڭ ينفورمبيۋرو جاڭالىقتار باعدارلاماسىنىڭ حابارلاۋىنشا, باسى داۋعا قالعان ەنشٸنٸڭ سٶزدەرٸنە قۇقىقتىق باعا بەرٸلمەك. قوعام بەلسەندٸسٸ سايدا سيسەمباەۆا ٸشكٸ ٸستەر مينيسترلٸگٸنە ەنشٸنٸڭ ٷستٸنەن ارىز تٷسٸرگەن. بەلسەندٸ قامي قىلمىستىق كودەكستٸڭ 174 بابىن بۇزدى دەپ سانايدى. ياعني ەلەۋمەتتٸك, گەندەرلٸك, دٸني الاۋىزدىقتى قوزدىرعان. ەرٸ مۇنى ەيەلدەرگە جاسالعان زورلىق-زومبىلىقتى اقتاۋ ەرەكەتٸ دەپ اتادى.
زاڭگەر نۇربولات يبراەۆ تەرتٸپ بەرٸنە ورتاق بولعاندىقتان, تانىمال تۇلعالاردىڭ دا جاۋاپقا تارتىلعانىن كٶرسەتكەن دۇرىس دەيدٸ. سٶزٸنشە, بۇل كٶپشٸلٸككە ساباق بولادى.
"ٶتكەندە ەرتٸستەرٸمٸز – قايرات نۇرتاس بولسىن, باسقانىڭ بولسىن جازاعا تارتىلعانىن كٶرسەتٸپ جاتقانى ٶتە دۇرىس. سەبەبٸ ادامدار "بۇدان قۇتىلىپ كەتۋگە بولادى عوي, باسقا تەسٸلدەرٸ بار" دەگەن ويدان اۋلاق بولىپ, قانداي دا بٸر ەكٸمشٸلٸك, قانداي دا بٸر زاڭعا قايشى ەرەكەت جاساعاندا, وعان تيٸستٸ جازا بار ەكەنٸن بٸلەدٸ", – دەدٸ زاڭگەر نۇربولات يبراەۆ.
اكتەر ۋەليبەك ەبدٸرايىموۆ ٶنەردەگٸ ٸنٸلەرٸنٸڭ تەرتٸپ بۇزىپ, جازا ارقالاۋى ەل تالقىلايتىن, دٷرلٸگەتٸن دٷنيە ەمەس دەپ سانايدى. سٶزٸنشە, مەملەكەتتە ودان دا ماڭىزدى مەسەلەلەر بار.
"15 جىلعا قامالىپ شىققان ادام سيياقتى. ەندٸ بٸر سۇمدىق. ادامنىڭ كٷلكٸسٸ كەلەدٸ. 15 كٷنگە قامالىپ شىعىپ كەلە جاتسا, الدىنان ەكە-شەشەلەرٸ كٷتٸپ جاتىر. بٸر سوعىستان زارداپ شەگٸپ, وسى قازاقستان ٷشٸن جانىن پيدا قىلعانداي. نەمەسە ۇشاقتا تٶبەلەسٸپ, سول ۇشاقتاعى تەرروريستتەردٸ ۇستاپ سودان قامالعان بالانى شىعارعانداي. قۇقىق قورعاۋ ورگانى ورتاق ەكەنٸن بٸر بٸلدٸرٸپ قويدى. زاڭ ورتاق. تەرتٸپ بۇزباۋ كەرەك", – دەدٸ ٶنەر يەسٸ ۋەليبەك ەبدٸرايىموۆ.
ەسكە سالايىق, حيتمەن ۇلانعاسىر قامي بولاشاق جارىنا ناماز وقىتىپ, حيدجاب كيگٸزەتٸنٸن ايتقان ويى قوعامدا قىزۋ تالقىعا تٷسكەن ەدٸ. قوعام بەلسەندٸسٸ ەنشٸنٸڭ ٷستٸنەن ارىز تٷسٸرگەنٸ ايتىلدى.
