فوتو: قر پارلامەنتٸ مەجٸلٸسٸنٸڭ باسپاسٶز قىزمەتٸ
مەجٸلٸستەگٸ AMANAT فراكتسيياسىنىڭ دەپۋتاتتارى وتباسىندا زورلىق-زومبىلىق جاسايتىندارعا قاتىستى جازانى قاتاڭداتىپ, ەيەل مەن بالاعا قول كٶتەرگەندەردٸ قىلمىستىق جاۋاپكەرشٸلٸك تارتۋدى ۇسىندى, - دەپ حابارلايدى Massaget.kz پورتالى.
دەپۋتات جۇلدىز سٷلەيمەنوۆا ساۋالىن ٷكٸمەت باسشىسى ەليحان سمايىلوۆتىڭ اتىنا جولدادى.
"جەمقورلىق ٷشٸن سوتتالىپ, ارتىنان راقىمشىلىققا يە بولعان, ەكس-شەنەۋنٸك ٶز ەيەلٸن ٶلتٸردٸ دەگەن كٷدٸكپەن جانتٷرشٸگەرلٸك اشىق اقپاراتتاردان قوعام دٷربەلەڭگە تٷستٸ. جىعىلعانعا جۇدىرىق دەمەكشٸ, اراعا 1 اپتا ۋاقىت سالماي, تالدىقورعانداعى پوليتسييانىڭ قىزدى زورلاۋ فاكتٸسٸ ەسەڭگٸرەگەن قوعامعا ودان سايىن سوققى بولدى. بۇل فاكتٸلەر, اتالعان اۋىر قىلمىستار زورلىق-زومبىلىق مەسەلەسٸنە قايتا نازارىمىزدى سالىپ وتىر", - دەدٸ ول.
ونىڭ ايتۋىنشا, دەپۋتاتتاردىڭ ۇسىنىسىمەن 3 جىل بۇرىن بٸرنەشە قاتاڭ ٶزگەرٸس زاڭناماعا ەنگٸزٸلگەن.
"بۇنىڭ ٸشٸندە, تۇرمىستىق زورلىق-زومبىلىق بولعان جاعدايدا, قازٸر حاتتاما جاساۋ ٷشٸن كۋەگەرلەردٸڭ, كٶرشٸلەردٸڭ ايعاقتارى جەتكٸلٸكتٸ. تاراپتاردىڭ قايتا تاتۋلاسۋ مٷمكٸندٸگٸ الىنىپ تاستالىنىپ, ەندٸ سوتتا تاتۋلاسۋ مٷمكٸندٸگٸ جوق. بٸراق اتالعان ناقتى ٶزگەرٸستەردٸڭ ٶزٸ وتباسىنداعى ەيەلدەردٸ قورلاۋعا قاجەتتٸ دەڭگەيدە توقتاۋ سالماي وتىرعاندىعى قىنجىلتادى. سونىڭ سالدارىنان جٷزدەگەن قازاقستاندىق ەيەل ٶمٸرٸنەن, دەنساۋلىعىنان جەنە بولاشاققا دەگەن ٷمٸتٸنەن ايىرىلىپ وتىر. زەرتتەۋگە سەيكەس 2021 جىلى ٷيدە بولعان زورلىق-زومبىلىق ٸستەرٸنٸڭ تەك 40 پايىزى سوتقا جەتكەن. ال ونداي ابيۋزەرلەردٸڭ كٶبٸنە كەشٸرٸم بەرٸلٸپ, بوساعان, ال ولاردىڭ تەك 39 پايىزى عانا 2 ساعاتتان 3 تەۋلٸككە دەيٸن ەكٸمشٸلٸك قاماۋدا وتىرعان", - دەدٸ جۇلدىز سٷلەيمەنوۆا.
دەپۋتاتتىڭ پٸكٸرٸنشە, وتباسىلىق زورلىق-زومبىلىق, قاتىگەز پاتريارحالدىق وزبىرلىققا شىداماعان ەيەلدەردٸڭ جان داۋىسىن ەستيتٸن جەنە قاتاڭ شارا قابىلدايتىن ۋاقىت جەتكەن.
"وتباسىنداعى زورلىق-زومبىلىقتى توقتاتۋ ٷشٸن – بٸرٸنشٸ ەلٸمٸزدە قۇندىلىقتارعا نەگٸزدەلگەن مەدەنيەتتٸ قالىپتاستىرۋ, يدەولوگييانى جەتٸلدٸرۋ, جاۋاپكەرشٸلٸكتٸ كٷشەيتۋ, ەڭ باستىسى زاڭدى قاتاڭداتۋ جەنە ونىڭ ساپالى ورىندالۋىن جٷزەگە اسىرۋىمىز قاجەت", - دەدٸ ول.
ول AMANAT پارتيياسى ەردايىم زاڭدى كٷشەيتۋگە, اتالعان مەسەلەنٸ شەشۋ ٷشٸن ناقتى قادامدار جاساپ جاتقانىن جەتكٸزدٸ. الايدا ٷكٸمەت تاراپىنان تيٸستٸ قولداۋ بولماي وتىر.
"قىركٷيەكتٸڭ باسىندا بالالارعا جەنە وتباسىنداعى ەيەلدەرگە قارسى جاسالاتىن زورلىق-زومبىلىقتى توقتاتۋ ماقساتىندا, اماناتتىق-دەپۋتاتتار ارنايى "قازاقستاننىڭ كەيبٸر زاڭنامالىق اكتٸلەرٸنە ەيەلدەردٸڭ قۇقىقتارىن قورعاۋ جەنە بالالاردىڭ قاۋٸپسٸزدٸگٸن قامتاماسىز ەتۋ مەسەلەلەرٸنە" ارنالعان زاڭ جوباسىن تەز ارادا ەزٸرلەدٸ. ٷكٸمەتتٸك ەمەس ۇيىمدار, بەلسەندٸ ەكسپەرتتەر, مەملەكەتتٸك ورگاندارمەن بٸرلەسكەن كەڭەيتٸلگەن فراكتسييا وتىرىسىندا زاڭ جان-جاقتى تالقىلانىپ, پىسىقتالدى.
ەڭ باستىسى, زاڭ جوباسىندا زورلىق-زومبىلىق قىلمىستىق ٸس بولىپ تانىلادى, پەدوفيلدەردٸ ٶمٸرباقي باس بوستاندىعىنان ايىرىلادى, جاۋاپكەرشٸلٸك پەن جازا كٷشەيتٸلەدٸ. بۇل قۇجات ەيەلدەر مەن بالالاردى قورعاۋعا جوعارى جاۋاپكەرشٸلٸك جەنە تۇرمىستىق زورلىق-زومبىلىق جاعدايلارىنا قاتاڭ ەرەكەت ەتۋ تەتٸكتەرٸن قاراستىرادى. دەگەنمەن نەبٸر "قىڭىر مٷددەلٸ" توپتاردىڭ ارالاسۋىمەن اتالعان زاڭ تۇجىرىمداسىنداعى نورمالاردى ٷكٸمەت قولداماي وتىر", - دەدٸ سٷلەيمەنوۆا.
تٷسٸنٸكسٸز سەبەپتەرمەن زاڭ ەلٸ مەجٸلٸسكە كەلمەگەن.
"ٶزٸمٸز جاساعان, ەيەلدەر مەن بالالاردى ناقتى قورعايتىن زاڭ جوباسىنا قاجەت قورىتىندىنى ٷكٸمەت سوزبالاپ جاتىر. سوندا تاعى دا قانشاما ەيەلدٸڭ تاعدىرى سىنعانىن كٷتەمٸز بە?!", - دەدٸ دەپۋتات.
وسىعان بايلانىستى AMANAT فراكتسيياسىنىڭ دەپۋتاتارى ٶز ۇسىنىستارىن ايتتى:
- ەڭ باستىسى, ەيەلدەر مەن بالالار زورلىق-زومبىلىقتىڭ قۇربانى بولماس ٷشٸن تٸپتٸ جەڭٸل تٷردەگٸ زورلىق-زومبىلىقتى قىلمىس دەپ تانۋ قاجەت. زاڭنامادا جازانى قاتايتۋ جٷزەگە اسىرىلۋعا تيٸس. ەيەل مەن بالاعا زورلىق-زومبىلىق كٶرسەتكەندەرگە اياۋشىلىق تانىتۋعا بولمايدى. ەشكٸمنٸڭ ەيەل ادامداردى قورلاپ ٶلتٸرۋگە قاقى جوق! قىلمىسكەرگە قاتاڭ جازا بەرٸلۋٸن تالاپ ەتەمٸز!
- زاڭنامادا تۇرمىستاعى زورلىق-زومبىلىققا قارسى كٷرەس جٷرگٸزەتٸن جاۋاپتى مەملەكەتتٸك ورگاندى بەكٸتەتٸن ۋاقىت جەتتٸ.
- ٷكٸمەتتٸڭ ەيەلدەردٸڭ قاۋٸپسٸزدٸگٸن قامتاماسىز ەتۋگە, اجىراسقان ەيەلدەرگە اليمەنتتٸ ۋاقتىلى تٶلەۋگە باعىتتالعان قاتاڭ شارالار قابىلدانعان مەملەكەتتٸك ساياساتتى بەكٸتۋدٸ سۇرايمىز.
- وتباسىلىق زورلىق-زومبىلىقتىڭ پروفيلاكتيكاسى مەن كريميناليزاتسيياسى قاراستىرىلعان بٸرنەشە دەپۋتاتتىڭ باستاماسىمەن ەزٸرلەنگەن زاڭ تۇجىرىمداماسىنا تەز ارادا وڭ قورىتىندىنى كٷتەمٸز.
