فوتو: اشىق دەرەككٶز
قازاقستاندىق بەلگٸلٸ اكتەر بولات ەبدٸلمانوۆ جاقىندا شىققان وتاندىق فيلمگە قاتىستى پٸكٸر بٸلدٸرٸپ, جۇرتشىلىق اراسىندا قىزۋ تالقى تۋدىردى. ٶنەر يەسٸ كينوداعى ەيەلدەر مەن ەرلەردٸڭ رٶلٸ اۋىسىپ بارا جاتقانىنا كٶڭٸلٸ تولمايتىنىن ايتتى, دەپ حابارلايدى Ult.kz.
اكتەر بۇل فيلمدە ەر ادامداردى ەيەلدەرگە تولىقتاي باعىنىشتى ەتٸپ كٶرسەتكەنٸنە نارازىلىعىن بٸلدٸردٸ. ٶز ويىن بولات ەبدٸلمانوۆ Instagram پاراقشاسىندا بٶلٸستٸ.
اكتەردٸڭ سىنى قازاقستاندىق "جەزتىرناق" فيلمٸنە قاتىستى. ٶنەر يەسٸ فيلمنٸڭ كٶركەمدٸك دەڭگەيٸنە داۋ جوق ەكەنٸن ايتادى.
"كينونىڭ جەتٸستٸكتەرٸ, جالپى تارتىمدىلىعى كەسٸبي دەڭگەيدە. وعان داۋ جوق. اكتەرلەردٸڭ ويىنى, كادردان كادرعا اۋىسۋى, بٷكٸل بەت-پٸشٸن, كٶزقاراسى بەرٸ ٶز ورنىندا. اكتەرلٸك انسامبل بار, دوسجان جانبوتاەۆتان باستاپ, قاراباليندەر, جاس بالا, باستى رٶلدٸ ويناعان قىز دا, بەرٸ دە ٶز ورنىندا, سەندٸردٸ. وپەراتوردىڭ دا جۇمىسى ٶتە جاقسى, رەجيسسەر دا اكتەرلەرمەن جۇمىس ٸستەي العان, تاپسىرما دۇرىس قويا بٸلەدٸ, اكتەرلەر دە ٶز رٶلدەرٸنە ساي كەلٸپ تۇر", - دەپ باستادى ەڭگٸمەسٸن اكتەر.
الايدا ول فيلمنٸڭ مازمۇنى, يدەياسىندا ويلاناتىن دٷنيە بار دەيدٸ.
"بۇل كينودا ەيەلدەر بەرٸن قىرىپ سالادى, ەركەكتەر بٸر جٷرگەن سورلى. ەركەك ەمەس, تەلپەك, جٸگٸت ەمەس, مٸلٸك. ەيەلدەردٸڭ ايتقانىنان شىعا المايدى, ەيەلدٸڭ ٶزٸنٸڭ بارلىق فيزيكالىق كٷشٸن كٶرسەتٸپ, سول جەردە جەڭٸمپاز بولادى", - دەيدٸ ەبدٸلمانوۆ.
ەبدٸلمانوۆ بٷگٸندە ەيەلدەر مەن ەر ادامداردىڭ ورنى اۋىسىپ بارا جاتقانىن تٸلگە تيەك ەتتٸ.
"ەيەلدٸڭ قارۋى ونىڭ كٷشٸ مە? ەيەلدٸڭ قارۋى - جٷرەگٸنٸڭ جۇمساقتىعى, نەزٸكتٸگٸ, سابىرلىعى, اقىلدىلىعىندا ەمەس پە? ەيەل زاتىنىڭ كٶز جاسىنىڭ الدىندا ەرٸمەيتٸن قارا تاس جوق. كەز كەلگەن ەركەك ەيەلدٸڭ الدىندا ونىڭ ەلسٸزدٸگٸن كٶرگەندٸكتەن ونى قۇرمەتتەيدٸ, قادٸرلەيدٸ. ال ەندٸ قازٸر ەيەل مەن ەركەكتٸڭ ورنى اۋىسىپ بارا جاتقان سەكٸلدٸ. وتباسىندا ەيەلدٸڭ باسشى بولۋى, ەرتەڭ مەملەكەتتٸ دە ەيەل باسقارادى دەگەنگە ەكەلٸپ تۇر. ەندٸ ٶزدەرٸڭٸز ويلاڭىزدار. وسى جەردٸ قورعايتىن بالانى رۋحتى, نامىستى, مٸنەزدٸ ۇرپاق قىلىپ قالاي تەربيەلەيمٸز. مەكتەپكە كەلەدٸ, مەكتەپتٸڭ كٶبٸ, ۇستازداردىڭ 70-80 پايىزى ەيەل ادامدار. بٸزدٸڭ ەل بٷگٸندە اجىراسۋدان الدىڭعى وندىققا كٸرەدٸ. ەكەسٸز, اناسىنىڭ قولىندا, ەيەلدٸڭ تەربيەسٸمەن ٶسكەن بالالار, مەكتەپتە دە سول" , - دەپ نارازىلىعىن جەتكٸزدٸ.
سونىمەن قاتار ٶنەر يەسٸ كينو سالاسىندا دا ويلاناتىن, ٶزگەرتەتٸن كٶپتەگەن دٷنيەلەر بار ەكەنٸن العا تارتتى.
"ەندٸ كينوعا كەلەتٸن بولساق, كينو دەگەن كٶركەم دٷنيە عوي, ول بٸر مەملەكەتشٸلدٸككە, ەلدٸككە, پاتريوتتىق سەزٸمدٸ وياتىپ, ەلٸن-جەرٸن قورعايتىن, رۋحتى ازاماتتاردى تەربيەلەيتٸن ورىن دەپ ويلايمىن. ال بۇل جەردە دە سول ەيەل بەلەڭ الىپ, ٷستەمدٸك قويىپ جٷر. جالپى ەيەل ەجەلدەن, اتا-بابامىزدان كەلە جاتقان دەستٷر بويىنشا وتاناسى, ٷيدٸڭ شامشىراعى, جارى كەلگەندە تاماعىن دايىنداپ, ٷيٸن تازا ۇستاپ, جىلى قاباقپەن كٷلٸمسٸرەپ قارسى الادى. ەرتەڭ كٷيەۋٸ ٷلكەن بيٸكتەردٸ باعىندىراتىن كەزدە وعان بٸر دەمەۋ, موتيۆاتسييا بەرۋ. ەركەك - دٷنيەدەگٸ بارلىق ٸسٸن ەيەل زاتىنا دەلەلدەۋ ٷشٸن جاسايدى عوي. سوندىقتان ەيەل مەن ەر ادام ٶز ورنىندا بولسا بٸزدٸڭ قوعام دا, مەملەكەت تە داميدى دەپ ويلايمىن. قازٸر كٶپتەگەن فيلمدەردٸ جەكەمەنشٸك ستۋدييالار تٷسٸرەدٸ, ەندٸ ولار اقشا ٶزٸمٸزدٸكٸ دەپ, نەشە تٷرلٸ دٷنيە تٷسٸرەدٸ. وسىعان بايلانىستى كينو سالاسىندا دا ويلاناتىن كٶپ دٷنيە بار. مەنٸڭ كينوعا ايتار پٸكٸرٸم – وسى" , - دەپ تٷيٸندەدٸ بولات ەبدٸلمانوۆ.
