بەلگٸلٸ ساياساتتانۋشى ايدوس سارىم پرەزيدەنت قاسىم-جومارت توقاەۆتىڭ باستاماسىمەن قۇرىلاتىن ۇلتتىق قوعامدىق سەنٸم كەڭەسٸنە قاتىستى پٸكٸر بٸلدٸردٸ.
ەسكە سالايىق, بٷگٸن 12 ماۋسىمدا نۇر-سۇلتان قالاسىندا ٶتكەن يناۋگۋراتسييادان كەيٸن سٶز سٶيلەگەن مەملەكەت باسشىسى ۇلتتىق قوعامدىق سەنٸم كەڭەسٸن قۇرۋ تۋرالى جوسپارىن ايتقان ەدٸ. سونداي-اق, پرەزيدەنت اتالعان كەڭەستٸ قۇرۋ تۋرالى جارلىققا قول قويدى, دەپ حابارلايدى قازاقپارات تٸلشٸسٸ.
«جالپى, بۇل كەڭەسكە جٷكتەلەتٸن مٸندەتتەردٸڭ ٸسكە اسۋى بٸرقاتار قادامدارعا بايلانىستى. ەڭ الدىمەن, كەڭەس ەرەجەسٸن دۇرىس بەكٸتٸپ, سودان كەيٸن, ونىڭ قۇرامىنىڭ اۋقىمدى بولۋى, ياعني قوعامنىڭ ەربٸر سالاسىندا جٷرگەن ەر كٷشتەردٸڭ اتىنان شىققان ازاماتتاردىڭ باسىن قوسا بٸلۋ ماڭىزدى. سول كەڭەسكە قوعامعا سٶزٸ ٶتەتٸن ازاماتتاردىڭ كٶپتەپ ەنٸپ, ولار بٸر-بٸرٸنە قۇرمەتپەن قاراي وتىرىپ, تيٸستٸ شەشٸمدەردٸ شىعارۋعا قاۋقارلى بولۋى كەرەك. جۇمىستىڭ تابىستى بولۋى كٶبٸنە وسىعان بايلانىستى», - دەدٸ ساياساتتانۋشى.
ونىڭ ايتۋىنشا, كەڭەس قۇرامىنا ەنگەن مٷشەلەر قوعامداعى ەڭ ٶزەكتٸ مەسەلەلەرگە نازار اۋدارىپ, دەر كەزٸندە تالقىلاي بٸلۋٸ شارت.
«ەكٸنشٸدەن, كەڭەس ٶزەكتٸ ەرٸ نەگٸزگٸ مەسەلەلەردٸ ورتاعا سالىپ, سول بويىنشا تيستٸ قۇجاتتاردىڭ نۇسقاسىن, جوباسىن شىعارا الاتىن ۇيىم بولۋى قاجەت دەپ ەسەپتەي الامىن. سايلاۋ, باق, ميتينگتەر تۋرالى, سونداي-اق ساياسي پارتييالار مەن قوعامدىق بٸرلەستٸكتەر جٶنٸندەگٸ زاڭنامانىڭ قايتا قارالۋىن كٶپتەن بەرٸ ايتىپ جٷرگەندەر بار. ەگەر وسىلاردىڭ نەگٸزگٸ تۇجىرىمداماسىن, نەگٸزگٸ يدەياسىن بەكٸتٸپ, سونى زاڭگەرلەرگە تابىستاپ, دۇرىس نۇسقالارىن جاساپ, ونى پارلامەنتكە ەنگٸزسە, وندا ۇلتتىق قوعامدىق سەنٸم كەڭەسٸ ٶزٸنە جٷكتەلگەن مٸندەتتٸ ورىنداي الادى دەگەن پٸكٸردەمٸن», - دەدٸ ايدوس سارىم.
ساياساتتانۋشىنىڭ پايىمىنشا, سايلاۋ ناۋقانىنىڭ اياقتالۋىنا بايلانىستى نەگٸزگٸ ەموتسييالار تاراعاننان كەيٸن, قوعاممەن سٶيلەسۋ, قوعامدىق-ساياسي كٷشتەرمەن اقىلداسۋ, كەڭەسۋ جۇمىستارى جٷرگٸزٸلۋٸ كەرەك. سوسىن پرەزيدەنت باستاما جاساپ وتىرعان كەڭەسكە كٶپتەگەن بٸلٸكتٸ ازاماتتاردىڭ كەلۋٸن قامتاماسىز ەتكەن جٶن.
«قوعامدا تانىلعان, بەدەلدٸ ازاماتتاردىڭ بٸرلەسە جۇمىس ٸستەۋٸنە العىشارتتار جاساۋ, سەنٸمدٸ ورتا قالىپتاستىرۋ ماڭىزدى», - دەدٸ ا. سارىم.
بۇدان بۇرىن حابارلانعانداي, بٷگٸن ۇلىقتاۋ رەسٸمٸندا پرەزيدەنت قاسىم-جومارت توقاەۆ ۇلتتىق قوعامدىق سەنٸم كەڭەسٸن قۇرۋدى كٶزدەپ وتىرعانىن مەلٸم ەتتٸ.
«مەن ۇلتتىق قوعامدىق سەنٸم كەڭەسٸن قۇرۋ جٶن دەپ شەشتٸم. ونىڭ قۇرامىنا بارلىق بٸرلەستٸك ٶكٸلدەرٸ مەن جاستار ەنەدٸ. ۇلتتىق قوعامدىق سەنٸم كەڭەسٸنٸڭ العاشقى وتىرىسى وسى جىلدىڭ تامىز ايىندا ٶتەدٸ. بيلٸك حالىققا بەرگەن بارلىق ۋەدەسٸن ورىنداۋى تيٸس», - دەدٸ قاسىم-جومارت توقاەۆ ەلورداداعى ۇلىقتاۋ رەسٸمٸندە.
