الداعى سايلاۋ دۇرىس ٶتەتٸن بولسا, ونى شىن مەنٸندە قازاقستاننىڭ قوعامى مويىنداسا وندا بۇل قوعامنىڭ, ەلدٸڭ بٸرلٸگٸن پاش ەتە الاتىن جاعداي. بۇل تۋرالى ساياساتتانۋشى ايدوس سارىم الماتىدا ٶتكەن ساراپتامالىق وتىرىستا ايتتى, دەپ حابارلايدى baq.kz.
ونىڭ ايتۋىنشا, بيىلعى سايلاۋ ٶزگەشە, ٶيتكەنٸ 2005-2006 جىلدان بەرٸ ەشبٸر دەموكراتييالىق كٷشتەردٸڭ, ۇلتتىق كٷشتەردٸڭ ٶكٸلدەرٸ سايلاۋعا جٸبەرٸلگەن جوق.
«قازٸر جاعداي ٶزگەشە, جەتٸ كانديدات ۇسىنىلىپ وتىر. مۇنىڭ ٶزٸ دە - ٷلكەن جاڭالىق. بٸر ەيەل ادام شىعىپ جاتىر, بۇل دا - قازاقستان تاريحىندا بولماعان جاڭالىق. ەلدٸڭ بولاشاعى تۇرعىسىنان قارايتىن بولساق, قىز-كەلٸنشەكتەر ٷشٸن جاقسى مٷمكٸندٸك», - دەيدٸ ول.
سونىمەن قاتار اينالامىزدا ەرتٷرلٸ دەرەجەدەگٸ وقيعالار بولىپ جاتقانىن ايتا كەلە, بٸرەۋلەر ۋكراينانى ايتىپ زەلەنسكييمەن سالىستىرىپ جاتقانىن, ەندٸ بٸرٸ ارمەنيياداعى پوشەنيياندى مىسال ەتٸپ جاتقانىن جەتكٸزدٸ.
«جالپى ليبەريليزاتسييانىڭ ارتىقشىلىعىمەن قاتار قاۋٸپ-قاتەرلەرٸ دە بولادى. مەسەلەن ەلەستەتٸپ كٶرٸڭٸزشٸ, كٸشكەنتاي قاپىرىق بٶلمەدە وتىرسىز دەيٸك, وندا بٸرەۋ تەمەكٸ شەگٸپ وتىر, تاعى بٸرەۋٸ تاماق پٸسٸرٸپ وتىر, ەندٸ بٸرٸ قورىلداپ ۇيىقتاپ جاتىر. ٸشٸندە تىنىس الۋ مٷمكٸن بولماي قالعاندا بٸرەۋ كەلدٸ دە كٸشكەنتاي تەرەزەنٸ اشىپ قالدى, بەرٸ توپىرلاپ تەرەزەگە قاراي جٷگٸردٸ. سونداي ەففەكت بولماۋ كەرەك», - دەيدٸ ايدوس سارىم.
ساياساتتانۋشىنىڭ پايىمداۋىنشا, قازٸر بيلٸك بەلگٸلٸ بٸر دەرەجەدە ليبەريليزاتسيياعا بارىپ جاتىر. جۇرت تا, قوعام دا بيلٸكتٸڭ پەرمەنٸ قاشانعا دەيٸن جەتەدٸ ەكەن, بٸزدٸڭ ەركٸندٸگٸمٸز قاي جەرگە دەيٸن بارادى ەكەن دەپ تەكسەرگٸسٸ كەلەدٸ. ەكٸنشٸ جاعىنان بۇل جەردە قاۋٸپ-قاتەردە بار كٶرٸنەدٸ.
«مىسالى, بٸرەۋلەردٸڭ ساندىراعىنا ٸلەسٸپ, باسقا دا جاعدايلارعا بارىپ جاتساق بۇل قيياناتقا اپارا ما, اپارماي ما دەگەن سۇراق تۋىندايدى. بۇل - بيلٸكتٸڭ ٶزٸنە دە ٷلكەن تٸرەۋ. مىسالى جەلتوقسان وقيعاسى الايىق. كەزٸندە سوۆەت وداعىنىڭ بيلٸگٸ «بٸزدە بەتبۇرىس باستالدى, جەڭٸلدٸكتەر بولادى» دەدٸ. سوعان قازاق جاستارى شىنىمەن يلاندى. ونىڭ ارتى قاندى وقيعاعا الىپ كەلدٸ. ەبدەن قورقىپ, بۇرىنعى دەستٷردەن شىعا الماعان رەجيم اينالىپ كەلٸپ ونى قانعا بٶكتٸردٸ. بٸر جاعىنان وسىنداي مەسەلەلەردەن ساقتانۋىمىز كەرەك. سوندىقتان قانداي شارا بولسىن بەرٸن بايىبىمەن, ەسٸمٸزدٸ ساقتاي وتىرىپ, جان-جاعىمىزعا قاراپ ٶتكٸزگەن دۇرىس», - دەيدٸ ول.
سونداي-اق, ول 19 ناۋرىز ٷلكەن ٶزگەرٸستەردٸ الىپ كەلگەنٸن, ٷمٸتتەر پايدا بولعانىن ايتتى.
«ەشكٸم ويلاماعان جەردەن بيلٸكتٸڭ ترانزيتٸ باستالىپ كەتتٸ. بۇل - بيلٸكتٸڭ ترانزيتٸ. سوسىن Nur Otan پارتيياسىنىڭ سەزٸ ٶتتٸ, بيلٸك ٶزٸنٸڭ كانديداتۋراسىن بٸراۋىزدان ۇسىندى, ەشقانداي تالاس بولعان جوق. ياعني بيلٸك ٶزٸنٸڭ بٸر ەكەنٸن دەلەلدەي الدى. ەندٸ 9 ماۋسىمنان كٷتەتٸن مەسەلە ٶتە كٶپ. ول كەزدە سايلاۋ دۇرىس ٶتەتٸن بولسا, ونى شىن مەنٸندە قازاقستاننىڭ قوعامى مويىنداسا. بۇل بۇرىنعى سايلاۋدان ٶزگەشە, راسىمەن دە ٶزگەرٸستەر بولادى ەكەن دەگەن پايىم بولسا, سايلاۋعا تٷسكەن كانديداتتار «بٸز بارىنشا جۇمىس ٸستەدٸك, العان داۋىس ٶزٸمٸزدٸكٸ, بٸزدٸڭ داۋىس ەش ۇرلانعان جوق» دەسە, بيلٸك بۇرىنعىداي 90% ەمەس, ٶزٸنٸڭ كٶپشٸل داۋىسىنا يە بولىپ جاتسا, وندا بۇل قوعامنىڭ, ەلدٸڭ بٸرلٸگٸن پاش ەتە الادى», - دەيدٸ ول.
