فوتو: Halyqstan.kz
جاڭا جىل قارساڭىندا اقمولا وبلىسىنىڭ ستەپنوگورسك قالاسىندا كٶشەلەرگە دەستٷرلٸ تٷردە اياز اتا مەن اقشاقار مٷسٸندەرٸ ورناتىلدى. الايدا مەرەكەلٸك بەزەندٸرۋ قالا تۇرعىندارى كٷتكەندەي جاعىمدى ەسەر قالدىرماي, كەرٸسٸنشە ەلەۋمەتتٸك جەلٸلەردە قىزۋ تالقىلاۋعا ۇلاستى, دەپ حابارلايدى Ult.kz Stan.kz سايتىنا سٸلتەمە جاساپ.
ەرەكشە پٸشٸندەگٸ جاڭا جىلدىق مٷسٸندەردٸڭ سۋرەتتەرٸ مەن ۆيدەولارى جەلٸدە تارالىپ, تۇرعىندار ولاردىڭ سىرت كەلبەتٸ ٷرەي تۋعىزاتىنىن جازدى. كەيبٸر جەلٸ قولدانۋشىلارى اياز اتا مەن اقشاقار تٷن قاراڭعىسىندا بالتامەن شابىلعانداي ەسەر قالدىراتىنىن, ال ٶزگە مٷسٸندەر سول «شىعارماشىلىق ٷدەرٸستٸڭ» كەزدەيسوق كۋەگەرلەرٸنە ۇقسايتىنىن اتاپ ٶتتٸ. سونداي-اق تۇرعىندار مەرەكەلٸك بەزەندٸرۋگە 10 ميلليون تەڭگەدەن استام قارجى جۇمسالدى دەگەن اقپاراتتى العا تارتىپ, نارازىلىق بٸلدٸردٸ.
قوعامدىق رەزونانسقا قالا ەكٸمدٸگٸ جەدەل جاۋاپ بەردٸ. ستەپنوگورسك قالاسى ەكٸمٸنٸڭ ورىنباسارى دارحان وسپانوۆتىڭ ايتۋىنشا, بيىل قالادا بۇرىننان بار دەستٷردٸ قايتا جانداندىرۋ تۋرالى شەشٸم قابىلدانىپ, تٷرلٸ ۇيىمدارعا جاڭا جىلدىق الاڭدى ٶز باستاماسىمەن بەزەندٸرۋگە مٷمكٸندٸك بەرٸلگەن.
– اياز اتا, اقشاقار جەنە باسقا دا شاعىن سەۋلەت فورمالارى ۇيىمداردىڭ باستاماسىمەن ورناتىلدى, – دەدٸ ول.
ەكٸمدٸك ٶكٸلدەرٸنٸڭ مەلٸمەتٸنشە, اتالعان بەزەندٸرۋگە قالا بيۋدجەتٸنەن قاراجات بٶلٸنبەگەن. سونىمەن قاتار تۇرعىنداردىڭ سىنى ەسكەرٸلٸپ, ەستەتيكالىق تالاپتارعا ساي كەلمەگەن مٷسٸندەردٸ الىپ تاستاۋ تۋرالى شەشٸم قابىلدانعان.
– قالا تۇرعىندارىنىڭ كٶڭٸلٸنەن شىعاتىن, بارلىق تالاپقا ساي جاڭا جىلدىق الاڭ جاسالادى. تۋىنداعان جاعداي ٷشٸن كەشٸرٸم سۇرايمىز, – دەدٸ ەكٸمدٸك ٶكٸلٸ.
