اياگٶزدە اۋقىمدى ٸستەر اتقارىلىپ جاتىر

كەشە وبلىس ەكٸمٸ دانيال احمەتوۆ اياگٶز اۋدانىندا جۇمىس ساپارىمەن بولىپ, قالاداعى بٸرنەشە مەكتەپتەردٸڭ جاي-كٷيٸمەن تانىسىپ, جىلۋ قازاندىقتارىنىڭ حال-احۋالىنا, كەيبٸر مەكەمەلەر مەن ەلەۋمەتتٸك ورىنداردىڭ تىنىس-تٸرشٸلٸگٸنە قانىقتى.

شاھاردىڭ وڭتٷستٸگٸندەگٸ ەسكەري گارنيزوننىڭ اۋماعىنا ورنالاسقان № 4 ارالاس جالپى بٸلٸم بەرەتٸن مەكتەپتە بٷگٸنگٸ كٷنٸ 775 وقۋشى بٸلٸم الىپ جاتىر. وبلىس باسشىسى مەكتەپ ٸشٸندەگٸ اسحاناعا باس سۇعىپ, اس مەزٸرٸمەن تانىستى. سونداي-اق, مەكتەپ ٸشٸندەگٸ شاعىن ورتالىقتا 118 بٷلدٸرشٸن تەربيەلەنۋدە. وقۋ ورنىندا بالالار ٷش اۋىسىمدا وقيدى. راس, تارشىلىق ەتۋدە. الايدا, وبلىس باسشىسى مەكتەپ ٸشٸندەگٸ شاعىن ورتالىقتىڭ سەبيلەرٸن جەكە عيماراتقا كٶشٸرۋ مەسەلەسٸن قاراستىرۋ جاعىن ويلاستىرۋدى ۇسىندى.

- راس, اياگٶزدٸڭ ٶندٸرٸسٸ مەن اۋىل شارۋاشىلىعى قاتار دامىپ كەلە جاتىر. ەلەۋمەتتٸك حال-احۋالىمىز جاقسارعان سايىن ەلٸمٸزدٸڭ بولاشاعى - بالا سانى دا ارتا بەرمەك. دەگەنمەن, بٸز مەسەلەنٸڭ وڭتايلى جاعىن قاراستىرۋىمىز قاجەت. مەسەلەن, شاعىن ورتالىقتىڭ بٷلدٸرشٸندەرٸ ٷشٸن وسىندا قاڭىراپ تۇرعان كەيبٸر عيماراتتاردى نەگە قايتا جٶندەۋدەن ٶتكٸزٸپ, قاجەتٸمٸزگە جاراتپاسقا. مىنا گارنيزون اۋماعىنان بوس عيماراتتار تابىلمايدى دەگەنگە كٸم سەنەدٸ? سوندىقتان وسىنى نازاردا ۇستاڭىزدار, - دەدٸ وبلىس ەكٸمٸ.

مەكتەپتٸڭ بيىل ەلەكترمەن جىلىتۋدان گٶرٸ قاتتى وتىنعا كٶشكەندٸگٸن قۇپتادى. مەسەلەن, ەلەكتر قازاندىعىمەن جىلىتۋ بارىسىندا شىعىن مٶلشەرٸ 10 ملن. 220 مىڭ تەڭگە بولسا, قاتتى وتىننىڭ شىعىنى بار بولعانى 5 ملن. 380 مىڭ تەڭگەگە تٷسكەن. ياعني, بيۋدجەت قارجىسى ٷنەمدەلگەن.

وبلىس باسشىسى دانيال احمەتوۆ مامىرسۋ اۋىلدىق وكرۋگٸندەگٸ مەدەنيەت ٷيٸنە ات باسىن بۇردى. شاعىن قالانىڭ ٸرگەسٸنە ورنالاسقان ەلدٸ مەكەندە كەيٸنگٸ جىلدارى ەجەپتەۋٸر شارۋالار اتقارىلعانى بايقالادى. كٶشەلەر جايناپ, ەڭسەلٸ عيماراتتار ساپ تٷزەگەن. ٶتكەن جىلى جاستارعا ارنالعان سپورت كەشەنٸ بوي كٶتەرسە, بيىل مەدەنيەت ٷيٸنە كٷردەلٸ جٶندەۋ جٷرگٸزٸلگەن. وبلىس باسشىسىن ەن-جىرمەن قارسى العان اۋىل تۇرعىندارى ٶزدەرٸنٸڭ ەلدٸ مەكەندە, اۋداندا اتقارىلىپ جاتقان ٸستەرگە كٶڭٸلدەرٸ تولاتىندىقتارىن جاسىرماي ايتتى. اۋىل قاريياسى بۇلانباەۆ اق باتاسىن بەرٸپ, اقجارما العىسىن اقتاردى.

- اياگٶز, مامىرسۋ, ٶزٸڭٸز بٸلەسٸز, قاسيەتتٸ مەكەن. بٸز وسى بٸر كيەلٸ ٶڭٸردە عۇمىر كەشٸپ كەلەمٸز, - دەدٸ ول. - وسىنداعى اتقارىلىپ جاتقان شارۋالارعا كٶڭٸلٸمٸز تولادى. اياگٶز -بۇرناعى جىلدارى شاڭى شىعىپ جاتاتىن شاعىن قالا ەدٸ. قازٸر گٷلدەستەگە ورانعان ەسەم شاھارعا اينالىپ كەلەدٸ. سٸزدەرگە مىنا جينالعان جۇرتتىڭ اتىنان زور العىسىمدى بٸلدٸرگٸم كەلەدٸ.

مۇنداي اق تٸلەكتەردٸ اۋماقتىق ەلەۋمەتتٸك قىزمەت كٶرسەتۋ ورتالىعىندا ەسەپتە تۇرعان مٷگەدەك بالالار مەن وسىندا كەلٸپ بوس ۋاقىتىن مەندٸ ٶتكٸزٸپ كەلە جاتقان قارييالار دا ارنادى. بيىل عانا ٷش قاباتتى عيماراتقا قونىس اۋدارعان ورتالىققا كەلۋشٸلەر ٶزدەرٸنٸڭ جاعدايلارىنىڭ جاقسى ەكەندٸگٸن ريزاشىلىقپەن جەتكٸزدٸ. مۇندا قازٸر 200 زەينەتكەر مەن 1-شٸ جەنە 2-شٸ توپتاعى 108 مٷمكٸندٸگٸ شەكتەۋلٸ بالالارعا 98 پەرسونال قىزمەت كٶرسەتەدٸ. جالپى, بۇل جەردە 102 ادام جۇمىس ٸستەيدٸ. 

- ٶزدەرٸڭٸزگە مەلٸم, بيىل ەلٸمٸزدٸڭ تەۋەلسٸزدٸك العانىنا 25 جىل تولىپ وتىر. بۇل ٶتە ٷلكەن مەرەيلٸ مەرەكە, - دەدٸ وبلىس باسشىسى. - وسىدان شيرەك عاسىر بۇرىن قازاقستاندى ەلەم تانىماسا, قازٸر بٸزدٸڭ ەلٸمٸزبەن دٷنيەجٷزٸ ساناسادى. بۇل - ەلباسى نۇرسۇلتان نازارباەۆتىڭ سارابدال ساياساتىنىڭ جەمٸسٸ. وسىنى بارلىق جەردە جاستارعا تٷسٸندٸرٸپ ايتىپ جٷرۋ - اعا بۋىننىڭ مٸندەتٸ بولماق. مٸنە, مىنانداي ٷش قاباتتى زەۋلٸم دە جىلى عيمارات بٶلٸپ وتىرمىز. بارلىق جاعدايلارىڭىز جاسالعان. اعا بۋىنعا جاعداي جاساۋ - بٸزدەردٸڭ مٸندەتٸمٸز.

وبلىس باسشىسى بۇدان سوڭ № 3 ورتا مەكتەپتٸڭ بيىل عانا قايتا جٶندەلگەن جىلۋ قازاندىعىنا باس سۇعىپ, اتقارىلعان ٸسكە ريزاشىلىعىن بٸلدٸردٸ. قازٸر اتالمىش عيمارات ماۋسىمىنا 600 توننا كٶمٸر جاعادى. وبلىس ەكٸمٸ بۇدان سوڭ «سمپ-10» مەردٸگەر كومپانيياسى سالىپ جاتقان قۇنى 396 ملن. تەڭگەلٸك 60 پەتەرلٸ 5 قاباتتى تۇرعىن ٷي قۇرىلىسىنىڭ حال-احۋالىمەن تانىستى.

اياگٶز اۋداندىق ورتالىق اۋرۋحانانىڭ تىنىس-تٸرشٸلٸگٸمەن تانىسقان دانيال احمەتوۆ وسىندا ەم قابىلداپ جاتقان ناۋقاس جانداردىڭ حال-احۋالدارىن سۇراپ بٸلدٸ. اۋرۋحانا ٸشٸ جىلى. ناۋقاس جانداردىڭ بارلىعى دا دەرٸگەرلەر مەن مەدپەرسونالداردىڭ ٶزدەرٸنە ٶتە جاقسى قارايتىندىقتارىن ايتىپ, العىس سەزٸمدەرٸن بٸلدٸردٸ. جالپى, 5 قاباتتى اۋرۋحانا 1978 جىلدان حالىققا قىزمەت كٶرسەتٸپ كەلەدٸ. 360 تٶسەكتٸك اۋرۋحانادا بارلىعى 156 ادام جۇمىس ٸستەيدٸ. باس دەرٸگەر شالقار وماروۆ وبلىس باسشىسىنا ٶزدەرٸنٸڭ اتقارىپ جاتقان ٸستەرٸنٸڭ جاي-كٷيٸن باياندادى. 3, 4, 5 قاباتتارعا 2011 جىلى كٷردەلٸ جٶندەۋ جۇمىستارى جٷرگٸلگەن. ەندٸ 2-شٸ قابات ٸشٸنە جٶندەۋ جۇمىستارى جٷرگٸزٸلسە دەيدٸ باس دەرٸگەر.

اياگٶزدە اۋىز تولتىرىپ ايتارلىق ٸستەر بارشىلىق. سونىڭ بٸرٸ – بالاباقشا مەسەلەسٸ تولىعىمەن شەشٸلگەن. «اشاح» جشس اشقان «ايىم» اتتى جەكەمەنشٸك بالاباقشادا قازٸر 180 سەبي تەربيەلەنۋدە. 

اياگٶزدە ٶنەركەسٸپ سالاسى دا جاقسى دامىپ كەلەدٸ. سونىڭ بٸر جارقىن كٶرٸنٸسٸ - بيىلعى شٸلدە ايىندا قۇرىلىسى باستالعان «قۇرىلىس ماتەريالدارى كومبيناتى». باس جوبالاۋشى وبلىس ورتالىعىنداعى «شىعىس قۇرىلىس جوبا» جشس. قۇرىلىستىڭ مەردٸگەر كومپانيياسى - «سمۋ-شىعىس» جشس. وبلىس باسشىسى مۇندا اتقارىلىپ جاتقان ٸسكە ٷنەمٸ قولداۋ بٸلدٸرەتٸندٸگٸن ايتتى. سول سيياقتى, «اۆS گرۋپپ» جشس 2014 جىلى اشقان «اياگٶز كٸرپٸش زاۋىتىنىڭ» قۋاتى دا وراسان. 2018 جىلى تولىق قۋاتىندا جۇمىس ٸستەگەندە, جىلىنا 15 ملن. دانا كٸرپٸش شىعارۋعا قاۋقارى بار ٶندٸرٸس ورنى بيىل 240 ملن. تەڭگەنٸڭ 6 ملن. كٸرپٸشٸن شىعارادى دەپ جوسپارلانعان. ال زاۋىتتىڭ ٶنٸمٸن الماتى وبلىسى مەن كٶرشٸلەس اۋدانداردىڭ قۇرىلىس كومپانييالارى تۇتىنىپ كەلەدٸ. 

وبلىس باسشىسى بۇدان كەيٸن «گوردورستروي» جشس-نٸڭ «اسفالت زاۋىتى» مەن «پلەمزاۆود قالباتاۋ» جشس سالعان ەت كومبيناتىنىڭ تىنىس-تٸرشٸلٸگٸمەن تانىستى. ەت كومبيناتىنىڭ جوبالىق قۋاتى - اۋىسىمىنا 15 ٸرٸ قارا, ياعني, 3 توننا ەت. ايتا كەتەرلٸگٸ, سول جەردە اۋداندىق كەسٸپكەرلٸك جەنە اۋىل شارۋاشىلىعى بٶلٸمٸ ارنايى كٶرمە ۇيىمداستىردى. جەرگٸلٸكتٸ جەردە ٶندٸرٸلگەن تاۋارلاردان ۇيىمداستىرىلعان كٶرمە شىن مەنٸسٸندە وبلىس باسشىسى مەن كەلگەن قوناقتاردىڭ كٶڭٸلٸنەن شىققانىن ايتا كەتكەن لەزٸم. ايماق باسشىسى سمەتالىق قۇنى 170 ملن. تەڭگە بولاتىن ٶندٸرٸس ورنىن ارالاپ كٶردٸ. تولىق قۋاتىندا ٸسكە قوسىلعاندا, مۇندا دا 15-20 ادامعا جۇمىس ورنى اشىلماق. 

جاستارعا ارنالعان 50 ورىندىق جاتاقحانا ٷيٸنٸڭ قۇرىلىسى بيىلعى ماۋسىمدا باستالعان. «يۋكو» جشس جٷرگٸزٸپ كەلە جاتقان بۇل قۇرىلىس كەلەر جىلدىڭ ماۋسىمىندا اياقتالماق. بۇدان كەيٸن ايماق باسشىسى «اياگٶز جولدارى», «دەۋ-71», «گورجيلكومحوز», «اياگٶز سۋ», «سۋ», «پدۋ-4» ۇجىمدارىنىڭ قاز-قاتار تٸزٸلگەن تەحنيكالارىنىڭ قىسقا دايىندىق جاعدايلارىمەن تانىستى. 

- بٸز اياگٶزدە 600 ورىندىق مەكتەپتٸڭ قۇرىلىسىن باستايمىز, - دەدٸ وبلىس باسشىسى. - جالپى, اياگٶزدە اتقارىلىپ جاتقان ٸستەرگە مەنٸڭ كٶڭٸلٸم تولدى.

 وبلىس ەكٸمٸ «نۇر وتان» پارتيياسى اياگٶز اۋدااندىق فيليالىنىڭ عيماراتىندا تۇرعىنداردى قابىلداپ, ولاردىڭ تالاپ-تٸلەكتەرٸنە قۇلاق استى, سۇراقتارىنا ناقتى جاۋاپ قايتاردى.

بەرٸكحان تايجٸگٸت
اياگٶز اۋدانى.