كٶكشەتاۋدا اۆتوتۇراقتاعى بولعان جالعىزباستى انا ٶلٸمٸنە قاتىستى سوت وتىرىسى ٶتٸپ, كٶلٸك جٷرگٸزۋشٸسٸنە قاتىستى سوت ٷكٸم شىعاردى, دەپ حابارلايدى ult.kz.
كٶكشەتاۋ قالالىق سوتىندا جول جٷرٸسٸ قاعيدالارىن بۇزۋ سالدارىنان ادام ٶلٸمٸنە ەكەپ سوققان ٸس قارالدى. قىلمىستىق ٸس سوتتالۋشى س.-عا قاتىستى قىلمىستىق كودەكستٸڭ 345-بابى 3-بٶلٸگٸ بويىنشا قوزعالعان.
سوت دەرەكتەرٸنە سەيكەس, 2026 جىلى مامىردا كٶكشەتاۋ قالاسىندا س. كٶلٸكتٸ باسقارۋ قۇقىعى بولماسا دا تٸزگٸنگە وتىرىپ, ٷيدٸڭ اۋلاسىنا بۇرىلۋ كەزٸندە جاياۋ جٷرگٸنشٸ ش.-نى قاعىپ كەتكەن. سالدارىنان ەيەلدٸڭ دەنساۋلىعىنا اۋىر زييان كەلٸپ, العان جاراقاتتارىنان اۋرۋحانادا قايتىس بولعان.
ايىپتالۋشى سوتتا جۇبايىنىڭ دەنساۋلىعى ناشارلاعاندىقتان, ونىڭ رۇقساتىمەن جٷرگٸزۋشٸ كۋەلٸگٸ بولماسا دا كٶلٸك تٸزگٸنٸنە وتىرعانىن تٷسٸندٸردٸ. ال كٶلٸك يەسٸنٸڭ اۆتوكٶلٸكتٸ جٷرگٸزۋشٸ كۋەلٸگٸ جوق ادامعا بەرۋٸ دەرەگٸ بويىنشا قىلمىستىق ٸس جەكە ٸس رەتٸندە قارالماق.
سوتتا س.-نىڭ كٸنەسٸ بٸرنەشە دەلەلمەن راستالدى. اتاپ ايتقاندا, سوتتالۋشى ٶز كٸنەسٸن تولىق مويىنداعان, سونداي-اق كۋەگەرلەردٸڭ جاۋاپتارى, وقيعا ورنىن قاراپ-تەكسەرۋ حاتتاماسى, جول-كٶلٸك وقيعاسىنىڭ سىزباسى, ساراپتاما قورىتىندىلارى مەن بەينەجازبا ٸس ماتەريالدارىنا تٸركەلگەن. جازا تاعايىنداۋ كەزٸندە سوت بٸرقاتار جەڭٸلدەتەتٸن مەن-جايدى ەسكەردٸ. سوتتالۋشىنىڭ جاساعان ٸسٸنە ٶكٸنۋٸ, اسىراۋىندا كەمەلەتكە تولماعان بالالارىنىڭ بولۋى, جەبٸرلەنۋشٸ تاراپقا مورالدىق ٶتەمدەردٸ ٶز ەركٸمەن ٶتەۋٸ جەنە بۇرىن قىلمىستىق-ەكٸمشٸلٸك جاۋاپكەرشٸلٸككە تارتىلماعانى نازارعا الىندى.
سوت وتىرىسىندا جەبٸرلەنۋشٸ تاراپ سوتتالۋشى س.-عا ماتەريالدىق نەمەسە مورالدىق تالاپ قويمايتىنىن مەلٸمدەدٸ. ولاردىڭ ايتۋىنشا, كەلتٸرٸلگەن شىعىن تولىق ٶتەلٸپ, كەشٸرٸم سۇرالعان.
"سوت ٷكٸمٸمەن س.-عا 2 جىل 6 ايعا باس بوستاندىعىنان ايىرۋ جازاسى تاعايىندالدى. قك-نٸڭ 74-بابىنىڭ 1-بٶلٸگٸ نەگٸزٸندە (زاڭ بويىنشا جاس بالاسى بار ەيەلدەردٸڭ جازاسىن ٶتەۋٸن كەيٸنگە قالدىرۋ مٸندەتتەلەدٸ), سوتتالۋشىنىڭ تەربيەسٸندە ەكٸ جاس بالاسىنىڭ بولۋىنا بايلانىستى جازانى ٶتەۋ 3 جىلعا كەيٸنگە قالدىرىلدى", - دەلٸنگەن سوت قاۋلىسىندا.
