پاۆلودار وبلىسىنىڭ اقسۋ قالاسىندا اۆتوبۋستىڭ تٶبەسٸنە شىعىپ الىپ, جول جٷرگەن 18 جاستاعى ەر ادام ۇستالدى. ول بۇل ەرەكەتكە ەلەۋمەتتٸك جەلٸدە تانىمال بولۋ ٷشٸن بارعان, دەپ حابارلايدى "ۇلت اقپارات".
«Instagram ەلەۋمەتتٸك جەلٸسٸندە مونيتورينگ جٷرگٸزۋ كەزٸندە, پاۆلودارلىق پابليكتەردٸڭ بٸرٸنەن پاۆلودار وبلىسىنا قاراستى اقسۋ قالاسىندا جاس جٸگٸتتٸڭ قالالىق اۆتوبۋستىڭ تٶبەسٸنە شىعىپ الىپ جول جٷرگەنٸ جارييالانعان ۆيدەو انىقتالدى», - دەپ حابارلادى پاۆلودار وبلىستىق پوليتسييا دەپارتامەنتٸنٸڭ باسپاسٶز قىزمەتٸنەن.
پوليتسەيلەر جارييالانعان ۆيدەو بويىنشا تەكسەرٸس جۇمىسىن جٷرگٸزدٸ.
«17 ماۋسىم كٷنٸ ساعات 13:00 شاماسىندا اقسۋ قالاسىنداعى استانا كٶشەسٸندە جاس جٸگٸت اۆتوبۋس ايالداماسىنان قالالىق اۆتوبۋستىڭ ٷستٸنە مٸنٸپ الىپ, جول جٷرگەن. كٶلٸك قۇرالى قوزعالىپ كەلە جاتقاندا ول بالاعات سٶزدەر ايتىپ تۇرعان», - دەپ حابارلادى پاۆلودار وبلىسى اقسۋ قالالىق پوليتسييا بٶلٸمٸ جەرگٸلٸكتٸ پوليتسييا قىزمەتٸنٸڭ باستىعى ارمان راحمەتوۆ.
ونىڭ ايتۋىنشا, پوليتسەيلەر تەرتٸپ بۇزۋشىنى ۇستادى. ول قالانىڭ 18 جاستاعى تۇرعىنى بولىپ شىقتى.
وعان قاتىستى قر ەكٸمشٸلٸك قۇقىق بۇزۋ كودەكسٸنٸڭ 434-بابى (ۇساق بۇزاقىلىق) بويىنشا ەكٸمشٸلٸك ٶندٸرٸس قوزعالعان.
ماتەريال تيٸستٸ جازالاۋ شاراسىن قابىلداۋ ٷشٸن سوتقا جٸبەرٸلدٸ.
پوليتسييا جاس جٸگٸتتٸڭ بۇل ەرەكەتكە ەلەۋمەتتٸك جەلٸدەگٸ حايپ ٷشٸن بارعانىن اتاپ ٶتتٸ.
