Pavlodar oblysynyń Aqsý qalasynda avtobýstyń tóbesine shyǵyp alyp, jol júrgen 18 jastaǵy er adam ustaldy. Ol bul áreketke áleýmettik jelide tanymal bolý úshin barǵan, dep habarlaidy "Ult aqparat".
«Instagram áleýmettik jelisinde monitoring júrgizý kezinde, pavlodarlyq pablikterdiń birinen Pavlodar oblysyna qarasty Aqsý qalasynda jas jigittiń qalalyq avtobýstyń tóbesine shyǵyp alyp jol júrgeni jariialanǵan video anyqtaldy», - dep habarlady Pavlodar oblystyq politsiia departamentiniń baspasóz qyzmetinen.
Politseiler jariialanǵan video boiynsha tekseris jumysyn júrgizdi.
«17 maýsym kúni saǵat 13:00 shamasynda Aqsý qalasyndaǵy Astana kóshesinde jas jigit avtobýs aialdamasynan qalalyq avtobýstyń ústine minip alyp, jol júrgen. Kólik quraly qozǵalyp kele jatqanda ol balaǵat sózder aityp turǵan», - dep habarlady Pavlodar oblysy Aqsý qalalyq politsiia bólimi jergilikti politsiia qyzmetiniń bastyǵy Arman Rahmetov.
Onyń aitýynsha, politseiler tártip buzýshyny ustady. Ol qalanyń 18 jastaǵy turǵyny bolyp shyqty.
Oǵan qatysty QR Ákimshilik quqyq buzý kodeksiniń 434-baby (Usaq buzaqylyq) boiynsha ákimshilik óndiris qozǵalǵan.
Material tiisti jazalaý sharasyn qabyldaý úshin sotqa jiberildi.
Politsiia jas jigittiń bul áreketke áleýmettik jelidegi haip úshin barǵanyn atap ótti.
