بٸشكەكتە №2 اۆتوبۋستا جولاۋشىلار اراسىندا بولعان جانجالعا قاتىستى تەرگەۋ جالعاسىپ جاتىر. وقيعاعا قاتىسۋشىلاردىڭ بٸرٸ – 34 جاستاعى پاريزات بولعان جاعدايدى بايانداپ, ٶز نۇسقاسىن ايتتى, دەپ حابارلايدى ult.kz.
پاريزاتتىڭ سٶزٸنشە, جانجال بولعان كٷنٸ ول ەكٸ تەۋلٸك جۇمىس ٸستەپ, ٷيٸنە قايتىپ كەلە جاتقان. كەيٸن اناسىمەن بٸرگە اۋرۋحاناعا بارۋ ٷشٸن تەلەفون ارقىلى دەرٸگەردٸڭ قابىلداۋىنا جازىلىپ وتىرعان.
ونىڭ ايتۋىنشا, سول سەتتە قاسىنا كەلگەن ەيەلدٸڭ ورىن بەرۋٸن سۇراعانىن بايقاماي قالعان. پاريزاتتىڭ پٸكٸرٸنشە, جولاۋشى ونىڭ ٶتٸنٸشتٸ ەدەيٸ ەلەمەي وتىرعانىن تٷسٸنگەن بولۋى مٷمكٸن.
«ول مەنٸڭ موينىمنان يتەرٸپ, بالا تەربيەمە قاتىستى اۋىر سٶزدەر ايتا باستادى. مەن وعان جاۋاپ بەرمەي, اۋرۋحانامەن سٶيلەسۋدٸ جالعاستىرا بەردٸم», – دەدٸ پاريزات.
تەلەفونداعى قوڭىراۋىن اياقتاعاننان كەيٸن ول جاعدايدى تٷسٸندٸرۋ ٷشٸن ەيەلدٸڭ قاسىنا بارعان. پاريزاتتىڭ ايتۋىنشا, ول تەلەفونىمەن ەلگٸ ەيەلدٸ نۇسقاپ, نازارىن اۋدارعىسى كەلگەن. الايدا بۇل قيمىلىن اينالاداعىلار باسقاشا تٷسٸنۋٸ مٷمكٸن ەكەنٸن اتاپ ٶتتٸ.
«مەن جاعدايدىڭ قالاي بولعانىن تٷسٸندٸرگٸم كەلدٸ. بٸراق ول ماعان شابۋىل جاساپ, ۇرىپ, شاشىمنان تارتا باستادى. مەن دە اشۋعا بەرٸلٸپ, تەلەفوندى لاقتىرىپ جٸبەردٸم», – دەدٸ ول.
پاريزات ٶز ەرەكەتٸن دە دۇرىس دەپ ەسەپتەمەيتٸنٸن ايتتى.
«يە, مەنٸڭ دە وعاش ەرەكەت جاساعانىم راس. مەن دە ەموتسيياعا بەرٸلٸپ كەتتٸم», – دەدٸ ول.
قازٸر اۆتوبۋستا بولعان جانجال بويىنشا تيٸستٸ تەكسەرۋ مەن تەرگەۋ جۇمىستارى جالعاسىپ جاتىر. وقيعانىڭ بارلىق مەن-جايى انىقتالعاننان كەيٸن وعان قۇقىقتىق باعا بەرٸلەدٸ.
