2 قاراشادا ۆەنادا 4 ادامعا وق اتقان مەرگەن جالعىز ٶزٸ ەرەكەت ەتكەن. بۇل اقپاراتتى اۆسترييا ٸشكٸ ٸستەر مينيسترٸ كارل نەحاممەر مەلٸمدەدٸ.
نەحاممەردٸڭ سٶزٸنە قاراعاندا, 3 قاراشادا اۆسترييا پوليتسيياسى "تەرروريستٸك ۇيىمعا قاتىسى بار" دەگەن كٷدٸكپەن 18 بەن 28 جاس ارالىعىنداعى 14 ادامدى ۇستاعان. ولاردىڭ اراسىندا اۆسترييا ازاماتتارىمەن قاتار بانگلادەش, سولتٷستٸك ماكەدونييا, تٷركييا, رەسەي ازاماتتارى دا بولعان.
سلوۆاكييا بيلٸگٸنٸڭ مەلٸمەتٸنشە, شابۋىلداۋشى 2020 جىلى جازدا سلوۆاكييادان وق-دەرٸ ساتىپ الماق بولعان. الايدا قارۋ ۇستاۋ رۇقساتى بولماعاندىقتان الا الماعان. سلوۆاكييا بيلٸگٸ بار اقپاراتتى اۆسترييانىڭ بارلاۋ قىزمەتٸنە تاپسىرعانىن حابارلادى.
ۆەنا ورتالىعىندا ادامدارعا شابۋىل جاساعان 20 جاستاعى كۋيتيم فەيزۋلايدا اۆسترييا جەنە سولتٷستٸك ماكەدونييا پاسپورتى بولعان. ول ۇستاۋ وپەراتسيياسى كەزٸندە اتىپ ٶلتٸرٸلدٸ.
فەيزۋلاي بىلتىر سەۋٸر ايىندا "يسلام مەملەكەتٸ" ەكسترەميستٸك توبىنا قوسىلۋدى كٶزدەپ, سيريياعا كەتپەك بولعانى ٷشٸن 22 ايعا باس بوستاندىعىنان ايىرىلعان. بٸراق 8 اي عانا تٷرمەدە وتىرىپ, 2019 جىلى جەلتوقسان ايىندا بوساپ شىققان.
اۆسترييا ٸشكٸ ٸستەر مينيسترٸنٸڭ ايتۋىنشا, فەيزۋلاي "دەراديكاليزاتسييا" باعدارلاماسىنىڭ قاتىسۋشىسى بولعان. سىرت كٶزگە اۆسترييا قوعامىنا ارالاسىپ كەتكەندەي بولىپ كٶرٸنگەنٸمەن ەكسترەميست ٶزٸنشە ماقسات قۇرىپ, ەرەكەت ەتكەن.
