اۆسترالييانىڭ شىعىس جاعالاۋىنداعى نٶسەر جاۋىن كەي اۋدانداردا كەيٸنگٸ جارتى عاسىرداعى ەڭ ٸرٸ سۋ تاسقىنىنا ەكەلدٸ. بۇل تۋرالى جەكسەنبٸ, 21 ناۋرىز كٷنٸ جەرگٸلٸكتٸ بيلٸك حابارلادى.
جاڭا وڭتٷستٸك ۋەلس شتاتىنىڭ پرەمەر-مينيسترٸ گلەديس بەرەدجيكليان جاعداي بولجامداعىدان اۋىرلاۋ بولعانىن مەلٸمدەدٸ. سەگٸز ميلليون حالقى بار جاڭا وڭتٷستٸك ۋەلس – اۆسترالييانىڭ حالقى ەڭ تىعىز ورنالاسقان شتاتى.
"كەشە بٸز مۇنداي وقيعا 20 جىلدا بٸر بولار دەپ ٷمٸتتەنگەنبٸز. قازٸر ول 50 جىلدا بٸر بولاتىن جاعدايعا ۇقساپ تۇر" دەدٸ بەرەدجيكليان تەلەديداردان كٶرسەتٸلگەن بريفينگتە.
سيدنەيدٸڭ سولتٷستٸك-باتىس بٶلٸگٸندەگٸ كەي اۋدانداردا تۇرعىندارعا تٷن ورتاسىندا ٷيٸن تاستاپ كەتۋدٸ ۇسىندى. ٶيتكەنٸ اعىسى جىلدام سۋ جاپپاي بٷلٸنۋگە ەكەلدٸ. بەرەدجيكلياننىڭ سٶزٸنشە, مىڭعا جۋىق ادام كٶشۋگە كٶمەكتەسۋدٸ سۇراعان, تٶرت مىڭعا جۋىق ادام ٷيٸن تاستاۋعا مەجبٷر بولۋى مٷمكٸن.
تەلەرەپورتاجدار مەن ەلەۋمەتتٸك جەلٸدە تاراعان ۆيدەولاردان سۋ تاسقىنىنىڭ ٷيلەر مەن جولداردى قالاي قيراتىپ جاتقانىن كٶرۋگە بولادى. اعاشتار قۇلاپ, جول ينفراقۇرىلىمىنا زاقىم كەلٸپ جاتىر. اپات قىزمەتتەرٸ جٷزدەگەن ٷيدٸڭ بٷلٸنگەنٸن حابارلادى.
شتاتتاعى بٸرنەشە ٸرٸ جولدار جابىلىپ, كٶپتەگەن مەكتەپ دٷيسەنبٸدەگٸ ساباقتاردى كەيٸنگە قالدىردى.
مەتەورولوگتاردىڭ حابارلاۋىنشا, نٶسەر بٸرنەشە كٷن بويى جاۋماق. اپات بريگادالارى بەيسەنبٸ, 18 ناۋرىزدان بەرٸ كٶمەك قولىن سۇراعان 6000 قوڭىراۋ تٷسكەنٸن ايتادى.
باسپاسٶزدٸڭ حابارلاۋىنشا, تابيعي اپات جاڭا وڭتٷستٸك ۋەلس شتاتىنداعى ۆاكتسينالاۋ پروتسەسٸنە دە تەرٸس ىقپال ەتٸپ, 6 ميلليون دوزانىڭ جەتكٸزٸلۋٸن بٸرنەشە اپتاعا شەگەرگەن.
