قوعام قايراتكەرٸ, قر پرەزيدەنتٸ جانىنداعى ۇلتتىق قوعامدىق سەنٸم كەڭەسٸنٸڭ مٷشەسٸ اۋىت مۇقيبەك ەرٸپتەسٸ اسىلبەك قوجاحمەتوۆتٸڭ شەتەلدەگٸ قانداستارعا كٶپتەپ گرانت بٶلۋ ۇسىنىسىنا قولداۋ بٸلدٸردٸ. سپيكەر قازاقتانعا قانداستار كٶشٸنٸڭ ەكٸنشٸ تولقىنى باستالۋعا جاقىن ەكەنٸن ايتادى, دەپ حابارلايدى قازاقپارات.
«ۇلتتىق قوعامدىق سەنٸم كەڭەسٸنٸڭ بٷگٸنگٸ ٷشٸنشٸ وتىرىسىن قوعام ٶمٸرٸنە تىڭ بۇرىلىس ەكەلەتٸن تاريحي وقيعا دەپ ايتۋعا بولادى. پاندەمييا بٷكٸل جەر شارىنداعى مەملەكەتتەردٸڭ بەرٸن باسقاشا ستاندارتتارمەن ٶمٸر سٷرۋگە مەجبٷر ەتتٸ. سونىڭ ٸشٸندە قازاقستان دا بار. وسى پاندەمييا بارىسىندا پرەزيدەنت دەنساۋلىق ساقتاۋ, بٸلٸم, عىلىم, اۋىل شارۋاشىلىعى سالاسىنداعى كەمشٸلٸكتەردٸڭ بەرٸن ايتىپ ٶتتٸ. سوندىقتان بٸز ٶزٸمٸزدٸ-ٶزٸمٸز اسىراۋ دەگەن قاعيداتتى بٸرٸنشٸ ورىنعا قويۋعا تيٸسپٸز. ول ٷشٸن عىلىم مەن بٸلٸم, دەنساۋلىق ساقتاۋ سالاسىن كەمەلدەندٸرۋ كەرەك. وسىعان بايلانىستى ۇلتتىق كەڭەستٸڭ مٷشەلەرٸ بٷگٸن ٶز تاراپىنان ٶتە قۇندى ۇسىنىستاردى ورتاعا سالدى», - دەدٸ ٶز پٸكٸرٸن بٸلدٸرگەن اۋىت مۇقيبەك.
ۇلتتىق كەڭەس مٷشەسٸ بٷگٸنگٸ وتىرىستا راۋان كەنجەحانۇلىنىڭ قازاقستانعا ۇلتتىق مەكتەپتٸڭ ٷلگٸسٸن ەنگٸزۋ, اسىلبەك قوجاحمەتوۆتٸڭ شەتەلدەن كەلگەن قانداستارعا بٸلٸم سالاسىنداعى گرانتتاردى ارتتىرۋ ۇسىنىستارىن ەرەكشە اتاپ ٶتتٸ. سپيكەردٸڭ ايتۋىنشا, قانداس جاستارعا بٶلٸنەتٸن گرانتتار سانى بۇرىن 2 پايىز مٶلشەرٸندە بولسا, ەلباسى نۇرسۇلتان نازارباەۆتىڭ تاپسىرماسىمەن ٷكٸمەتتٸڭ بٷرىنعى قاۋلىسى ٶزگەرتٸلٸپ, بۇل ٷلەس 4 پايىزعا ارتقان. ياعني قازاقستاندا بٶلٸنەتٸن مەملەكەتتٸك گرانتتاردىڭ 4 پايىزى شەتەلدەن كەلگەن ۇلتى قازاق ستۋدەنتتەرگە بەرٸلەدٸ.
«بٸراق, بۇل كۆوتا دا ازدىق ەتەدٸ. سەبەبٸ, قازاق كٶشٸنٸڭ ەكٸنشٸ ٷلكەن تولقىنى باستالايتىن دەپ تۇر. قازاقستاندا ولاردى قۇجاتتاندىراتىن زاڭدىق نەگٸز دايىن دەپ ايتۋعا بولادى. ەيتسە دە تولىقتىرار تۇستار دا بارشىلىق. مەسەلەن قانداستاردى باسپانامەن, جەرمەن قامتۋ جاعى سەكٸلدٸ مەسەلەلەردٸ ناقتىلاي تٷسۋ كەرەك», - دەيدٸ ول.
اۋىت مۇقيبەك قازٸرگٸ مامانداردىڭ ەسەبٸنە قاراعاندا شەتەلدە 7-8 ملن قازاق بارىن ايتىپ ٶتتٸ.
«ونىڭ كەمٸندە 3-4 ميلليونى بالالار مەن جاستار. قازاقستانعا كەلگٸسٸ كەلەتٸندەر دە سول جاستار. پاندەمييا, ونىڭ سىرتىندا شەتەلدەگٸ ساياسي وقيعالار – وسى قازاقتارعا قازاقستاننان باسقا وتانىنىڭ جوق ەكەنٸن, قازاقستاننان باسقا جەردە قازاق بولىپ ٶمٸر سٷرۋ مٷمكٸن ەمەس ەكەنٸن ەبدەن تٷسٸندٸردٸ. مٷمكٸندٸك بولسا, ولاردىڭ شەتەلدە بٸر كٷن دە تۇرعىسى جوق. قازاقستانعا قايتسەك تە جەتسەك دەگەندٸ ماقسات تۇتىپ وتىر. بۇرىن ولار ٶز اياعىمەن كٶشٸپ كەلسە, ەندٸ ولاردى مەملەكەتارالىق كەلٸسٸمدەر جاساپ, كٶشٸرٸپ ەكەلۋٸمٸز كەرەك. سەبەبٸ, قازاقستانداعى دەموگرافييالىق توقىراۋ سوعان مەجبٷرلەپ وتىر. ول كٷن دە الىس ەمەس. ەرتەڭ بە, بٷرسٸگٷنٸ مە – ول كٶشتٸڭ ٷلكەن تولقىنى باستالادى. سوعان دايىن بولۋىمىز, ەڭ الدىمەن, كەلگەن جاستاردى وقىتىپ, بٸلٸم بەرۋٸمٸز كەرەك. سوندىقتان مەنٸڭ ويىمشا, 4 پايىز گرانت ازدىق ەتەدٸ. مەن ونى كەمٸندە 10 پايىزعا كٶبەيتۋدٸ ۇسىنار ەدٸم. ولار قازاقستانعا قازٸر قاجەتتٸ اۋىل شارۋاشىلىعى سالاسىنا كەرەك ماماندىقتاردى ٷيرەنۋٸ تيٸس», - دەدٸ اۋىت مۇقيبەك.
