فرانتسييادا بٸرنەشە كٷننەن بەرٸ جالعاسىپ جاتقان اپتاپ ىستىق سالدارىنان كەمٸندە 18 ادام قازا تاپتى, دەپ حابارلايدى ult.kz.
قۇربانداردىڭ قاتارىندا ٷش قارت ادام مەن ەكٸ جەنە تٶرت جاستاعى ەكٸ بٷلدٸرشٸن بار. ال تاعى 13 ادام جەكسەنبٸدەن بەرٸ ٶزەن-كٶلدەرگە شومىلۋ كەزٸندە سۋعا كەتٸپ, مەرت بولعان.
سوڭعى مەلٸمەت بويىنشا, ەلدٸڭ باتىسىنداعى بوردو قالاسىندا اۋا تەمپەراتۋراسى 41,9–42 گرادۋسقا دەيٸن كٶتەرٸپ, ماۋسىم ايى ٷشٸن تاريحي رەكورد جاڭاردى. سونداي-اق پۋاتە قالاسىندا دا 1947 جىلدان بەرگٸ ەڭ جوعارى تەمپەراتۋرا تٸركەلدٸ.
فرانتسييانىڭ ۇلتتىق مەتەورولوگييالىق قىزمەتٸ Météo-France ەلدٸڭ ونداعان دەپارتامەنتٸندە قىزىل جەنە قىزعىلت سارى دەڭگەيدەگٸ قاۋٸپ جارييالاپ, تۇرعىنداردى كٷننٸڭ ەڭ ىستىق ۋاقىتىندا سىرتقا شىقپاۋعا, كٶپ سۋ ٸشۋگە جەنە ەگدە جاستاعى ادامدار مەن بالالارعا ەرەكشە كٶڭٸل بٶلۋگە شاقىردى.
اپتاپ ىستىققا بايلانىستى مىڭداعان مەكتەپتٸڭ جۇمىسىنا ٶزگەرٸس ەنگٸزٸلٸپ, كەيبٸرٸ ۋاقىتشا جابىلدى. بيلٸك ازاماتتاردى سالقىنداتۋ ٷشٸن قاراۋسىز ٶزەن-كٶلدەرگە تٷسپەۋگە شاقىرىپ وتىر, ٶيتكەنٸ سوڭعى كٷندەرٸ سۋعا كەتۋ وقيعالارى كٷرت كٶبەيگەن.
ماماندار قازٸرگٸ ىستىق تولقىنىن 2003 جىلعى ەۋروپادا مىڭداعان ادامنىڭ ٶمٸرٸن قيعان اپتاپپەن سالىستىرىپ, كليماتتىڭ ٶزگەرۋٸ مۇنداي ەكسترەمالدى قۇبىلىستاردىڭ جيٸلەپ, كٷشەيۋٸنە ەسەر ەتٸپ جاتقانىن ايتادى.
