فوتو: aikyn.kz
اۋىل جاستارى مەن تۇرعىندارى مەدەني ديسكريميناتسيياعا ۇشىراماۋى تيٸس. سەناتور دارحان قىدىرەلٸ ٶزٸنٸڭ دەپۋتاتتىق ساۋالىندا اۋىلدىق جەرلەردەگٸ مەدەنيەت ٷيلەرٸ مەن كٸتاپحانالاردى دامىتۋ قاجەتتٸگٸ تۋرالى ايتتى, دەپ حابارلايدى "ۇلت اقپارات".
دەپۋتاتتىڭ ايتۋىنشا, اۋىل تۇرعىندارى مەن جاستارىنا دەمالىس ۋاقىتتارىن تيٸمدٸ ٶتكٸزەتٸن, ٶزدەرٸن دامىتاتىن تٷرلٸ ٷيٸرمەلەر مەن سەكتسييالار جەتٸسپەيدٸ. جۇمىس ٸستەپ تۇرعان 2 035 مەدەنيەت ٷيٸنٸڭ 770-ٸ جەنە 2 006 اۋىلدىق كلۋبتىڭ 608-ٸ كٷردەلٸ جٶندەۋدٸ قاجەت ەتەدٸ. ولاردىڭ كەيبٸرٸ توزعان, ال باسقالارى تٶتەنشە جاعدايعا ۇشىراعان. جٷيەسٸز ۋربانيزاتسييا مەدەني يممۋنيتەتٸ تٶمەن مارگينال جاستاردىڭ قاتارىن كٶبەيتٸپ وتىر.
سەناتور سونىمەن قاتار قازٸرگٸ كەزدە ەلٸمٸزدە 3 891 كٸتاپحانا جۇمىس ٸستەيتٸنٸن, ونىڭ 79%-ى اۋىلدىق جەردە ەكەنٸن اتاپ ٶتتٸ. الايدا, ولاردىڭ كٶپشٸلٸگٸ ەسكٸرگەن جەنە ماتەريالدىق-تەحنيكالىق بازاسى جەتكٸلٸكسٸز. جەرگٸلٸكتٸ اتقارۋشى ورگاندار كٶبٸنەسە «قالدىق قاعيداتى» بويىنشا بٶلەتٸن شامالى قارجى كٸتاپ قورىن تولتىرۋعا جەتپەيدٸ.
«قۇبىلعان زاماندا قۇبىلادان جاڭىلماس ٷشٸن قۇندىلىقتار قاجەت ەكەنٸ بەلگٸلٸ. بٸز «ۆانداليزم كٶبەيدٸ, قاتٸگەزدٸك ارتتى, ايالدامانى قيراتاتىن, جەدەل جەردەم جٷرگٸزۋشٸسٸن ۇراتىن جٷگەنسٸزدٸك قايدان شىقتى, مەدەنيەتٸمٸز نەگە تٶمەندەدٸ?» دەگەن سۇراقتى جيٸ قويامىز. مەدەنيەت ٷيٸ جوق جەردە مەدەنيەت قايدان بولسىن?! اۋىلدا مەدەني ينفراقۇرىلىم بولماي, كرەاتيۆتٸ يندۋسترييانىنىڭ دامۋى قيىن. كٸتاپحاناسى توزعان, باس قوساتىن مەدەنيەت ٷيٸ ەسكٸرگەن, كينو كٶرۋگە, كونتسەرت تاماشالاۋعا, سپورتپەن اينالىسۋعا جاعدايى جوق اۋىل جاستارى مەن تۇرعىندار سوندا نەمەن اينالىسادى? مەملەكەت باسشىسى قۇرىلتايدا تەۋلٸك بويى جۇمىس ٸستەيتٸن كٸتاپحانا اشۋدى ارماندايتىنىن ايتقان ەدٸ. سوعان سەيكەس اۋىل كٸتاپحانالارى سالىنا ما? جالپى اۋىلدىڭ مەدەني ٶمٸرٸن دامىتۋعا ارنايى باعدارلاما بار ما? سٸزدەن جوعارىدا كٶتەرٸلگەن مەسەلەلەر بويىنشا تولىق جازباشا جاۋاپ بەرۋدٸ سۇرايمىز», - دەدٸ دارحان قىدىرەلٸ.
