اۋىل شارۋاشىلىعى تەحنيكاسى باعاسىنىڭ قىمباتتاۋىنا ۋتيلالىمنىڭ قاتىسى جوق. بۇل تۋرالى قر يندۋسترييا جەنە ينفراقۇرىلىمدىق دامۋ ۆيتسە-مينيسترٸ مارات قاراباەۆ ايتتى, دەپ حابارلايدى قازاقپارات.
«اۋىل شارۋاشىلىعى ٶندٸرٸسٸمەن اينالىساتىن ەرٸپتەستەرٸمٸز, وسى سالاداعى ماماندار اۋىل شارۋاشىلىعى تەحنيكاسى قۇنىنىڭ ۋتيلالىم كەسٸرٸنەن قىمباتتاپ بارا جاتقانى تۋرالى بٸرنەشە رەت مەسەلە كٶتەردٸ. بۇل دا شىندىققا جاتپايدى. ەڭ الدىمەن ستاتيستيكاعا جٷگٸنەيٸك. بىلتىر ەلٸمٸزدە قانشا تراكتور, كومباين ساتىلعان بولسا, سونىڭ 89 پايىزى وتاندىق ٶندٸرٸسكە تيەسٸلٸ. ياعني, اۋىل شارۋاشىلىعىنا قاجەتتٸ تراكتور مەن كومباين ساتىپ العان كەسٸپكەرلەردٸڭ 89 پايىزى كەدەگە جاراتۋ الىمىن تٶلەمەدٸ. بۇل رەسمي دەرەك, رەسمي ستاتيستيكا», - دەدٸ ۆيتسە-مينيستر ورتالىق كوممۋنيكاتسييالار قىزمەتٸندەگٸ باسپاسٶز مەسليحاتىندا.
ونىڭ اتاپ ٶتۋٸنشە, شەتەلدٸك تەحنيكانى شىعاراتىن شەتەلدٸك كومپانييانىڭ ٶندٸرٸس وشاعى قازاقستاندا ورنالاسسا, وندا قۇراستىرىلعان تەحنيكالاردان ۋتيلالىم الىنبايدى.
«اۋىل شارۋاشىلىعىندا بەلارۋستىڭ متز تراكتورىنا سۇرانىس ٶتە جوعارى. متز بٸزگە كەلٸپ زاۋىتىن اشتى. تٸپتٸ ەرٸ قاراي لوكاليزاتسيياعا بارىپ, كابيناسىن ٶزٸمٸزدە تولىعىمەن شىعارىپ, بەلارۋسقا ەكسپورتقا جٸبەرەمٸز. بەلارۋستا كابيناسى شىعارىلمايدى. سونىمەن قاتار لوۆول, كيرەۆەتس, YTO تراكتورلارىنا سۇرانىس بار. ياعني, حالىقتىڭ سۇرانىسىنا يە اۋىل شارۋاشىلىعى تەحنيكاسىنىڭ بەرٸ ٶزٸمٸزدە قۇراستىرىلادى. وسى تەحنيكالاردى ساتىپ الۋ بارىسىندا ەشقانداي ۋتيلالىم تٶلەنبەيدٸ», - دەدٸ مارات قاراباەۆ.
