نۇر-سۇلتان قالالىق سوتى اۋىل شارۋاشىلىعى مينيسترلٸگٸنٸڭ اگروٶنەركەسٸپتٸك كەشەندەگٸ مەملەكەتتٸك ينسپەكتسييا كوميتەتٸنٸڭ بۇرىنعى باسشىسى ە. اينابەكوۆتٸ اقتاپ شىعاردى, دەپ حابارلايدى "ۇلت اقپارات".
ە. اينابەكوۆ كوميتەت تٶراعاسى قىزمەتٸندە بولعان كەزدە لاۋازىمدىق ٶكٸلەتتٸكتەرٸن اسىرا پايدالانعانى ٷشٸن ايىپتالعان بولاتىن. ناقتى ايتساق, 2017 جىلدىڭ اقپان-سەۋٸر ايلارىندا مەملەكەتتٸك ساتىپ الۋ كونكۋرسىنىڭ قورىتىندىسى بويىنشا جامبىل جەنە وڭتٷستٸك قازاقستان (تٷركٸستان) وبلىستارىنىڭ اۋماعىنداعى ەگٸس داقىلدارىن حيمييالىق ۋلاعىش زاتتارمەن ٶڭدەيتٸن مەردٸگەر رەتٸندە جەكە كەسٸپكەرلٸك نىسان جەڭٸمپاز دەپ تانىلعان بولاتىن. مەردٸگەر جۇمىستى ساپاسىز ورىنداپ, تەحنيكانى دەر كەزٸندە جەتكٸزبەۋٸ سالدارىنان ٶڭٸرگە «ماروككو شەگٸرتكەسٸ» قاپتاعان.
تەرگەۋ كەزٸندە ە. اينابەكوۆكە وسى كەلەڭسٸزدٸكتٸڭ ٸزٸن جابۋ ٷشٸن «فيتوسانيتارييا» رمك باسشىسى تٶلەباەۆتى جۇمىستى كەشەۋٸلدەتكەن مەردٸگەرگە شەگٸرتكەگە قارسى ۋ شاشاتىن تەحنيكا ۇسىنۋعا مەجبٷرلەدٸ دەگەن ايىپ تاعىلعان. تەرگەۋ نۇسقاسى بويىنشا سونىڭ سالدارىنان اتالمىش رەسپۋبليكالىق مەملەكەتتٸك كەسٸپورىن 520 855 تەڭگە زييان شەككەن. سونداي-اق كوميتەتتٸڭ ەكس-باسشىسى جاۋاپكەرشٸلٸگٸ شەكتەۋلٸ سەرٸكتەستٸكتٸ شەگٸرتكەگە قارسى ۋلى حيميكاتتاردى تەگٸن بەرۋگە مەجبٷرلەگەن. ە. اينابەكوۆ وسى زاڭسىز تاپسىرماسى ارقىلى سەرٸكتەستٸكتٸ 18,1 ملن تەڭگە شىعىنعا باتىرعان.
«بۇعان قوسا اينابەكوۆ مامانداندىرىلعان اۋدانارالىق سوت مەردٸگەردٸ جوسىقسىز ورىنداۋشى رەتٸندە تانىعانىن بٸلە تۇرىپ, كەلٸسٸمشارت قۇنىن ۇلعايتۋ تۋرالى قوسىمشا قۇجات رەسٸمدەۋ ارقىلى 30 040 695 تەڭگە سوماسىندا بيۋدجەت قاراجاتىن زاڭسىز تٶلەدٸ دەپ ايىپتالعان بولاتىن. نۇر-سۇلتان قالالىق سوتىنىڭ قىلمىستىق ٸستەر جٶنٸندەگٸ سوت القاسىنىڭ 2021 جىلعى 3 تامىزداعى ٷكٸمٸمەن اينابەكوۆ ٶزٸنٸڭ ەرەكەتتەرٸندە قىلمىستىق قۇقىق بۇزۋشىلىق قۇرامىنىڭ بولماۋىنا بايلانىستى تاعىلعان ايىپ بويىنشا اقتالدى», - دەپ جازىلعان سوتتىڭ باسپاسٶز قىزمەتٸ تاراتقان اقپاراتتا.
رەسمي مەلٸمەتتە زييانكەسكە قارسى ۋ شاشاتىن تەحنيكانىڭ ۋاقتىلى جەتكٸزٸلۋٸن جەنە الاڭداردى شەگٸرتكەگە قارسى ٶڭدەۋ شارالارىنىڭ باستالۋىن باقىلاۋ كوميتەتكە باعىنىشتى اۋماقتىق ينسپەكتسيياسى باسشىلىعىنىڭ مٸندەتٸنە كٸرگەندٸكتەن وسىنداي شەشٸم شىعارىلعانى ايتىلعان.
«سوت تالقىلاۋى كەزٸندە «ماروككو شەگٸرتكەسٸنٸڭ» جامبىل وبلىسىنىڭ اۋماعىندا جاپپاي تارالۋىنىڭ ناقتى سەبەپتەرٸ انىقتالدى. 2016-2017 جىلدارعا دٶپ كەلگەن تابيعي تسيكلدەردەن تۋىنداعان بيولوگييالىق بەلسەندٸلٸك, شەگٸرتكە تارالۋى ىقتيمال اۋدانداردا حيمييالىق ٶڭدەۋ جۇمىستارىن جٷرگٸزۋگە قولايلى اۋا رايىنىڭ بولماۋى, سونداي-اق ۆەدومستۆونىڭ قاراماعىنداعى دياگنوستيكا ورتالىعىنىڭ 2016 جىلى شەگٸرتكەلەردٸڭ تارالۋ مٷمكٸندٸگٸن دۇرىس بولجاماۋى زييانكەستەردٸڭ باس كٶتەرۋٸنە سەبەپكەر بولعان. 2016 جىلى اتالمىش ورتالىقتى اينابەكوۆ باسقارىپ, كەيٸن كوميتەت باسشىلىعىنا اۋىستى. بٸراق ول بولجام جوباسىنا ٶڭٸرلەردەن الىنعان دەرەكتەر نەگٸزٸندە قول قويدى», - دەپ جازادى قالالىق سوتتىڭ باسپاسٶز قىزمەتٸ.
سوتتىڭ ۇيعىرىمى بويىنشا, ايىپتاۋشى تاراپ اينابەكوۆتٸڭ ارنايى تەحنيكا مەن ۋلى حيميكاتتى جەتكٸزۋ كەزٸندە زارداپ شەكتٸ دەپ كٶرسەتٸلگەن رمك مەن جشس باسشىلىعىنا قىسىم كٶرسەتۋ فاكتٸسٸن دەلەلدەي الماعان. ياعني, رمك تەحنيكاسىن ديرەكتور كەسٸپورىن جارعىسى بويىنشا ەرٸكتٸ تٷردە, مەردٸگەرمەن ارادا جاسالعان ىنتىماقتاستىق تۋرالى شارت نەگٸزٸندە ۇسىنعان كٶرٸنەدٸ.
ال مامانداندىرىلعان اۋدانارالىق سوت شەشٸمٸنە قاراماستان, قوسىمشا كەلٸسٸمشارت جاساۋعا مەملەكەتتٸڭ ەكونوميكالىق جەنە ەكولوگييالىق مٷددەلەرٸنە قاۋٸپ تٶنۋٸ تٷرتكٸ بولعانى ايتىلۋدا. ياعني, شەگٸرتكەلەردٸڭ تەز تارالۋىن توقتاتۋ ٷشٸن وسىنداي شاراعا بارۋعا مەجبٷر بولعان.
«اينابەكوۆتٸڭ قوسىمشا كەلٸسٸمدەر جاساۋى جەنە قوسىمشا قارجى بٶلگٸزۋٸ زاڭعا سەيكەس بولعانىن اشم كوميتەتٸنٸڭ زاڭسىز بٶلٸندٸ دەگەن اقشانى ٶندٸرٸپ الۋ شاراسىنان باس تارتۋى نەگٸز بولدى. ٶيتكەنٸ قوسىمشا بٶلٸنگەن اقشاعا تيٸستٸ ٶڭدەۋ جۇمىستارى جٷرگٸزٸلگەن. اتالعان ٶڭٸرلەردە قوسىمشا ٶڭدەۋ جۇمىستارى جٷرگٸزٸلەتٸنٸن مينيسترلٸكتەگٸ باسشىلار دا بٸلگەن. مۇنى بۇرىنعى ۆيتسە-مينيستر راحىمبەكوۆ راستادى. اينابەكوۆتٸڭ ٷستٸنەن قوزعالعان 1,5 جىلدىق تەرگەۋ ونىڭ مەردٸگەر ۇيىمنىڭ نەمەسە ونىڭ باسشىسى قالمۇراتوۆتىڭ پايداسىنا زاڭسىز ٸس-ەرەكەتتەر جاساعانىن انىقتاي الماعان», - دەپ جازىلعان سوت مەلٸمەتٸندە.
ياعني, قىلمىستىق كودەكستٸڭ 361 جەنە 362-باپتارىندا كٶرسەتٸلگەن زاڭ بۇزۋ فاكتٸلەرٸن ايىپتاۋشى تاراپ دەلەلدەي المادى.
ەكس-شەنەۋنٸكتٸ اقتاعان ٷكٸم زاڭدى كٷشٸنە ەندٸ.
