2025 جىلعا قاراي «اۋىل – ەل بەسٸگٸ» جوباسى اياسىندا اۋىلدىق جەرلەردەگٸ 315 جاڭا مەكتەپ سالىنادى. بۇل تۋرالى ٷكٸمەت وتىرىسىندا قر ۇلتتىق ەكونوميكا مينيسترٸ ەسەت ەرعاليەۆ ايتتى, دەپ حابارلايدى قازاقپارات.
«بٸلٸم بەرۋدٸڭ ساپاسى مەن قولجەتٸمدٸلٸگٸن ارتتىرۋ اياسىندا اۋىلدىق جەرلەردە 5 مىڭ مەكتەپتٸ جاڭعىرتۋ جەنە 315 جاڭا مەكتەپ سالۋ جوسپارلانۋدا. مەكتەپكە دەيٸنگٸ تەربيەمەن جەنە وقىتۋمەن 3 جاستان 6 جاسقا دەيٸنگٸ بالالار 100 پايىز قامتىلاتىن بولادى», - دەدٸ ەسەت ەرعاليەۆ اتالعان جوبانىڭ ورىندالۋى جايىندا بايانداي كەلە.
ونىڭ اتاپ ٶتۋٸنشە, بارلىق اۋىل مەكتەپتەر بٸلٸكتٸ پەداگوگتارمەن قامتاماسىز ەتٸلەدٸ.
«1 095 نىسان سالۋ جەنە جاڭعىرتۋ اۋىلدىق جەرلەردە دەنساۋلىق ساقتاۋ جٷيەسٸ قىزمەتتەرٸنٸڭ ساپاسى مەن قولجەتٸمدٸلٸگٸن ارتتىرۋعا مٷمكٸندٸك بەرەدٸ. اۋىلدا سپورتپەن اينالىسۋ جەنە شىعارماشىلىقتى دامىتۋ ٷشٸن جاعداي جاساۋ ماقساتىندا 1 719 سپورت جەنە 1,5 مىڭ مەدەنيەت نىسانى سالىنىپ, جاڭعىرتىلاتىن بولادى», - دەدٸ مينيستر.
