2025 jylǵa qarai «Aýyl – el besigi» jobasy aiasynda aýyldyq jerlerdegi 315 jańa mektep salynady. Bul týraly Úkimet otyrysynda QR Ulttyq ekonomika ministri Áset Erǵaliev aitty, dep habarlaidy QazAqparat.
«Bilim berýdiń sapasy men qoljetimdiligin arttyrý aiasynda aýyldyq jerlerde 5 myń mektepti jańǵyrtý jáne 315 jańa mektep salý josparlanýda. Mektepke deiingi tárbiemen jáne oqytýmen 3 jastan 6 jasqa deiingi balalar 100 paiyz qamtylatyn bolady», - dedi Áset Erǵaliev atalǵan jobanyń oryndalýy jaiynda baiandai kele.
Onyń atap ótýinshe, barlyq aýyl mektepter bilikti pedagogtarmen qamtamasyz etiledi.
«1 095 nysan salý jáne jańǵyrtý aýyldyq jerlerde densaýlyq saqtaý júiesi qyzmetteriniń sapasy men qoljetimdiligin arttyrýǵa múmkindik beredi. Aýylda sportpen ainalysý jáne shyǵarmashylyqty damytý úshin jaǵdai jasaý maqsatynda 1 719 sport jáne 1,5 myń mádeniet nysany salynyp, jańǵyrtylatyn bolady», - dedi ministr.
