اۋعانستاننىڭ وڭتٷستٸگٸندەگٸ قانداعار قالاسىندا جۇما نامازى كەزٸندە ٷلكەن جارىلىس بولدى, دەپ حابارلايدى قازاقپارات Reuters سايتىنا سٸلتەمە جاساپ.
15 قازان كٷنٸ بارگا يمام شەيٸت مەشٸتٸندە جۇما نامازى كەزٸندە ٷلكەن جارىلىس بولدى.
ورتالىق اۋرۋحانانىڭ اقپاراتىنا سەيكەس, جەتٸ ادام مەرت بولعان, تاعى 13 ادام جاراقاتتار العان. وسى ارادا BBC كەم دەگەندە 16 ادامنىڭ قازا تاۋىپ, 32 ادامنىڭ زارداپ شەككەنٸ تۋرالى مەلٸمدەدٸ.
قازٸرگٸ كەزدە جارىلىستىڭ سەبەبٸ بەلگٸسٸز, الايدا ونى جانكەشتٸ-لاڭكەس جاسادى دەگەن بولجام بار.
لاڭكەستٸك توپتاردىڭ ەشقايسىسى جارىلىس ٷشٸن جاۋاپكەرشٸلٸكتٸ موينىنا المادى.
كۋەگەرلەردٸڭ ايتۋىنشا, ٷش جارىلىس بولعان – باستى كٸرەر ەسٸكتە, عۇسىل الاتىن جەردە جەنە مەشٸتتٸڭ ٸشٸندە.
كۋەگەرلەردٸڭ حابارلاۋىنشا, وقيعا كەزٸندە مەشٸتتە ادام كٶپ بولعان. ەدەتتە جۇما سايىن مەشٸتكە كەلۋشٸلەر سانى ارتادى. جارىلىستان كەيٸن وقيعا ورنىنا كەم دەگەندە 15 جەدەل جەردەم كٶلٸگٸ جەتكەن.
سونىمەن قاتار مەشٸتكە تەلٸپتەردٸڭ ارنايى جاساعى جٸبەرٸلدٸ. ولار جاعدايدى ٶز باقىلاۋىنا الىپ, ادامداردان زارداپ شەككەندەرگە كٶمەك كٶرسەتۋ ٷشٸن قان تاپسىرۋدى سۇراعان.
ٶتكەن جۇما كٷنٸ ەلدٸڭ سولتٷستٸگٸندەگٸ قۇندىز قالاسىنداعى شەيٸت مەشٸتٸندە جۇما نامازى كەزٸندە جانكەشتٸ-لاڭكەس شابۋىل جاساپ, سالدارىنان 50 ادام مەرت بولدى. ول كەزدە يسلام مەملەكەتٸ لاڭكەستٸك ۇيىمىنىڭ جەرگٸلٸكتٸ بٶلٸمشەسٸ جاۋاپكەشٸلٸكتٸ ٶز موينىنا العان بولاتىن.
