اۋعانستاندا بالالاردىڭ, ەيەلدەر مەن ەر ادامداردىڭ ٶمٸرٸنە مينۋت سايىن قاۋٸپ تٶنٸپ وتىر. سوڭعى ايدا ەلدٸڭ گيلمەند, كانداگار جەنە گەرات پروۆينتسييالارىنا جاسالىپ جاتقان شابۋىلدار كەم دەگەندە مىڭ ادامنىڭ ٶلٸمٸنە سەبەپ بولدى. بۇل تۋرالى بۇۇ جاڭالىقتارى سايتى حابارلادى.
بۇۇ گۋمانيتارلىق كٶمەك ٷيلەستٸرۋشٸسٸ مارتين گريففيتس ورىن العان جاعدايعا قاتىستى الاڭداۋشىلىعىن بٸلدٸرٸپ, ٶز مەلٸمدەمەسٸندە: «بٷگٸن مەن بۇۇ باس حاتشىسىنىڭ جەنە قاۋٸپسٸزدٸك كەڭەسٸ مٷشەلەرٸنٸڭ قاراپايىم حالىققا شابۋىل جاساۋدى, وق جاۋدىرۋدى توقتاتۋ ٷندەۋٸنە قوسىلامىن», - دەدٸ.
يۋنيسەف-تە دە اۋعانستانداعى جاعدايدىڭ كٷرت ناشارلاۋىنا قاتىستى الاڭداۋشىلىعى مەن نارازىلىعىن بٸلدٸردٸ: سوڭعى 72 ساعاتتا كانداگاردا كەم دەگەندە 20 بالا قازا بولدى, تاعى 130-ى جاراقات الدى, ال پاكتييا پروۆينتسيياسىندا كەمەلەت جاسقا تولماعان بەس بالا ٶلتٸرٸلٸپ, ٷش بالا زارداپ شەكتٸ.
«بۇل جاي عانا سان ەمەس. ەربٸر ٶلٸم مەن تەن بەينەتٸ – قايعىلى جاعداي. ولار – بٸرەۋدٸڭ سٷيٸكتٸ ۇل-قىزدارى, اعا-ەپكەلەرٸ, تۋىسى, دوسى ەدٸ. جاۋلاسقان تاراپتار بۇل بالالاردىڭ قورعالۋ قۇقىعىن بۇزىپ, حالىقارالىق قۇقىعىن ەلەمەدٸ», - دەلٸنگەن بۇۇ بالالار قورىنىڭ مەلٸمدەمەسٸندە.
