Aýǵanstanda balalardyń, áielder men er adamdardyń ómirine minýt saiyn qaýip tónip otyr. Sońǵy aida eldiń Gilmend, Kandagar jáne Gerat provintsiialaryna jasalyp jatqan shabýyldar kem degende myń adamnyń ólimine sebep boldy. Bul týraly BUU Jańalyqtary saity habarlady.
BUU Gýmanitarlyq kómek úilestirýshisi Martin Griffits oryn alǵan jaǵdaiǵa qatysty alańdaýshylyǵyn bildirip, óz málimdemesinde: «Búgin men BUU Bas hatshysynyń jáne Qaýipsizdik keńesi músheleriniń qarapaiym halyqqa shabýyl jasaýdy, oq jaýdyrýdy toqtatý úndeýine qosylamyn», - dedi.
IýNISEF-te de Aýǵanstandaǵy jaǵdaidyń kúrt nasharlaýyna qatysty alańdaýshylyǵy men narazylyǵyn bildirdi: sońǵy 72 saǵatta Kandagarda kem degende 20 bala qaza boldy, taǵy 130-y jaraqat aldy, al Paktiia provintsiiasynda kámelet jasqa tolmaǵan bes bala óltirilip, úsh bala zardap shekti.
«Bul jai ǵana san emes. Árbir ólim men tán beineti – qaiǵyly jaǵdai. Olar – bireýdiń súiikti ul-qyzdary, aǵa-ápkeleri, týysy, dosy edi. Jaýlasqan taraptar bul balalardyń qorǵalý quqyǵyn buzyp, halyqaralyq quqyǵyn elemedi», - delingen BUU Balalar qorynyń málimdemesinde.
