جەكسەنبٸ, 17 قاڭتار كٷنٸ تاڭەرتەڭ كابۋلدا بەلگٸسٸز بٸرەۋلەر اۋعانستان جوعارعى سوتىندا جۇمىس ٸستەيتٸن ەكٸ ەيەل سۋديانى اتىپ ٶلتٸردٸ. بۇل تۋرالى جەرگٸلٸكتٸ پوليتسيياعا سٸلتەي وتىرىپ Reuters اگەنتتٸگٸ حابارلادى.
پوليتسييا مەلٸمدەمەسٸنە قاراعاندا, اتى-جٶنٸ ەلٸ اتالماعان ەكٸ سۋدياعا شابۋىل تاڭعى 8:30 ۋاقىتىندا جاسالعان. سۋديالاردىڭ ەكەۋٸ دە قايتىس بولعان, كٶلٸك جٷرگٸزۋشٸسٸ جاراقات العان.
تاليبان قوزعالىسىنىڭ باسپاسٶز حاتشىسى سودىرلاردىڭ بۇل قاستاندىققا قاتىسى جوعىن ايتتى.
اۋعانستاندا كەيٸنگٸ ايلاردا تاليبان مەن ٷكٸمەت اراسىنداعى بٸتٸمگەرلٸك كەلٸسسٶزدەرٸنٸڭ جٷرٸپ جاتقانىنا قاراماستان قاستاندىق جاساۋ كٶبەيدٸ. شابۋىلدار ەل استاناسى كابۋلدا جيٸ بايقالىپ وتىر. لاۋازىمدى تۇلعالاردىڭ قاستاندىقپەن ٶلتٸرٸلۋٸ ەل اراسىندا ٷرەي تۋدىرىپ وتىر. شابۋىلعا تاپ بولىپ جاتقانداردىڭ كٶبٸ – جۋرناليستەر, ادام قۇقىعىن قورعاۋ جٶنٸندەگٸ بەلسەندٸلەر, ٶنەر قايراتكەرلەرٸ جەنە قوعامدىق ٸسپەن اينالىساتىن ەيەلدەر.
مۇنىڭ الدىنداعى شابۋىل پەنتاگون اۋعانستانداعى ەسكەرٸن 2,500 ساربازعا دەيٸن قىسقارتاتىنىن مەلٸمدەگەن سوڭ ەكٸ كٷننەن كەيٸن بولدى. ەل پرەزيدەنتٸ اشراف گاني بۇل شابۋىلدىڭ ارتىندا تاليبان تۇر دەپ مەلٸمدەدٸ.
