دەرەۋ شارا قولدانباسا, ميلليونداعان اۋعان ازاماتى اش قالادى. بۇۇ-نىڭ دٷنيەجٷزٸلٸك ازىق-تٷلٸك باعدارلاماسى وسىلاي دەپ مەلٸمدەدٸ. اقپاراتقا قاراعاندا, شامامەن 22,8 ملن ادام (اۋعانستان حالقىنىڭ جارتىسى) قازٸردٸڭ ٶزٸندە ازىق-تٷلٸك تاپشىلىعىنا ۇشىراپ وتىر, 3,2 ميلليونى – بالا.
بريتاندىق BBC سايتى گەرات قالاسى ماڭىندا بالا-شاعاسىن اش قالدىرماس ٷشٸن جاڭا تۋعان نەرەستەسٸن ساتۋعا مەجبٷر بولعان كٶپ بالالى وتباسى تۋرالى جازدى.
"ٷيدە نە ۇن, نە ماي جوق. سولاي ٸستەۋگە مەجبٷر بولدىق" دەدٸ نەرەستەنٸڭ ەكەسٸ.
BBC سايتىنىڭ جازۋىنشا, نەرەستەنٸ 500 دوللارعا ساتقان. بۇل اقشاعا وتباسى بٸرنەشە اي كٷن كٶرە الادى. جاڭا تۋعان نەرەستە جٷرە باستاعان كەزدە ونى ساتىپ الۋشىعا بەرەدٸ. ساتىپ الۋشى ونى ەسەيگەن سوڭ ۇلىنا قوساتىنىن ايتقان. بٸراق ۋەدەسٸندە تۇراتىنىنا ەش كەپٸلدٸك جوق.
اقپارات اگەنتتٸگٸنٸڭ حابارلاۋىنشا, بۇل وسىلاي ٸستەۋگە مەجبٷر بولعان اۋعانستانداعى جالعىز وتباسى ەمەس. “اۋعانستان اۋىر گۋمانيتارلىق داعدارىستى باستان كەشٸرٸپ وتىر. اپات بولايىن دەپ تۇر” دەدٸ بۇۇ ازىق-تٷلٸك باعدارلاماسىنىڭ اتقارۋشى ديرەكتورى دەۆيد بيزلي.
تامىز ايىندا شەتەل ەسكەرٸ كەتكەننەن كەيٸن اۋعانستان بيلٸگٸ “تاليبان” (قازاقستاندا تىيىم سالىنعان) راديكالدى قوزعالىسىنىڭ قولىنا ٶتكەن. ەلەمنٸڭ بٸر دە بٸر مەملەكەتٸ ونىڭ بيلٸگٸن مويىنداعان جوق.
سونىڭ سالدارىنان اۋعانستان ەۋروپا ەلدەرٸ, دٷنيەجٷزٸلٸك بانك پەن حالىقارالىق ۆاليۋتا قورىنىڭ كٶمەگٸنەن قاعىلدى. شەتەل قارجىسى جٸٶ-نٸڭ 40 پايىزىنا جەتكەن.
قازٸر ەلدە ازىق-تٷلٸك, دەرٸ-دەرمەك داعدارىسى ورنادى. ازىق-تٷلٸك قۇنى كٷرت ٶستٸ. ودان بٶلەك, اۋعانستاندا سوڭعى تٶرت جىلدا ەكٸنشٸ رەت قۋاڭشىلىق ورناعان. بۇۇ اقپاراتىنشا, سونىڭ نەتيجەسٸندە كٷن سايىن اۋعان وتباسىلارىنىڭ تەك بەس پايىزى عانا تويىپ تاماق ٸشەدٸ.
قىركٷيەكتە جەنەۆاداعى كونفەرەنتسييا كەزٸندە حالىقارالىق قاۋىمداستىق اۋعان ازاماتتارىنا كٶمەك قولىن سوزۋ ٷشٸن ميلليارد دوللاردان استام قارجىلاي كٶمەك بەرەتٸنٸن ايتقان. بۇل اقشانىڭ ٷشتەن بٸرٸ بۇۇ-نىڭ ازىق-تٷلٸك باعدارلاماسىن جٷزەگە اسىرۋعا جۇمسالادى. الايدا دٷنيەجٷزٸلٸك ازىق-تٷلٸك باعدارلاماسى ەزٸرگە قاراجاتتىڭ تەك بٸر بٶلٸگٸ عانا تٷسكەنٸن جەنە ونىڭ تەڭٸز تامشىسىنداي ەسەر بەرەتٸنٸن ايتادى.
