تاليبان راديكالدى قوزعالىسى 23 مامىردا ورازا ايت مەرەكەسٸن تويلاۋ ٷشٸن اتىستى ٷش كٷنگە توقتاتاتىنىن مەلٸمدەدٸ. ٸزٸنشە اۋعانستان پرەزيدەنتٸ اشراف عاني دە قاۋٸپسٸزدٸك كٷشتەرٸنە تىنىشتىق رەجيمٸن ساقتاۋعا بۇيرىق بەردٸ.
تاليباننىڭ رەسمي ٶكٸلٸ زابيحۋللا مۋدجاحاد Twitter جەلٸسٸندە قوزعالىس باسشىلىعىنىڭ قاراماعىنداعىلارعا “قارسىلاستارعا شابۋىل جاساماۋ” تۋرالى بۇيرىق بەرگەنٸن جازدى.
اتىستى توقتاتۋ رەجيمٸ 24 مامىردا كٷشٸنە ەنەدٸ. اشراف عاني Twitter جەلٸسٸندە حابارلامانى جىلى قارسى الدى.
“باس قولباسشى رەتٸندە اۋعانستاننىڭ قاۋٸپسٸزدٸك كٷشتەرٸنە ٷش كٷنگە سوزىلاتىن تىنىشتىق رەجيمٸن ساقتاۋ تۋرالى جەنە تەك شابۋىلدان قورعانۋ تۋرالى نۇسقاۋلىق بەردٸم” دەپ جازدى.
اقش-تىڭ اۋعانستانداعى ارنايى ۋەكٸلٸ زالماي حاليلزاد Twitter-دە وسى مٷمكٸندٸكتٸ پايدالانىپ, اقش-تاليبان اراسىندا تۇرالاپ قالعان بەيبٸت كەلٸسسٶزدٸ جىلدامداتۋ قاجەتتٸگٸن ايتتى.
“بۇدان دا باسقا وڭ قادامدار جاسالۋى تيٸس: اقش-تاليبان كەلٸسٸمٸندە ايقىن كٶرسەتٸلگەندەي قالعان تۇتقىنداردى بوساتۋ, ٸرٸ شابۋىلعا بارماۋ, اۋعانستاننىڭ ٶز ٸشٸندە كەلٸسسٶزدٸ باستاۋ كٷنٸن بەلگٸلەۋ” دەپ جازدى حاليزاد.
اقپان ايىنىڭ سوڭىندا اقش-پەن جاساسقان بەيبٸت كەلٸسٸمگە قاراماستان تەلٸپ سودىرلار شابۋىل جاساۋدى قويعان جوق.
بۇعان دەيٸن بۇل كەلٸسٸم جٷزەگە اسسا, اۋعانستاننان شەتەل ەسكەرٸ ەكەتٸلۋٸ مٷمكٸن, ەلدە 18 جىلعا سوزىلعان قاقتىعىسقا نٷكتە قويىلۋى مٷمكٸن ەكەنٸ ايتىلعان بولاتىن. بەيبٸت كەلٸسسٶز قارساڭىندا تاراپتار اراسىندا سەنٸم قالىپتاستىرۋ ماقساتىندا اۋعان ٷكٸمەتٸ مەن تاليبان تۇتقىنداردى بوساتۋ بويىنشا كەلٸسسٶز جٷرگٸزگەن. وعان سەيكەس, اۋعان ٷكٸمەتٸ تاليباننىڭ شامامەن بەس مىڭ مٷشەسٸن بوساتاتىنىن ايتقان. ال تاليبان اۋعان ٷكٸمەتٸنٸڭ شامامەن مىڭ ساربازى مەن ازاماتىن بوساتۋعا ۋەدە بەرگەن. اۋعان ٷكٸمەتٸ بۇعان دەيٸن وسى كەلٸسٸم اياسىندا تاليباننىڭ جٷزدەگەن مٷشەسٸن بوساتقان.
اۋعانستاندا اقش-تىڭ 12 مىڭنان استام ساربازى بار. ۆاشينگتون جىل سايىن ونداعى ەسكەرگە 4 ملرد دوللار قارجى بٶلەدٸ.
تاليبان اۋعان تەرريتوريياسىنىڭ شامامەن جارتىسىن باقىلاۋدا ۇستايدى. Asia Foundation ۇيىمىنىڭ 2019 جىلى جٷرگٸزگەن زەرتتەۋٸنە سەيكەس, اۋعان حالقىنىڭ 85 پايىزدان استامى تاليباندى قولدامايدى.
سەۋٸر ايىندا تاليبان رامازان ايى كەزٸندە اتىستى توقتاتۋ تۋرالى اۋعان ٷكٸمەتٸنٸڭ ۇسىنىسىن قابىلداماعان.
اۋعانستاننىڭ بارلاۋ قىزمەتٸنٸڭ رەسمي ٶكٸلٸ جاۆيد فايسالدىڭ ايتۋىنشا, رامازان ايى كەزٸندە تاليبان شابۋىلىنان كەمٸندە 146 بەيبٸت تۇرعىن قازا بولعان, 430 ادام جارالانعان.
