اۋعانستاننىڭ تەجٸكستانداعى ەلشٸسٸ مۇحامماد زاحير ەكبار پانجشەر اۋماعىندا 400-دەن استام ادامنىڭ سٷيەگٸ كٶمٸلگەن بٸرنەشە جەر انىقتالعانىن مەلٸمدەدٸ, دەپ حابارلايدى ازاتتىق.
"كەشە جەرلەستەرٸمنٸڭ بٸرٸ تەلٸپتەر سوتسىز جەنە تەرگەۋسٸز 400-دەن استام ادامدى اتىپ تاستاعانىن حابارلادى. مەن تۋىپ-ٶسكەن اۋىلدا سودىرلار 13 ەر ازاماتتى ٶلتٸرٸپ, شۇڭقىرعا كٶمٸپ تاستاعان. ولاردىڭ ەشقايسىندا قارۋ بولعان ەمەس. بەرٸ ديقاندار ەدٸ", - دەيدٸ ديپلومات.
ول جۋرناليستەرگە بٸرنەشە سۋرەتتٸ كٶرسەتٸپ, بۇل اۋعانستاندى باسىپ العان "تاليبان" قوزعالىسىنىڭ (قازاقستاندا جەنە باسقا دا كٶپتەگەن ەلدە تىيىم سالىنعان) ەسكەري قىلمىستارىن دەلەلدەيدٸ دەدٸ.
تەجٸك دەپۋتاتى سايدجاپار وسمونزودا بارلىق ماتەريالداردى بۇۇ جەنە باسقا دا حالىقارالىق ۇيىمدارعا جٸبەرۋدٸ ۇسىندى.
8 قازاندا "تاليبان" قوزعالىسىنىڭ پانجشەر ايماعىنداعى رەسمي ٶكٸلٸ ماۆلاۆي وگو مير ادامدار جاپپاي كٶمٸلگەن جەر تابىلعانىن, وندا اۋعانستاننىڭ ۇلتتىق قارسىلىق مايدانىنىڭ ٷش جاۋىنگەرٸنٸڭ دەنەسٸ بولعانىن مەلٸمدەگەن.
قىركٷيەك ايىنىڭ باسىندا "تاليبان" قوزعالىسى اۋعانستاننىڭ ۇلتتىق قارسىلىق مايدانى قورعاپ جاتقان پانجشەر قالاسىن ٶز باقىلاۋىنا العانىن حابارلاعان.
اۋعانستاندا بەيبٸت تۇرعىندار سوتسىز ٶلٸم جازاسىنا تارتىلىپ جاتقانىن حالىقارالىق ۇيىمدار دا حابارلاپ جاتىر.
