قازاقستاندا ەۋەجايلار, ۆوكزالدار مەن پورتتارداعى نامازحانالارعا سالىنعان تىيىم قايتادان الىنۋى مٷمكٸن. بۇل جايىندا بٷگٸن قر دٸن ٸستەرٸ جەنە ازاماتتىق قوعام مينيسترلٸگٸنٸڭ جۇمىس نەتيجەسٸنە ارنالعان قوعامدىق كەڭەس وتىرىسىندا مينيستر نۇرلان ەرمەكباەۆ مەلٸم ەتتٸ, دەپ حابارلايدى قازاقپارات.
«بٸزدٸڭ جۇمىسىمىزداعى ماڭىزدى ەلەمەنت بۇل دٸني بٸرلەستٸكتەرمەن ىنتىماقتاستىقتىڭ كەڭ فورماتى جەنە اشىق سۇحباتتاستىق. مينيسترلٸك جانىندا دٸن مەسەلەلەرٸ جٶنٸندەگٸ ساراپشىلار كەڭەسٸ مەن دٸني باسشىلار, كٶشباسشىلارى جينالىسى جۇمىس ٸستەيدٸ. جىل سايىن دٸنتانۋشىلاردىڭ فورۋمى ٶتٸپ تۇرادى. 12 كونفەسسييانىڭ ٶكٸلدەرٸ, قۇقىق قورعاۋشىلار مەن ساراپشىلار اتالعان سۇحبات الاڭىنىڭ تۇراقتى قاتىسۋشىسى بولىپ وتىر. بٸز دٸني ساياسات ەدٸستەرٸن بٸرلەسٸپ دايىنداپ, ٶزەكتٸ مەسەلەلەردٸ تالقىلايمىز», - دەدٸ ول.
ونىڭ ايتۋىنشا, اتالعان الاڭدا مينيسترلٸك ەزٸرلەپ جاتقان دٸن سالاسىنداعى جاڭا زاڭ جوباسىنىڭ تۇجىرىمداماسى جان-جاقتى تالقىعا تٷسكەن.
«ساراپشىلار قوعامداستىعىمەن ىنتىماقتاستىق بارىسىندا مەملەكەتتٸك ۇيىمدارعا تاقاۋ ناماز وقۋ بٶلمەلەرٸنٸڭ ورنالاسۋىنا شەكتەۋ قويۋدى جويۋ بويىنشا نۇسقاۋلىق ەنگٸزٸلدٸ. بۇعان دەيٸن مۇنداي بٶلمەلەردٸ 300 مەتردەن جاقىن ورنالاستىرۋعا بولمايتىن ەدٸ. قازٸرگٸ سەيكەسٸنشە بۇيرىق دايىن بولىپ قالدى. تاياۋ ۋاقىتتا ول شىعادى دەپ كٷتٸپ وتىرمىز جەنە مۇنداي شەكتەۋلەر ەزٸرشە دٸني وقۋ ورنىنان بٶلەك بٸلٸم وردالارى ٷشٸن عانا قالادى. سونىمەن قاتار جاڭا نۇسقاۋلىق تەمٸر جول ۆوكزالدارىندا, اۆتوۆوكزالداردا, ەۋەجايلار مەن تەڭٸز پروتتارىندا ناماز بٶلمەلەرٸن اشۋعا تىيىمدى الىپ تاستايدى. دٸني ەدەبيەتتەردٸ ساتۋعا ارنالعان ارنايى ورىندار وقۋ مەكەمەسٸ تٶڭٸرەگٸنەن 300 مەتردەن الىس كەز كەلگەن جەردە ورنالاسا الادى», - دەدٸ نۇرلان ەرمەكباەۆ.
بارلىق قۇقىقتار قورعالعان. inform.kz بەلسەندٸ سٸلتەمەنٸ پايدالانىڭىز http://www.inform.kz/kz/auezhaylar-men-vokzaldardagy-namazhanalar-kayta-ashyluy-mumkin_a3015096
