ەل تابالدىرىعى ەدەتتە ەۋەجايدان باستالادى. قاي ەلگە باعىت العاندا دا الدىمەن ەل استاناسىنىڭ ەۋەجايى اتالادى, سول ەۋەجايدىڭ اتاۋىن جادىمىزدا جاتتاپ قالامىز. سوندىقتان دا ٷكٸمەتتٸڭ استانانىڭ حالىقارالىق ەۋەجايىنا نۇرسۇلتان نازارباەۆتىڭ اتىن بەرۋ تۋرالى قاۋلىسى بۇل نىساننىڭ ەل ٶمٸرٸ ٷشٸن دە, ەلدٸڭ ەلەمدەگٸ ورنى ٷشٸن دە قاندايلىق ەرەكشە مەنٸ بار ەكەنٸن دٶپ باسۋدىڭ كٶرٸنٸسٸ دەپ بٸلەمٸز.
بۇل شەشٸمنٸڭ ورىندىلىعىن دەلەلدەپ شارشاپ-شالدىعۋدىڭ جٶنٸ دە جوق. بٸزدٸڭ ەل رەتٸندە قاز باسۋىمىزدان باستاپ, قالىپتاسۋىمىز, قانات قاتايتۋىمىز, قازاقستان قىرانىنىڭ ەلەم اسپانىنا پارلاپ ۇشۋى, الىستى دا, جاقىندى دا مويىنداتۋى, ەرەن ٸستەردٸ اتقارۋىمىز, ەكونوميكامىزدىڭ قۋاتتانۋى, حالىقتىڭ ەل-اۋقاتىنىڭ ارتۋى, جاھاندىق, جالپىادامزاتتىق ماڭىزدى مەسەلەلەردٸ شەشۋگە تٸكەلەي ارالاساتىن, قيىن تٷيٸندەردٸ تارقاتۋعا تٸكەلەي ىقپال ەتە الاتىن مىعىم مەملەكەتكە اينالۋىمىز ... – قىسقاسى, ەل بولۋىمىزدىڭ, ەل بولعاندا دا شيرەك عاسىرلىق ۋاقىتتىڭ ٸشٸندە الدىمەن ەلەمدەگٸ دامىعان ەلۋ ەلدٸڭ قاتارىنا قوسىلا العان, ول بەلەستٸ باعىندىرعان سوڭ وزىق وتىزدىقتان ويىپ ورىن الۋ مٸندەتٸن ويداعىداي شەشٸپ كەلە جاتقان ەڭسەلٸ ەل بولۋىمىزدىڭ باستاۋشىسى, ۇلتتى ۇلى ماقساتتارعا ۇيىستىرۋشى ەلباسىمىز نۇرسۇلتان ەبٸشۇلى نازارباەۆ ەكەندٸگٸن ايتىپ جاتۋدىڭ ٶزٸ بٷگٸندە ارتىق. سوندىقتان دا پارلامەنت دەپۋتاتتارى تەۋەلسٸزدٸكتٸڭ 25 جىلدىعى دەكلاراتسيياسىندا تۇڭعىش پرەزيدەنت – ەلباسىنىڭ ەرەن ەڭبەگٸن كونستيتۋتسييادا اتاپ كٶرسەتۋ, نۇرسۇلتان نازارباەۆتىڭ ەسٸمٸن ەلدٸڭ ايتۋلى نىساندارىندا ايشىقتاۋ قاجەتتٸگٸن ۇسىنعان بولاتىن. كٶپتٸڭ كٶكەيٸنەن شىققان ول ۇسىنىستار جٷزەگە اسا باستاعانى قۋانتارلىق.
ەلەمدە ەۋەجايلارعا ەيگٸلٸ تۇلعالاردىڭ اتىن بەرۋ تەجٸريبەسٸ تالايدان بار. بۇعان مىسال جەتكٸلٸكتٸ. 57 ەلدە بولدىم. كەيبٸرٸنە عانا ٶز بەتٸممەن باردىم. بەرٸنە دەرلٸك سوڭعى شيرەك عاسىر ٸشٸندە جۋرناليست رەتٸندە جول تٷستٸ, ياعني ەل كٶرۋ, جەر كٶرۋدٸڭ مول مٷمكٸندٸگٸ تەۋەلسٸزدٸك جىلدارىندا عانا اشىلدى. سوندا كٶپتەگەن ەلدەردە وسىنداي قۇرمەت كٶرسەتۋ مىسالدارىنا جولىقتىق. ونداي ەۋەجايلار تٸزٸمٸن ناپولەون اتىنداعى, بەن-گۋريون اتىنداعى, اتاتٷرٸك اتىنداعى, ۆاشينگتون اتىنداعى, فرەدەريك شوپەن اتىنداعى, داللەس اتىنداعى, كوپەرنيك اتىنداعى, لەح ۆالەنسا اتىنداعى, موتسارت اتىنداعى, دجون لەننون اتىنداعى, سەنت ەكزيۋپەري اتىنداعى, گەيدار اليەۆ اتىنداعى, دجون كەننەدي اتىنداعى, ينديرا گاندي اتىنداعى, فەدەريكو فەلليني اتىنداعى, حوسە مارتي اتىنداعى, حريستوفور كولۋمب اتىنداعى, شارل-دە-گولل اتىنداعى ... دەپ جالعاستىرا بەرۋگە بولادى. تەك مەملەكەت باسشىلارىنىڭ اتىمەن اتالعان ەۋەجايلاردىڭ سانىنىڭ ٶزٸ وتىزدان اسادى ەكەن. دەمەك, ٷكٸمەتتٸڭ بۇل شەشٸمٸ – ۋاقىتى جەتكەن, ٶركەنيەتتٸك ٷردٸسٸندە قابىلدانعان, اسىلىمىزدى ارداقتايتىن, باسىمىزداعى باقتى باعالايتىن ەل ەكەنٸمٸزدٸ كەمەل كٶرسەتەتٸن كەلٸستٸ شەشٸم.
نۇرسۇلتان نازارباەۆ حالىقارالىق ەۋەجايىنا العاشقى قوناقتار قاسيەتتٸ قادٸر تٷنٸندە كەلگەنٸ قاندايلىق عانيبەت بولدى دەسەڭٸزشٸ!
ساۋىتبەك ابدراحمانوۆ,
پارلامەنت مەجٸلٸسٸنٸڭ دەپۋتاتى, قازاقستان حالقى اسسامبلەياسى دەپۋتاتتىڭ توبىنىڭ باسشىسى
