ەۋەجاي, ۆوكزال جەنە مەشٸتتەرگە كەلبەتتٸ تانيتىن بەينەباقىلاۋ كامەرالارى قويىلعان. بۇل تۋرالى نۇر-سۇلتان قالاسى پوليتسييا دەپارتامەنتٸ جەدەل باسقارۋ ورتالىعىنىڭ بٶلٸم باسشىسى لاريسا چيرۆا مەلٸم ەتتٸ, دەپ حابارلايدى قازاقپارات.
«بٸز بۇل جوبانى جاپپاي ەنگٸزۋدٸ بٸراز ۋاقىتتان بەرٸ جوسپارلاپ كەلەمٸز. قازٸر كەلبەتتٸ تانيتىن بەينەباقىلاۋ كامەرالارى پيلوتتىق نەگٸزدە ەۋەجاي, ۆوكزال, جەراستى ٶتكەلدەرٸنە جەنە مەشٸتتەرگە قويىلدى. دەگەنمەن ول بارلىق جەردە دۇرىس جۇمىس ٸستەپ تۇرعان جوق. باعدارلاما جەتٸلدٸرۋدٸ تالاپ ەتەدٸ», - دەدٸ جەدەل باسقارۋ ورتالىعىنىڭ بٶلٸم باسشىسى.
لاريسا چيرۆانىڭ مەلٸمەتٸنشە, كامەرالار ادامنىڭ كەلبەتٸن تانىپ, ازامات تۋرالى بازادا بار بارلىق اقپاراتتى كٶرسەتەدٸ.
قۇرىلعى حالىقارالىق نەمەسە ەل ٸشٸندە ٸزدەۋ سالىنعان كٷدٸكتٸلەردٸ دە انىقتاۋعا قاۋقارلى.
جوبا پيلوتتىق كەزەڭنەن ٶتكەننەن سوڭ ونى تولىق قولدانىسقا ەنگٸزۋ جوسپارلانعان.
