Áýejai, vokzal jáne meshitterge kelbetti tanityn beinebaqylaý kameralary qoiylǵan. Bul týraly Nur-Sultan qalasy politsiia departamenti jedel basqarý ortalyǵynyń bólim basshysy Larisa Chirva málim etti, dep habarlaidy QazAqparat.
«Biz bul jobany jappai engizýdi biraz ýaqyttan beri josparlap kelemiz. Qazir kelbetti tanityn beinebaqylaý kameralary pilottyq negizde áýejai, vokzal, jerasty ótkelderine jáne meshitterge qoiyldy. Degenmen ol barlyq jerde durys jumys istep turǵan joq. Baǵdarlama jetildirýdi talap etedi», - dedi jedel basqarý ortalyǵynyń bólim basshysy.
Larisa Chirvanyń málimetinshe, kameralar adamnyń kelbetin tanyp, azamat týraly bazada bar barlyq aqparatty kórsetedi.
Qurylǵy halyqaralyq nemese el ishinde izdeý salynǵan kúdiktilerdi de anyqtaýǵa qaýqarly.
Joba pilottyq kezeńnen ótkennen soń ony tolyq qoldanysqa engizý josparlanǵan.
