.webp)
ورال قالاسىنىڭ قوس تۇرعىنى, ەگٸزدەر – زەۋرە مەن زەرە امەريكاداعى تٸل مەكتەبٸنەن استانا ارقىلى كەرٸ ۇشىپ شىققان. ەلورداعا امان جەتكەن قوس جاسٶسپٸرٸمنٸڭ بٸرٸ استانا - ورال باعىتىندا ۇشقان «FlyArystan» ەۋەكومپانيياسىنىڭ ۇشاعىنان قالىپ قويعان. بۇل تۋرالى ەگٸزدەردٸڭ اناسى جازيرا مۋسينا ٶزٸنٸڭ ەلەۋمەتتٸك پاراقشاسىنا جازدى.
اناسىنىڭ ايتۋىنشا, 12 جاسار بالالار 20 شٸلدە كٷنٸ سەنٸپ تاپسىرىلعان تۇلعانىڭ جەتەكشٸلٸگٸمەن نيۋ-يورك قالاسىنان استاناعا باعىت العان ۇشاقپەن ۇشىپ كەلگەن. 21 شٸلدە كٷنٸ تاڭدا ۇشاق استانا قالاسىنا قونعان. جوسپار بويىنشا سول كٷنٸ تٷستەن كەيٸن ورالعا ۇشاتىن رەيسكە وتىرۋى تيٸس بولعان. الايدا, «FlyArystan» ەۋەكومپانيياسى قىزمەتكەرلەرٸنٸڭ سالعىرتتىعى سالدارىنان, ەگٸزدەردٸڭ بٸرەۋٸ ەۋەجايدا قالىپ قويعان.
«FlyArystan» ەۋەكومپانيياسىنىڭ قىزمەتكەرلەرٸ تەك زەۋرەنٸ تٸركەپ, تەحنيكالىق اقاۋدى سىلتاۋراتىپ, زەرەنٸ تٸركەمەگەن. بالالارعا جاۋاپتى تۇلعاعا زەرەنٸ ٶزدەرٸ ۇشاققا وتىرعىزاتىنىن ايتقان. نەتيجەسٸندە بەرٸ ۇشىپ كەتەدٸ دە, زەرە ەۋەجايدا قالىپ قويعان», — دەپ جازدى اناسى.
زەرە وسىلايشا, ەكٸ چەمودانى مەن قۇجاتىن قۇشاقتاپ, استانا ەۋەجايىندا جالعىز قالعان.
اناسىنىڭ حابارلاۋىنشا, بۇل جاڭالىقتى ەستٸگەن بويدا ول تيٸستٸ مەكەمەلەرگە قوڭىراۋ شالىپ, حابارلاسا باستاعان. ەۋەكومپانيياسى زەرەنٸ قوناقٷيگە ورنالاستىرۋ تۋرالى ۇسىنىس ايتقان. الايدا, قىزىنىڭ قاۋٸپسٸزدٸگٸنە الاڭداعان انا ۇسىنىستان باس تارتىپ, تۋىسقاندارىنان كٶمەك سۇراعان. ەرتەڭٸندە تاڭدا زەرە ەشبٸر جەتەلەگەن ادامسىز ٶزٸ ورالعا ۇشقان.
جازيرا مۋسينا بٸردەن قورعاۋشى تاۋىپ, ازاماتتىق اۆياتسييا كوميتەتٸنە شاعىم تٷسٸرگەن. بالا قۇقىعى, ەۋەكومپانييانىڭ جاۋاپكەرشٸلٸگٸ مەسەلەسٸن العا تارتقان.
بٷگٸن «FlyArystan» ەۋەكومپانيياسى كەمەلەتكە تولماعان جولاۋشىنى رەيسكە جٸبەرمەۋ جٶنٸندەگٸ اقپاراتقا قاتىستى تٷسٸنٸكتەمە بەردٸ.
«ازاماتتىق اۆياتسييا كوميتەتٸ «FlyArystan» اۆياكومپانيياسىن كەمەلەتكە تولماعان جولاۋشىنى اۆياكومپانييانىڭ رەيسٸنە جٸبەرمەگەنٸ ٷشٸن ەكٸمشٸلٸك جاۋاپكەرشٸلٸككە تارتادى. بۇل ٶرەسكەل جاعداي. جولاۋشىلاردىڭ قۇقىعى ەرقاشان مٷلتٸكسٸز ساقتالۋى كەرەك. ازاماتتىق اۆياتسييا كوميتەتٸ, «قازاقستاننىڭ اۆياتسييالىق ەكٸمشٸلٸگٸ« اق-مەن بٸرلەسە «FlyArystan» اۆياكومپانيياسىنا قاتىستى جان-جاقتى تەكسەرۋ جٷرگٸزەدٸ. كٸنەلٸ قىزمەتكەرلەر مٸندەتتٸ تٷردە جاۋاپقا تارتىلادى», — دەلٸنگەن حابارلامادا.
