فوتو: دۋمان قۇرمانعاليەۆ
18 تامىزدا ۇلتتىق قاۋٸپسٸزدٸك جٷيەسٸ نەگٸزگٸ كومپونەنتتەرٸنٸڭ بٸرٸ - قر قارۋلى كٷشتەرٸ ەۋە قورعانىسى كٷشتەرٸنٸڭ قۇرىلعانىنا 27 جىل تولىپ وتىر, دەپ حابارلايدى Ult.kz.
بٷگٸندە قارۋلى كٷشتەردٸڭ بۇل تٷرٸ قازاقستان ەسكەرٸنٸڭ قۋاتتى, جوعارى تەحنولوگييالىق جەنە ۇتقىر قۇرامداس بٶلٸگٸنە اينالعان.
ولاردىڭ قۇرامىنا ەۋە شابۋىلىنا قارسى قورعانىس ەسكەرلەرٸ مەن ەسكەري-ەۋە كٷشتەرٸ كٸرەدٸ. ولار ەۋە شەبٸن سەنٸمدٸ قورعاۋدى, ستراتەگييالىق ماڭىزدى مەملەكەتتٸك, ەكٸمشٸلٸك جەنە ەسكەري وبەكتٸلەردٸ بٷركەمەلەۋدٸ قامتاماسىز ەتەدٸ. قارۋلى كٷشتەردٸڭ باسقا تٷرلەرٸ مەن ەسكەر تەكتەرٸن اۆياتسييالىق قولداۋ مٸندەتتەرٸن ورىندايدى.
مامانداردى دايارلاۋ بەيٸندٸ ەسكەري وقۋ ورىندارىندا جٷرگٸزٸلەدٸ. اقتٶبەدەگٸ ەۋە قورعانىسى كٷشتەرٸنٸڭ ەسكەري ينستيتۋتى ۇشۋ جەنە ينجەنەرلٸك-تەحنيكالىق قۇرامنىڭ ماماندارىن, ال الماتى قالاسىنداعى راديوەلەكترونيكا جەنە بايلانىس ەسكەري-ينجەنەرلٸك ينستيتۋتى ەۋە شابۋىلىنا قارسى قورعانىس جەنە بايلانىس ەسكەرلەرٸ ٷشٸن ينجەنەرلٸك كادرلار دايارلايدى.
ەسكەري-ەۋە كٷشتەرٸندە اەروديناميكالىق, ۇشۋ جەنە جاۋىنگەرلٸك سيپاتتامالارى بويىنشا ەلەمدەگٸ ەڭ جاقسى دەپ تانىلعان زاماناۋي جاۋىنگەرلٸك, ەسكەري-كٶلٸكتٸك, جاتتىعۋ ۇشاقتارى مەن تٸكۇشاقتار بار. ٶتكەن جىلى اۆياتسييالىق پارك 37 تونناعا دەيٸن نەمەسە 100-دەن استام ەسكەري قىزمەتشٸنٸ ۇزاق قاشىقتىققا تاسىمالداۋعا قابٸلەتتٸ كٶپفۋنكتسيونالدى ا400م ەسكەري-كٶلٸكتٸك ۇشاعىمەن تولىقتى. ەۋە كەمەسٸن پايدالانعان جارتى جىل ٸشٸندە ەكيپاج جەكە قۇرامدى تاسىمالداۋدا بٸرقاتار مٸندەتتەردٸ ورىندادى. ونىڭ ٸشٸندە گولان جوتالارىنداعى بٸتٸمگەرلەردٸ روتاتسييالاۋ, قازاقستاندىق كوماندالاردىڭ بٸرٸككەن اراب ەمٸرلٸكتەرٸنە UAE SWAT Challenge-2025 حالىقارالىق جارىستارىنا اپارىپ كەلۋ, "ايبىن-2025" حالىقارالىق ەسكەري-پاتريوتتىق جاستار جيىنىن كٶلٸكپەن قامتاماسىز ەتۋ بار.
ەۋە قورعانىسى كٷشتەرٸن دامىتۋدىڭ ماڭىزدى باسىمدىعى اۆتوماتتاندىرىلعان باسقارۋ جٷيەسٸن ەنگٸزۋ بولىپ وتىر. بۇل ەۋە قاۋپٸ جاعدايىندا بارلىق بٶلٸمشەلەردٸڭ تيٸمدٸ ٶزارا ٸس-قيمىلىن قامتاماسىز ەتۋگە, ونىڭ ٸشٸندە جەدەل اقپارات جيناۋدان باستاپ جاۋىنگەرلٸك ٸس-قيمىلداردى ٷيلەستٸرۋگە جەنە ۇشۋدى باسقارۋعا مٷمكٸندٸك بەرەدٸ.
ەۋە قورعانىسى كٷشتەرٸندە جاۋىنگەرلٸك داعدىلاردى ارتتىرۋ, ۇشۋ قۇرامىن كٷردەلٸ مٸندەتتەردٸ ورىنداۋعا دايىنداۋ, جوعارى پيلوتاج داعدىلارىن يگەرۋ بويىنشا جٷيەلٸ جۇمىس جٷرگٸزٸلۋدە.
ەسكەري ۇشقىشتار ەرقاشان بەيبٸت تۇرعىندارعا كٶمەككە كەلۋگە دايىن. ارمييالىق اۆياتسييا ەكيپاجدارى ادامداردى ەۆاكۋاتسييالاۋعا, 2024 جىلعى سۋ تاسقىنى كەزٸندە ازىق-تٷلٸك پەن گۋمانيتارلىق جٷكتەردٸ جەتكٸزۋگە, اباي وبلىسىنداعى ورمان ٶرتٸن سٶندٸرۋگە جەنە جەدەل دەن قويۋدى قاجەت ەتەتٸن باسقا دا مٸندەتتەرگە تارتىلدى.
