فوتو:azh.kz
اتىراۋدىڭ بۇرىنعى ەكٸمٸ قايرات ورازباەۆ تەرگەۋ يزولياتورىنان ٷيقاماققا اۋىستىرىلدى. بۇعان دەيٸن ول قاماۋعا الىنعان بولاتىن.
اتىراۋ وبلىسى سوتىنىڭ باسپاسٶز قىزمەتٸ وبلىس پروكۋرورىنىڭ ٶتٸنٸشٸ بويىنشا بۇرىن قاماۋعا الىنعان ەكس-ەكٸمگە قاتىستى بۇلتارتپاۋ شاراسى ٶزگەرتٸلگەنٸن حابارلادى, دەپ جازادى Tengrinews.kz سايتى.
"اتىراۋ مامانداندىرىلعان تەرگەۋ سوتىنىڭ 2023 جىلعى 11 قاراشاداعى قاۋلىسى بويىنشا ق. ورازباەۆقا قاتىستى ەكٸ اي مەرزٸمگە قاماۋدا ۇستاۋ تٷرٸندەگٸ بۇلتارتپاۋ شاراسى سانكتسييالاندى. اتىراۋ وبلىسى پروكۋرورىنىڭ ٶتٸنٸشٸ بويىنشا اتىراۋ مامانداندىرىلعان تەرگەۋ سوتىنىڭ 2023 جىلعى 22 جەلتوقسانداعى قاۋلىسى بويىنشا, ق. ورازباەۆقا قاتىستى بۇلتارتپاۋ شاراسى ونىڭ دەنساۋلىق جاعدايىنا بايلانىستى ٷيقاماققا اۋىستىرىلدى", - دەلٸنگەن اتىراۋ مامانداندىرىلعان تەرگەۋ سوتىنىڭ اقپاراتىندا.
ەسكە سالايىق, اتىراۋدىڭ بۇرىنعى ەكٸمٸ قايرات ورازباەۆتىڭ ۇستالعانى بىلتىرعى قاراشادا بەلگٸلٸ بولدى. سول كەزدە پروكۋراتۋرا الاياقتىق بەلگٸلەرٸ بويىنشا اتىراۋ ەكٸمدٸگٸنٸڭ لاۋازىمدى تۇلعالارىنا قاتىستى سوتالدى تەرگەۋ جٷرگٸزٸلٸپ جاتقانىن حابارلادى.
